1 Corinto 14:5 - Kagi Ka Manama

⁵ Kakalyag ku pád na makakagi tô langun yu katô kinagiyan na ándà pa kasóddóri, asal tuu pa tô kakalyag ku na makólit-ólit kó katô kagi na bággén ka Manama ákniyu. Su tô kólit-ólit katô kagi na bággén ka Manama tuu ágkailanganán ka tandingán katô kakagi katô kinagiyan na ándà pa kasóddóri. Asal ka duwán makóbad katô kinagiyan na ándà pa kasóddóri, magunawa tô kólit-ólit ka kagi na bággén ka Manama asta tô kakagi katô kinagiyan na ándà pa kasóddóri ébô kumasarig tô kapamaké katô langun ki Cristo ukit ka kénagpát dan.

1 Corinto 14:5 ပူးပေါင်းရင်းမြစ်များ

1 Corinto 12:10

Duwán mga ágbággayan katô Ugis Espiritu ka katulusan ébô makalumu katô mga kasalábbuan. Duwán mga ágbággayan ka gasa ébô mulit-ulit katô kagi na igbággé ka Manama tun kandan, asta duwán mga ágbággayan ka gasa ébô makasóddór ka ágkagi tô manubù ukit katô Ugis Espiritu ó ánnà. Duwán mga ágbággayan ka gasa ébô makakagi ka ássa-ássa kinagiyan na ándà pa kasóddóri, asta duwán mga ágbággayan ka gasa ébô makóbad katô kinagiyan na ándà pa kasóddóri.

1 Corinto 13:1

Agad makakagiya katô ássa-ássa mga kinagiyan ka manubù asta kinagiyan ka mga panaligan, asal ka ándà ginawa ku tun ta mga unawa ku, ándà maminág kanak su iringnga na dagingán ka agung na pakabingál.

Marcos 16:17

Ni gó tô mga kasalábbuan na lumun katô mga manubù na ágpamaké kanak. Paluwà dan katô madat mga espiritu tikud tun ta manubù ukit ka ngadan ku. Kumagi dan ka ássa-ássa mga kinagiyan.

1 Corinto 14:1

Purisu ággár-ággár kó gó ébô makatuman kó guminawa. Asal ággár-ággár kó ébô kabággayan kó katô Ugis Espiritu ka mga gasa din. Ággár-ággárri yu gó na kabággayan kó ka gasa katô kólit-ólit ka kagi na bággén ka Manama ákniyu.

1 Corinto 13:4

Ni gó tô áglumun ka manubù na ágginawa. Mallayat é ginawa din, asta madigár tô áglumun din tun ta mga unawa din. Dì gingà asta dì ágpadadurung.

Roma 14:19

Purisu kailangan mággár-ággár ki lumumu ka kasunayan para katô mga ágpampamaké, asta patabangé ki ébô kumasarig tô kapamaké ta ki Cristo.

1 Corinto 14:17

Agad tuu madigár tô kapasalamat nu tun ta Manama, asal ka dì makagpát tô duma mga manubù, dì ka gó makatabang kandan.

Genesis 30:34

Ignunug si Laban, na mà din, “Óó! Tuman nu tô igkagi nu.”