1 Corinto 11:18 - Kagi Ka Manama

¹⁸ Una katô kagin ku ákniyu, igulitanna na tô ágpalimudé kó na mga ágpampamaké, ágpassa-assaé kó kun, asta panámdám ku na duwán kabánnalan tun ta idinág ku.

1 Corinto 11:18 ပူးပေါင်းရင်းမြစ်များ

1 Corinto 3:3

Su sippang áknganni, ágkapid kó pa katô madat mga kakalyag yu. Ágpéngaé kó pa asta ágpapulé kó. Ni iglumu yu igpasóddór na ágkapid kó pa katô madat mga kakalyag yu. Tô áglumun yu iring pô gó katô mga manubù na ándà pa pamaké katô Áglangngagán ta.

1 Corinto 5:1

Idinág ku gó na duwán tun ákniyu na áglumu ka madat na dì mému lumun agad tun ta mga manubù na dì ágpamaké. Idinág ku na duwán mama tun ákniyu na áglayuk katô sawa katô ámmà din.

1 Corinto 6:1

Atin ka dimandan yu tô kataladi, dì mému ka pósayán yu katô huwes na dì ágpamaké ka Manama. Kailangan pósayán yu katô mga ágpampamaké.