1 Corinto 10:7 - Kagi Ka Manama

⁷ Yakó ágpangadap katô mga ágmanaman iring katô iglumu katô mga duma. Su mà katô kagi ka Manama na igsulat, “Tô mga manubù igpalimudé, igkan, iginám, asta igsayó tun ta kapangadap dan katô mga ágmanaman.”

1 Corinto 10:7 ပူးပေါင်းရင်းမြစ်များ

1 Corinto 6:9

Iring na ándà yu kasóddóri na tô mga áglumu ka madat dì masakup tun ta pagpangulu ka Manama. Yakó áglimbung katô ákniyu sarili! Tô mga áglayuk katô ánnà kandan sawa ó duma, tô mga ágpangadap katô ágmanaman, tô mga áglibug, asta tô mga áglayuk katô unawa din gamama ó gabayi, dì dan gó masakup tun ta pagpangulu ka Manama.

1 Corinto 10:14

Purisu mga ágginawaan ku, yakó gó ágpangadap katô mga ágmanaman.

1 Corinto 5:11

Asal kakalyag ku na tô mga ágpampamaké gó tô liliyan yu ka áglayuk dan katô ánnà kandan sawa ó duma, ágkasabuan dan, ágpangadap dan katô ágmanaman, ágbuyas-buyas dan, marag dan ágkalasing, asta áglapas dan katô mga sugù. Dì mému agad kuman kó dád duma kandan.

1 Juan 5:21

Purisu mga gabatà, liliyi yu tô mga ánnà bánnal manama.

1 Corinto 8:7

Agad sábbad dád tô Manama, asal duwán mga ágpampamaké na ándà ikasóddór kani kabánnalan. Su dángngan tô ándà dan pa pamaké, inayadan dan gó tô mga ágmanaman, asta sippang áknganni, atin ka ágkan dan katô ágkakan na igbággé tun ta mga ágmanaman, tô panámdám dan iring na ágpangadapán dan gó tô mga ágmanaman. Purisu ágpanámdám dan na makasalà dan ukit katô kakan dan kani.

Lumu 15:20

Asal madigár ka sumulat ki kandan, asta sumugù ki na kailangan dì dan kannán tô mga ágkakan na taganà igbággé tun ta mga ágmanaman, asta dì dan lumayuk katô ánnà kandan sawa ó duma. Kailangan dì dan kannán tô mga mannanap na inérát asta tô dipanug.