1 Corinto 10:10 - Kagi Ka Manama

¹⁰ Yakó ágburáng-buráng tun ta Manama iring katô mga duma. Tô gó igmatayan dan katô Panaligan ka Kamatayan na igpapid katô Manama.

1 Corinto 10:10 ပူးပေါင်းရင်းမြစ်များ

Filipos 2:14

Agad ándin tô áglumun yu, yakó ágburáng-buráng asta yakó ágpapulé

Exodo 12:23

su panó-panó tô Áglangngagán tun ta kaluwagan ka Ehipto ébô matayan din tô mga taga Ehipto. Asal ka kitanán din tô dipanug tun ta duwa ligad katô sállat asta dadan tun datas katô sállat, lumabé sikandin. Dì din pahun tô taramaté na panaligan tun ta balé yu, asta dì matayan tô mga tambang kaké gabatà yu gamama.

Judas 1:16

Ni mga manubù ni ágburáng-buráng tingód katô Manama. Dì dan ágkanángngaan. Ágpanámdámmán dan tô kakalyag katô kandan sarili. Ágpadadurung dan ukit katô kagi dan. Ágpaniyuk dan katô mga manubù ébô matuman tô kakalyag dan.

Exodo 15:24

Igburáng-buráng tô mga manubù ki Moises, asta iginsà sikandan, na mà dan, “Ándin tô inámmán ta?”

Lumu 12:23

Tigkô dád igsupakan si Herodes katô panaligan ka Áglangngagán, su ándà din sapadi tô mga manubù na ágdurung kandin. Purisu igulád tô bituka i Herodes, asta inaté.

Igpakita 16:1

Na, duwán igdinág ku tun ta templo na igtawar ka mabákkár tun ta pittu mga panaligan, na mà din, “Pid yu tô pittu mga linipung tun ta banuwa, asta busbus yu, su tô gó tô supak ka Manama.”

Hebreo 11:28

Ukit ka kapamaké i Moises ka Manama, igkagi sikandin na kailangan matayan dan tô karnero asta pólétán tô dipanug tun ta sállat ka balé dan ébô dì matayan tô tambang kaké katô mga gabatà ka Hebreo ka papiddán ka Manama tô Panaligan na Ágmaté.