1 Corinto 1:17 - Kagi Ka Manama

¹⁷ Ándà a papiddi i Cristo ébô munyagga, asal igpapidda ikandin ébô mulit-ulitta katô Madigár Gulitán. Tô igulit-ulitta, ándà ku gamiti tô mapandé mga kagi agó ándà ágpulusán katô ágtinuruán ku tingód katô kamatayan i Cristo tun ta krus.

1 Corinto 1:17 ပူးပေါင်းရင်းမြစ်များ

1 Corinto 2:1

Mga kataladi, tô igsadunna diyan ákniyu ébô mulit-ulitta katô kabánnalan na igpasóddór dán ka Manama, ándà ku gamiti tô mga madalám kagi ó tô madalám kapandayan.

1 Corinto 2:13

Purisu tô ágkagin dé tingód kani mga gasa na igbággé ka Manama, tô gó tô igtinurù áknami ánnà tikud tun ta kapandayan ka manubù, asal igtinurù katô Ugis Espiritu. Igpénagpát dé tô mga kabánnalan na igtinurù katô Ugis Espiritu tun ta mga manubù na duwán Ugis Espiritu tun kandan.

2 Pedro 1:16

Na, igulit ké ákniyu na matulus tô Áglangngagán ta na si Jesu-Cristo, asta lumónód gó sikandin. Tô igulit dé ánnà igimu-imu mga gulitán, asal sikami tô igkita katô séllaán ka katulusan din.

2 Corinto 10:10

Su duwán diyan ákniyu na ágkagi na maganiya dád tun ta mga sulat ku, asal ka ágtubangnga, ágmalómétta asta ándà ágpulusán katô mga ágkagin ku.

2 Corinto 4:2

Igélléyan dé tô mga linumuwan na makayayyà asta gállássán. Dì ké áglimbung katô mga manubù, asta dì dé ágpalinán tô kagi ka Manama tingód ki Cristo. Isóddóran gó ka Manama na kabánnalan dád tô gulit-ulitán dé, asta isóddóran katô mga manubù na ágkasarigan ké.

Juan 4:2

Na, tô kabánnalan, ánnà si Jesus tô igbunyag, asal mga disipulu dád i Jesus tô igpambunyag.

2 Corinto 11:6

Agad diya tuu katig gulit-ulit, asal duwán gó kakatigan ku na makasóddórra katô kabánnalan. Isóddóran yu na bánnal tô langun na ágtinuruán dé, su ikapira kód gó ikakita.

Lumu 10:48

Purisu igkagi si Pedro na kailangan bunyagan dan ukit katô ngadan i Jesu-Cristo. Na, igpóddô dan pa si Pedro tun kandan ka pira álló.

Juan 4:1

Na, igdinág katô mga Pariseo na agad marapung tô mga manubù na igtákkás ki Juan na Tarabunyag asta igbunyagan din, asal tuu pa marapung tô mga manubù na igtákkás ki Jesus asta igbunyagan din.

2 Corinto 1:12

Ni gó tô padadurungán dé su isóddóran dé na matullid asta bánnal tun ta saruwan ka Manama tô langun ka áglumun dé. Ituman ni ánnà ukit katô áknami kakatigan asal ukit katô ginawa ka Manama áknami. Matullid gó tô ágkémun dé tun ta langun manubù, asta tuu pa gó tun ákniyu.