Titi 2:14 - U TIENU MAAMA TILI 2013

¹⁴ O den puni o yuli ki kpe ti po, ki baa daa ki faabi ti leni mi biadima kuli, ki ŋuudi ki ŋanbi ti, tin tua wani n die yaaba, yaaba n baa yaa pia li yankuali a tuonŋama po.

Gourmanchéma Bible

¹⁴ O den puni o yuli ki kpe tipo ke wan da ki faabi ti leni mi biadima kuli, ki ŋuudi ki ŋanbi ti tin tua wani n die yaaba, yaaba n baa pia li yankuali a tuonŋama po.

Titi 2:14 ပူးပေါင်းရင်းမြစ်များ

Mi cilima 48:16

Yaa maleki n den daa ki faabi nni n fala kuli nni, Wani n seligi a naa bila. Ban yini ba n yaa yeli Leni n baanba, Abalahama leni Isaaka yaa yela. Ban yaa pugidi hali boncianla mi diema nni.»

Pisomi 130:8

Wani n baa faabi Isidayeli yaaba Leni bi tagili kuli.

Pisomi 135:4

O Diedo gandi o yuli po Jakob, Ki teni ke o puoliŋuani Isidayeli yaaba Tua wan die yaaba.

Mi Ñama 15:16

I jeje leni ti jawaandi baa cuo ba. A buagu paalu baa teni ban tua muula nani li tanli yeni. Bi kan fidi ki tieni liba kuli hali a niba, Ŋan faabi yaaba yeni n baa pendi.

Esekieli 36:25

N baa mii yi po yaa ñima n ŋani cain, ke yin ŋuudi ki ŋanbi. N baa ŋuudi ki ŋanbi yi leni yi joagindi leni yi buli kuli.

Esekieli 37:23

Bi kan go joagini bi yula leni i buli padima, a cancagintuona leni bi biadima buoli kuli. N baa faabi ba ban den ye naankani kuli, ki tiendi ti tuonbiadi, ki ŋuudi ki ŋanbi ba. Bi baa yaa tie n niba, nmo baa yaa tie bi Tienu.

Levi 25:41

Lanyogunu, o baa ña a diegu nni, wani leni o bila kuli ki guani o buolu nni, ki guani ki kuni o baanba tinmu po.

Malaki 3:3

O baa kali u maafanu nni nani yua duadi ŋanjilifa yeni. O baa ŋanbi Levi puoliŋuani, ki ñani bi po bi joagindi, nani ban ñandi wula leni ŋanjilifa Joagindi maama yeni. Yeni, bi go baa fidi ki padi yaa pada n tiegi o Diedo po.

Mi Coadima 25:13

Laa ŋantaado baa yaa tie, wani leni o puoliŋuani kuli po, li kopadiciantuonli yaa ŋantaado, yua n baa yaa ye hali yaa yogunu kuli po, kelima o doagidi ke o pia o Tienu nunponli buolu, ki teni ke Isidayeli yaaba baa bi tuonbiadi sugili.»

Matie 1:21

O baa maa bonjaga, ŋan yini o Jesu, kelima wani n baa faabi o buolu yaaba leni bi tuonbiadi.»

Matie 20:28

Lani n cedi ke o Joa Bijua ki cua ke bi niba n yaa tuuni o po ka, ama o cua ki baa yaa tuuni bi niba po, ki pa o miali, ki daa ki faabi bi niba boncianla.»

Matie 3:12

O kubi o kaaligu o nuu nni. O baa ŋanbi o jalu cain, ki wodi ki kuodi mi bima li buali nni, ki nan sia mi fenma leni yaa mu n ki pia gbindima.»

Jan n diani U Tienu Laabaaliŋamo maama 10:15

nani n Baa n bani nni ke nmo bani o maama yeni. N puni n miali n pe po.

Jan n diani U Tienu Laabaaliŋamo maama 6:51

Mini n tie yaa jiema n fo, ki ñani tanpoli po ki jiidi ki puuni li miali. Yua n di laa jiema kuli, baa yaa ye hali yaa yogunu kuli. Min baa pa o yaa jiema yeni tie n gbanandi, min baa pa yaadi ŋanduna yaaba kuli po, ke ban baa li miali.»

Jesu Tondiba Tuona 15:14

«N kpiiba, cengi mani nni. Simon togidi U Tienu n den kpa noanli ki laa bi nilanba po maama, ki gandi bi siiga yaa niba n baa yaa tie o buolu.

Jesu Tondiba Tuona 15:9

Waa den tieni gagidimiba tinba leni bani siiga. Ban den daani yeni po, o den ŋuudi ki ŋanbi bimoko yaa pala.

Jesu Tondiba Tuona 20:28

Fangi mani yi yula, ki go yaa guu u yankulu kuli, yuu n tie Kilisiti Nitaanli, U Tienu Fuoma Yua n kaani yi yaaba siiga, ke yin yaa tie bi gobidikaaba. Yin yaa tie nani bi yankpaaba, ki kpaa U Tienu nitaanli yaaba, wan daa yaaba leni o soaceli.

Jesu Tondiba Tuona 9:36

O pua den ye Jope dogu nni ke bi yi o Tabita, yaali n soagini ki yedi Dorkasi, lani n tie o piañoago. O den tiendi a tuonŋama, ki puuni a luoda mi todima boncianla.

Galati 1:4

Wani Jesu Kilisiti n den puni o yuli ti tuonbiadi po, nani ti Baa U Tienu n den bua maama, ki baa faabi ti leni ŋanduna na leni o biadima.

Galati 2:20

Lanwani, laa go tie mini yua n ye ki fo, li tie Kilisiti yua n ye ki fo n niinni. Min pia yaa miali n gbanandi nni moala, n pia li kelima n dugi wani U Tienu Bijua po, wani yua n den bua nni ki puni o yuli ki kpe n po.

Galati 3:13

Kilisiti den daa ki faabi ti leni li bali maama yaa solindi, ki den tua ti solindi ti yaa po, kelima li diani: «Ban joani yua ku daagu po kuli tie ti solindi yua.»

Efesa 1:11

Li tie wani Kilisiti yaa niinne, ke U Tienu tieni li bonla kuli nani wan den kpa jagi ki bili maama. O den gandi ki gagidi ti, ke ti tua o yaaba.

Efesa 2:10

Ti tie U Tienu nuu tuonli. O tagi ti Jesu Kilisiti nni, ke tin yaa tuuni a tuonŋama, wan den tuodi ki jagi ke tin yaa tuuni ya.

Efesa 5:2

Yin yaa ye leni yiyaba leni mi buama, nani Kilisiti n den bua ti maama, ki puni o yuli U Tienu, ki tua yaa paabu leni yaa padili yaa nuulu n mani.

Mi Tiadima 14:2

Yi tie yaa nibuolu n gagidi ki ŋani o Diedo yi Tienu po. Yinbe ke o Diedo yi Tienu den gandi, ki tinga nibuoli kuli siiga, ke yin tua wan die yaaba.

Mi Tiadima 26:18

O Diedo go niani yi, ke yi baa yaa tie wani o ba n die yaaba, nani wan yedi maama, ki go yaa kubi o bali maama kuli.

Mi Tiadima 4:20

Ama yinba, o Diedo taa yi ki ñani yi Ejipiti kudi buaga nni, ke yin tua yaa niba n tie o yaa yaaba, nani yin tie maama dinla.

Mi Tiadima 7:6

Yi baa tieni yeni, kelima yi tie yaa nibuolu n gagidi ki ŋani o Diedo yi Tienu po. O Diedo yi Tienu gandi yi, ke yin tua i nibuoli siiga, o yaa nibuoliceli mi tinfanma nni.

1 Timote 1:15

Yaa maama n tie ne tie mi madugikaama, ki pundi bi niba n gaa ma cain, ke Jesu Kilisiti den cua ŋanduna nni ki baa tindi ti tuonbiadi danba. Bi siiga nni mini n cie.

1 Timote 2:10

Ama ban yaa sibidi biba leni a tuonŋama, lan dagidi ke yaa puoba n tieni siedi, ke bi ŋua U Tienu n yaa tiendi maama.

1 Timote 2:6

Wani n den puni o yuli ki kpe, ki pani mi faabima panli bi niba kuli po. Laa siedi n den tieni u yogunu n den pundi.

1 Timote 6:18

Ŋan go tundi ba ke ban yaa tiendi yaala n ŋani, ki tiendi a tuonŋama ke li yabi, ke lane n yaa tie bi piama. Ŋan go tundi ba ke ban yaa pia ti bulicindi, bi nii mo n yaa tiani.

Titi 2:7

Ŋan tua bi po li bontogidikaala a tuonŋama nni. Ŋan yaa bangi yaa bangima n ŋani, ki go dagidi.

Titi 3:8

Laa maama tie mi madugikaama. N bua ŋan bangi ki go ñii li po bonŋanla, ke yaaba n daani U Tienu n yaa tiendi ania a tuonŋama tienma po. Lani n ŋani, ki go pia mi fuoma bi niba kuli po.

Hebilunba 1:3

Wani Bijua yeni n yadi U Tienu kpiagidi yenma. U Tienu n tie maama, o Bijua moko tie yene cain. O go kubi mi tagima kuli ke mi ye kelima o maama paalu po. Wan den soani ti tuonbiadi ŋuudiñanma tuonli ki dudi, o den kali hali tanpolijoma, U Tienu yua n pia ti kpiagidi jienu po.

Hebilunba 10:24

Tin yaa tiani mani tiyaba po, ki tigini tiyaba ke tin yaa pia mi buama ki tiendi a tuonŋama.

Hebilunba 9:14

Lanwani li yaa tie yeni, laa pia kuli tama, ke Kilisiti yaa soama n baa ŋanbi ba ki cie. U Tienu Fuoma yaama n ye yaa yogunu kuli paalu po, wani Kilisiti den puni o yuli U Tienu, nani yaa padili n ki pia joagindi yeni. O soama yeni baa ŋuudi ki ŋanbi ti pala siedi leni yaa tuona n baa cuani mi kuuma, ke tin yaa tuuni U Tienu yua n ye ki fo po.

Jaki 4:8

Yin nagini U Tienu kani, omo baa nagini yi kani. Yinba ti tuonbiadi danba, nidi mani yi nii. Ŋanbi mani yi pala, yinba yamilie danba.

1 Pieri 1:18

Yi bani ke U Tienu ki den taa yaa bonla n baa bodi nani ŋanjilifa leni wula yeni ka, ki daa ki faabi yi leni yaa yema n tie fanma fanma, yin den baa yaama yi yaajanba kani.

1 Pieri 1:22

Moala yi ŋanbi yi yula leni yin ŋua i moamoani, ke yin fidi ki yaa pia yaa buama n ki pia tuonanma yi kpiiba po. Lanwani, yin yaa bua yiyaba hali boncianla leni yi pala kuli.

1 Pieri 2:12

Yin yaa pia u tagiŋamu bi nilanba siiga. Lanwani, ba bi yaa kuli yi ke yi tiendi yaala n bia, ban le yi tuonŋama, ki kpiagi U Tienu, o cuama daali.

1 Pieri 2:9

Ama yinba wani, yi tie ban den gandi yaa buolu, o Bado kopadicianba, yaa buolu n gagidi ki ŋani, wan baa yaa buolu o yuceli po. O yini yi ke yin ña li biigili nni, ki kua o yenma yaama n ŋani cain nni, ke yin yaa wangi o tuona yaa n ŋani boncianla.

1 Pieri 3:18

Kilisiti moko den laa fala yenma ti tuonbiadi po, ke li dagidi u yogunu kuli po. Wani yua n tiegi den kpe yaaba n ki tiegi po, ke wan gobidi ki gedini yi U Tienu kani. O den kpe ti gbanandi po, ama o den guani ki baa li miali, kelima mi Fuoma po.

1 Jan 1:7

Ama ti yaa cuoni mi yenma nni, Nani U Tienu wani o ba n ye mi yenma nni, Ti pia yanyenma leni tiyaba, O Bijua Jesu soama baa yaa ŋuudi ti pala, Ki ñandi ti po ti tuonbiadi kuli cain.

1 Jan 1:9

Ti yaa tuo ti tuonbiadi, Nani wan tie nidugika ki go tiegi yeni, O baa pa ti ti tuonbiadi sugili, Ki go ŋuudi ki ñani ti biadima kuli cain.

1 Jan 3:2

N buakaaba, moala ti tie U Tienu bila. Tin baa tua yaala daa doagidi, ama ti bani ke o yaa doagidi yaa yogunu, ti baa yaa tie nani wani n tie maama, kelima ti baa le o nani wan tie maama.

Mi Doagidima 1:5

Jesu Kilisiti yua n tie o siedidugika, o nikpialo yua n kpa fii bi tinkpiba siiga, wani ŋanduna badiba kuli bado, n pa yi li ŋanbili leni mi yanduanma! Wani yua n bua ti ki den faabi ti leni ti tuonbiadi kelima o soama po,

Mi Doagidima 5:9

Bi den yiini bu yanpanbu ki tua: «A pundi ki gaa li tili ki tabidi mi maalima, Kelima bi den kodi a, Ke a daa bi niba U Tienu po leni a soama. Lani, a faabi ba i buoli leni i mabuoli kuli nni, Ki go faabi ba i nibuoli leni mi diema kuli siiga.