Titi 2:12 - U TIENU MAAMA TILI 2013

¹² Li bangi ti ke tin paadi leni U Tienu yiema leni ŋanduna bonbuakaala, ki yaa ye ŋanduna na niinni leni li yantiaŋanli, ki tiendi yaala n tiegi, ki fangi U Tienu,

Gourmanchéma Bible

¹² Li bangi ti ke tin paadi leni U Tienu yiema leni ŋanduna bonbuakaala, ki yaa ye ŋanduna na niinni leni li yantiaŋanli, ki tiendi yaala n tiegi, ki fangi U Tienu,

Titi 2:12 ပူးပေါင်းရင်းမြစ်များ

Pisomi 105:45

Lani, bi den kubi o mabilikaama, Ki go kubi o bali maama. Pagi mani o Diedo!

Pisomi 4:3

Yinba bi niba ne, hali u laa yogunu yo, Ke yi baa teni n kpiagidi n tua fe? Hali beyogunu yo, Ke yi baa yaa bua yaa bonla n tie fanma, Ki go pua mi faama?

Esekieli 36:27

N baa kuani n Fuoma yi niinni, ki teni yin yaa ŋua n mabilikaama, ki yaa kubi ki go tiendi n ñoamabona mo.

Matie 12:32

Yua n maadi mini o Joa Bijua po yaala n bia baa baa sugili, ama yua n maadi U Tienu Fuoma Yua po yaala n bia, kan baa sugili moala leni yaa yogunu n kpendi kuli.

Matie 16:24

Lani, Jesu den yedi o ŋoadikaaba: «Yua n bua ki yaa ŋua nni kuli, wan yie o yuli ki taa o dapoanpoanli ki bugi, ki nan yaa ŋua nni.

Matie 28:20

N baa yaa ye leni yi yaa yogunu kuli, hali ŋanduna juodima.»

Luki 1:6

Bani nibilie yeni kuli den tiegi U Tienu nintuali. Bi den ŋua o Diedo bali maama leni o mabilikaama kuli cain kaa pia tagili.

Luki 1:75

Ki yaa cuoni o nintuali leni mi gagidiŋanma Leni mi teginma hali ti miali dana kuli nni.

Jan n diani U Tienu Laabaaliŋamo maama 14:30

N kan go maadi leni yi boncianla, kelima ŋanduna bado kpendi. Waa pia n po baliba kuli.

Jan n diani U Tienu Laabaaliŋamo maama 6:25

Bi den laa o mi ñincianma boanduoli kani ki yedi o: «Canbaa, a cua nekanba beyogunu?»

Jesu Tondiba Tuona 24:16

Lani n teni ke n moandi yogunu kuli, ke n pali siedi n da bu leni nni, kelima tagiliba po U Tienu kani leni bi niba kani kuli.

Jesu Tondiba Tuona 24:25

Ama Poli n den maadi mi teginma, li yukubili leni U Tienu buudi yaadi n baa ti cua yaa maama yeni, ti jawaandi den cuo Felikisi ke o yedi o: «Moala po, a baa fidi ki ña. N yaa go ti baa li lenli, n baa yini a.»

LOMA YAABA 12:2

Da taani mani leni ŋanduna na niinni yaaba. Ama yi yantiana pandima n teni yin lebidi, ke yin fidi ki gagidi ki bandi U Tienu yanbuama. Lani n tie yaala n ŋani, ki mani o po, ki go dagidi cain.

LOMA YAABA 6:12

Lani yaa po, yin da go tuo mani ti tuonbiadi n yaa die yi gbanandi yaadi n baa kpe. Yin da go tuo ki yaa tiendi yi gbanandi bonbuaka-biadila.

LOMA YAABA 6:19

N maadi nani bi nisaaliba n maadi maama, kelima yi yantiana tadingu po, ke yin fidi ki gbadi. Nani yin den kpa puni yi gbanandi ke ti tua ti cagindi leni mi biadima yonbi, ki baa yaa tiendi ti tuonbiadi maama, moala yin yaa puuni yi gbanandi tin yaa tie mi teginma yonbi, ke yin fidi ki pundi mi gagidiŋanma U Tienu po.

LOMA YAABA 8:13

Yi yaa tiendi ti gbanandi n bua yaala, yi baa kpe. Ama yi yaa teni ke mi Fuoma paalu kpa yi gbanandi bontienkaala, yi baa yaa ye.

2 Korenti 1:12

Tin jigini ti yula yaala yaa po tie ke ti pala siedi doagidi, ke ti ye ŋanduna nni leni yaa tagu n gagidi leni yaa yantugupiendi n ñani U Tienu kani. Yaala n cie mo tie ke ti tagu den tie yeni, yimoko yaa siiga. Tii den pia laa tagiŋamu, kelima o nisaalo yanfuoma po ka, ama kelima U Tienu ŋanbili po.

2 Korenti 7:1

N buakaaba, kelima tin pia laa ñoaniani yeni, tin yaa ŋanbidi mani ti yula. Tin yaa ñandi ti gbanandi leni ti yantiali kuli joagindi. Tin yaa tiendi ania ki suagi liiga leni mi gagidiŋanma, hali ki pundi li bianu U Tienu fangili nni.

Galati 1:4

Wani Jesu Kilisiti n den puni o yuli ti tuonbiadi po, nani ti Baa U Tienu n den bua maama, ki baa faabi ti leni ŋanduna na leni o biadima.

Galati 5:24

Yaaba n tie Kilisiti yaaba joani ti gbanandi, ti yantiali leni ti bonbuakaala li dapoanpoanli po.

Efesa 1:4

U Tienu den tuodi ki gandi ti Kilisiti nni, hali ke ŋanduna daa den tagi, ke tin yaa tie yaaba n gagidi ki ŋani, kaa pia tagiliba kuli o nintuali. O buama po,

Efesa 2:2

Lanyogunu yi den ŋua ŋanduna na yema sanbiadu leni mi fawaama nni paaciami bado, yua yaa yantiali n tuuni moala U Tienu yiekaaba pala nni.

Kolosi 1:22

o teni ke yi mangi leni o moala kelima o Bijua n den kpe yaa kuuma o gbanandi nni yaa po. U Tienu tieni yeni ki bua ke yin sedi o nintuali ki ŋani cain, ki da pia tagiliba kuli, kaa pia ban baa kuli yi leni yaala.

1 Tesaloniki 4:7

U Tienu ki den yini ti ke tin yaa ye mi conconma nni ka, ama mi gagidiŋanma nni.

1 Tesaloniki 4:9

Laa go tie tiladi min diani yi po ki waani yi, ke yin yaa bua yi kpiiba, kelima U Tienu wani o ba n bangi yi, ke yin yaa bua yiyaba.

1 Timote 4:12

Ŋan da tuo niloba kuli n fali a kelima a tie nipaano. Ama ŋan tua li bontogidikaala bi nidugikaaba po a maama nni, a tagu nni, a buama nni, a dandanli nni leni a yantugupiengu kuli nni.

1 Timote 6:17

Ŋan tundi yaaba n tie a piada ŋanduna na niinni, ke ban da pia ti japaadi, ki da piani bi yula bi piama, yaama n ki pia dugidi. Ama ban piani bi yula U Tienu po, wani yua n puuni ti li bonla kuli ke li kandi, ki bua tin mangi ti pala li po.

1 Timote 6:9

Ama yaaba n bua ki tua piada baa baa mi tulinma nni. Bi yankuabiada, ya n ki pia yanfuoma ki baa biidi ba yeni, cuo ba nani u jogidu yeni, ki teni ke bi feli ki bodi, ke li bolini ba cain.

2 Timote 3:12

Moamoani yaaba n bua ki yaa cuoni ke li tiegi Jesu Kilisiti nni kuli, bi baa yaa wangi ba fala.

2 Timote 4:10

Demasi den ŋaa nni ki gedi Tesaloniki po, kelima o bua yaa jamaano n tie na yaa bonla. Kilesensi fii ki gedi Galati, Titi mo fii ki gedi Dalimati diema nni.

Titi 3:3

Timoko den kpa tie yanluodanba, niyiekaaba leni bi niyaadikaaba. Ti gbanandi bonbuaka-biadila buoli kuli den die ti. Ti den pia ku tugutongu leni li nunponbiadili, ki tie lan pundi ban yaa nani yaaba, ki go nani ti lieba mo.

Hebilunba 8:11

Bi siiga oba kuli Kan go bangi o yieninlielo, Yaa ka o kpiilo ki yedi o: Bandi o Diedo. Ki cili yaa biga n wa ki cie, Ki yaa caa hali yua n kpeli ki cie, Bikuli baa bandi nni.

Jaki 1:27

Yaa jaanma n ŋani cain ki naa pia joagindi ti Baa U Tienu nintuali, tie ki yaa todi a kpienbila leni a kpepuona bi fala nni, ki go kubi o yuli leni ŋanduna joagindi.

2 Pieri 2:9

Lani kuli yaa po, ti laa ke o Diedo bani ki faabi yaaba n fangi o leni mi biigima, ki go bani ki sieni yaaba n ki tiegi, ki faligi ba ti buudi daali.

2 Pieri 3:11

Lanwani, nani laa bonla kuli n baa nandi ki bodi yeni, li pundi yi tagu n gagidi ki yaa ŋani, ki go tuo U Tienu n yaa die yi cain.

1 Jan 2:27

Ama yinba wani, yin den baa o kani yaa Fuoma Yua yeni, ye yi niinni, laa go tie tiladi ban bangi yi. Mi Fuoma yaama n bangi yi li bonla kuli, tie moamoandaano, kaa tie faadaano. Lani yaa po, yin yaa ye o niinni nani wan bangi yi maama.

1 Jan 2:6

Li ŋani ke yua n yedi ke o ye o niinni n yaa cuoni nani wani o Diedo n den cuoni maama.

1 Jan 5:19

Ti bani ke ti tie U Tienu yaaba, ki go bani ke o Biado diedi ŋanduna kuli.

Jude 1:18

Bi den tua yi: «Mi juodima yogunu li ñuali danba baa yaa ye, yaaba n ŋua bi gbanandi bonbuakaala, ki yie U Tienu.»

Mi Doagidima 14:12

Lani yaa po yo, ke li pundi bi nigagidiŋanba n yaa pia li juunli, bani yaaba n tuo ki ŋua U Tienu mabilikaama, ki kubi li dandanli Jesu po.