Titi 1:7 - U TIENU MAAMA TILI 2013

⁷ Li tie tiladi ke Kilisiti Nitaanli gobidika n yaa tie U Tienu naacendugika, wan da pia ban baa fidi ki kuli o leni yaala. Wan da tie tupaalu daano, mutuodaano, dañolo, yua n faadi li koanli leni yua n kuandi o yama i janbi ñuadi nni.

Gourmanchéma Bible

⁷ Li tie tiladi ke Kilisiti n yini yaaba gobidika n yaa tie U Tienu naacen-juoginka, wan da pia ban baa fidi ki kuli o yaala. Wan da tie tupaalu daano, ki da tie mutuodaano, ki da tie dañolo, ki da tie nipualo, ki da tie yua n kuandi o yama yaa i janbi yaa ñuadi nni.

Titi 1:7 ပူးပေါင်းရင်းမြစ်များ

Mi cilima 49:6

N naano n da kua bi juogu nni. N yantiali n da taani bi taanli nni, Kelima bi pabienli nni, bi den kpa bi jaba. Bi paadinyema nni, bi den jia a naatona gadibanjiini.

Mi Kpanjama 14:17

Yua n biendi o pali tontoni, Tuuni li yanpiituonli. Yua mo n pia a jagibiada kpendinni, O yuli po ki nanga.

Mi Kpanjama 15:18

O pabiendaano cidi a koana, Ama yua yaa pali n ki fiidi tontoni Duandi mi janjanma.

Mi Kpanjama 16:32

Yua yaa pali n ki be tonma cie o jakoandimoano, Yua mo n kubi o pali, cie yua n koani ki paadi domunu.

O Yanfuodaano 7:9

Ŋan da jaligi ki fiini a pali, Kelima bi yanluodanba n fiindi bi pala tontoni.

Esayi 28:7

Bani moko mi daama kubi ba ke bi fuundi. Mi dabiadima gaadi ba. Mi dabiadima teni ke o kopadicianba Leni o saawalipuaba kuli pua Cacadili cadili. Mi daama yogi ki lundi ba, Mi dabiadima gaadi bikuli, Bi pua saawali ki luondi luondi. Bi jadibe ki nan ja ti buudi.

Esekieli 44:21

Kopadiciamoba kan ño daama o yaa baa kua deeni yaa luolu nni.

Levi 10:9

«Yi yaa baa kua u Kadikaanu Gbandieli nni, fini leni a bijaba n da ño duven bi dabiadimiba kuli. Yeni, yi kan kpe. Laa bali maama baa yaa ye hali yaa yogunu kuli, yinba leni yi puoliŋuani po.

Matie 24:45

Ŋme n tie yaa naacendugika n pia mi yanfuoma, ke o canbaa guuni o o niba ke wan yaa tendi ba mi jiema li yogunu yaa pundi?

Luki 12:42

O Diedo den yedi: «Ŋme n tie yaa tuonsoan-jiididugika n pia mi yanfuoma, ke o canbaa guuni o o niba ke wan yaa tendi ba, mi jiema li yogunu yaa pundi?

Efesa 5:18

Yin da ñu mi daama ki gaadi, kelima li baa teni yin biidi yiba, ama yin yaa gbie leni U Tienu Fuoma Yua.

Filipi 1:1

Mini Poli leni Timote, Jesu Kilisiti naacenba, n diani yi po li tili, yinba yaaba n tie bi nigagidiŋanba Jesu Kilisiti nni, ki ye Filipi dogu nni leni yi nitaanli yudanba leni yi todikaaba kuli.

Titi 1:5

N den ŋaa ŋa Kileti diema nni, ke ŋan ŋanbi yaala n sieni ki bua mi ŋanbima, ki kaani mi diema yeni dogi nni kuli, Kilisiti Nitaanli nikpela nani min den yedi a maama.

Titi 2:3

Ŋan go yaa wangi a puociana ke bi tagi n yaa tuugi leni mi gagidiŋanma, ban da tie tuotabigu danba, yaa ka dañogaada. Ama li pundi ban yaa bangi yaala n ŋani,

1 Pieri 4:10

Yi siiga yuakuli n yaa todi o lieba leni wan den baa U Tienu kani yaa ŋanbili paabu buolu. Yeni, yi baa yaa tie U Tienu naacen-juoginkaaba leni wan puni yuakuli yaa paabu buolu po.

1 Pieri 5:2

Yin yaa kpaa U Tienu yankulu, yuu n ye yi kani. Yin da tiendi la nani li tie tiladi ka, ama lan yaa tie yi yama po, nani U Tienu n bua maama. Yin da tiendi yeni kelima yi bua ki baa i ligi ka, ama yaa tiendi mani la, ke yi yama ye lienni moamoani.

2 Pieri 2:10

O buudi cuonu n baa cuo yaaba ki cie, tie yaaba n ŋua bi gbanandi bonbuakaala yaala n joagini, ki go fali o Diedo bali. Laa bangi-faadanba pia ti japaadi leni yaa tuli n pa, kaa jie, ki sugidi ba malekinba yaaba n pia ti kpiagidi.