Sofoni 3:5 - U TIENU MAAMA TILI 2013

⁵ Ama o Diedo nan ye Jerusalemi, Ki tiendi yaala n tiegi, Kaa tiendi kuli yaala n bia. Fiifaama kuli, o ja yaa buudi n tiegi, Ki naa jidi ba dayenli. Ama ba leni lani kuli, Bi nibiadiba tiendi yaala n bia, Kaa gba fe li po.

Gourmanchéma Bible

⁵ Ama Li Miali Diedo nan ye Jelusalema, Ki tiendi yaala n tiegi, kaa tiendi kuli yaala n bia. Fiifaama kuli, o ja yaa buudi n tiegi, Ki naa jidi baa dayenli. Ama baa leni lani kuli, bi nibiadiba tiendi yaala n bia, Kaa gba feba kuli.

Sofoni 3:5 ပူးပေါင်းရင်းမြစ်များ

Mi cilima 18:25

A kan tuo o niteginka n taani ki kpe leni o nibiado. A kan tuo o niteginka n tua yenma leni o nibiado. Laa tuonli buolu foagi leni a. Li foagi leni a cain. Naani yua n ja ti buudi leni ki tinga yaaba kuli, o kan tieni mi teginma?»

Jobi 34:10

Cengi mani nni yinba yaaba n pia mi yama! U Tienu kan fidi ki tieni biadima! U Paaciamu Daano kan fidi Ki tieni yaala n ki tiegi!

Jobi 7:18

Ki baa yaa kpendi ki goandi o tiŋaagu kuli, Ki biigidi o u yogunu kuli?

Jobi 8:3

Naani U Tienu baa golini mi teginma? Naani wani U Paaciamu Daano Baa tieni yaala n ki tiegi?

Pisomi 145:17

O Diedo tiegi o sani nni kuli, Ki pia li ŋanbili o tuona nni kuli.

Pisomi 37:6

O baa teni a moamoani n doagidi Nani mi yenma yeni, Ki teni a teginma mo n yaa tie Nani u yienu u yensiicocolu yeni.

Pisomi 92:15

Bi baa yaa maa ba bi podi nni, Ki ye leni u fidu ki bundi ki pugidi.

Esayi 12:6

Kpaani ki doagidi a pamanli, Fini yua n ye Siyon nni, Kelima Isidayeli Tienu wani Yua n Gagidi ki ŋani yeni yabi boncianla. O ye o niba siiga mo.

Esayi 28:19

Mi yaa cua yaa yogunu kuli, Lan tie tiŋaagu, yensiinu bi ñiagu, Mi baa cuo yi. Man tiendi yaa fuugu bebe baa yaa jiendi yi.

Esayi 33:2

O Diedo, gbadi ti po mi ninñima! Ti dugi a po ŋan yaa tie ti gbanmanu tiŋaagu kuli, Ki go tua ti gaapo li paboanli daali!

Esayi 45:21

Cua mani ki doagidi yi moamoani. Bani mo n tundi biyaba. Ŋme n den puni li laabaalo hali mi cilima? Ŋme mo n den waani laa bonla hali yogu? Naani laa tie mini Li Miali Diedo ka? Mini yaa ka, tientoa ki ye. N tie yaa Tienu n tiegi ki go faabidi, Min yaa ka, tientoa ki ye.

Esayi 50:4

Li Miali Diedo U Tienu puni nni Bi ŋoadikaaba yaa lanñima, Ke min bandi min baa maadi maama, Ki todi yaaba n tadi. Tiŋaagu kuli o fundi nni, Ki maadi yogunu kuli n tubili nni, Ke min cengi nani bi ŋoadikaaba N yen cengi maama yeni.

Jeremi 21:12

Davidi diegu yaaba, Cengi mani o Diedo maama! O Diedo yedi nanda: «Yaa tiendi mani mi teginma yaa yogunu kuli. Faabi mani ban janbidi yua, Yaa nilo n duoliti o nuu nni. Lani n tie n pali n da ti fii Ki cuo nani u mu yeni, Ki cuo maama ke bi kan fidi ki gbindi u, Kelima yi tuona n bia maama po.»

Jeremi 3:3

Lani n teni ke n yie ke n kaa puuni a taaga. N yie a po ki tajuodikaaga. Ama ba leni lani kuli a baa ki se mi conconma sanu nne. Ŋaa ban jie ba fe.»

Jeremi 6:15

Li bi pundi i fe n cuo ba, Kelima bi tuongunda po. Ama i fe naa cuo ba. Baa go bani fe n tie yaala. Lani n teni ke n yaa fii ki sedi bi po yaa yogunu, Bi baa ŋmadi ki baa leni yaaba n baali. N yaa fii ki sedi bi po yaa yogunu, bi baa yaa jadibi jadibi. O Diedo n yedi yeni.

Jeremi 8:12

Li bi pundi i fe n cuo ba, Ban tuuni yaa tuongunda po. Ama i fe naa cuo ba, Baa go bani fe n tie yaala, Lani n teni ke bi baa kpe nani biyaba yeni. Min baa ti fii ki sedi bi po yaa yogunu, Bi baa yaa tuudi ki baali. O Diedo n yedi yeni.

Jeremi Bubula 3:23

Mi baa yaa pandi tiŋaagu kuli. A buacianma mo ki pia lie.

Esekieli 18:25

Yi tua: ‹O Diedo sanu naa tiegi.› Cengi mani yinba Isidayeli yaaba! Naani mini yaa sanu n ki tiegi? Naani laa tie yinba yaa sani ka n ki tiegi?

Esekieli 48:35

Yaa bilini n baa gaani ki lindi u dogu kuli baa taani ki yaa tie piiga n nukpanduna tudanii (18 000). Lanwani, ki cili hali landaali, u dogu yeli baa yaa tie: ‹O Diedo ye nekanba.› »

Ose Tili 14:9

Bani Efrayimi buolu kaa go pia Ŋantaadoba kuli leni i buli. U Tienu baa pa ba ban mia yaala, Ki go yaa kubi ba. N baa yaa tie bi po nani sipre tibu, Yaabu n soangi yogunu kuli yeni. Bi baa yaa baadi bi kpaandi n yaa kane.»

Ose Tili 6:5

Lani n teni ke n pua yi leni n saawalipuaba maama, Ki kpa yi leni n ñoamaama. N buudi baa ludi ki cua nani mi yenma yeni.

Mise 3:11

Jerusalemi bujiaba gaani a suuna ki ja ti buudi, Likani kopadicianba bangi li bali maama ti ñuadi po, Bi saawalipuaba mo pua saawali i ligi po. Ama leni lani kuli, bi baa ki dugi o Diedo po ki tua: «Naani o Diedo ki ye leni ti? Fala kan nandi ti abada.»

Mise 7:9

N tieni ti tuonbiadi o Diedo po, Lani, n baa juuni ki gaa o pabienli tundifala, Hali wan baa ti tua n candanbaalo, Ki saa n po i moamoani yaa yogunu. O baa gedini nni naankani n yieni, Yeni n baa yaa ñuadi o teginma tuona.

Habakuki 1:3

Be yaa po ke a teni ke n laadi Yaa yebiadima n tie ne? Be yaa po ke a ŋmini ki nua Ke bi niba tiendi yaala n ki ŋani? Mii nua kuli bontoala yaaba n gaani Ki lindi nni siiga se mabinga leni paalu, Koana leni niama n ye i kaani kuli.

Sofoni 2:1

Taani mani, taani mani, Yinba yaa niba n ki gba fe yeni.

Sofoni 3:13

Isidayeli yaaba, yaaba n baa sieni Kan go tieni kuli yaala n ki tiegi, Bi kan go pua faama, Janbi maama mo kan go yaa ye bi ñoana nni. Lani, bi baa fidi ki yaa di ki go goa bonŋanla, Ke oba kuli kan yagi bi yama mo.»

Sofoni 3:15

O Diedo kagidi yi po wan den teni Ke yaa fala n ŋua yi, O deli ki yaani yi yibalinba. Wani o Diedo, yua n tie Isidayeli bado ye yi siiga, Yin da go jie ke falaba kuli baa ti cua.

Sofoni 3:17

O Diedo yi Tienu ye yi siiga, Ki tie yaa jakoando n faabidi. O baa teni yin tua o pamanli bonla. O buama yi po teni ke o baa pa yi mi yepanma. O yiini ki kpaani leni li pamanli kelima yi po,

Sakari 2:5

Li bonlekaala nni, n den laa joa ke o se ki kubi u baabibiigiko.

Sakari 9:9

Mangi mani yi pala, Yinba Siyon dogu yaaba! Kpaani mani i pamandankpaani, Yinba Jerusalemi yaaba! Diidi mani, yi bado kpendi yi kani! O tiegi, ki paadi li bonla kuli mo! O dingi, ki jagi o ŋunbo! O jagi ŋunbiga, ŋunñua biga!

Luki 12:2

Liba kuli ki ye ki wuo ki kan wuodi. Liba kuli ki ye ki duagi ke bi kan bandi la.

LOMA YAABA 2:5

Ama, a juagi a pali, ki naa tuo ki lebidi. Li tie lani yaa po ke U Tienu baa doagidi o pabienli, wan baa jia bi niba buudi leni mi teginma yaa daali. Lani, a baa cuani a yuli po yaa cuonu n bia ki cie.

LOMA YAABA 3:26

O den bua ki doagidi o teginma moala po, ke bi niba n bandi ke o tiegi ki go tie yua n puuni li moamoansaali yua n daani Jesu kuli.

1 Korenti 4:5

Lani yaa po, yin da ja ti buudi liba kuli po, hali ke li yogunu daa pundi. Yaa guu mani o Diedo cuama, wani yua n baa yendi yaala n wuo li biigili nni, ki go doagidi yaala n den wuo a pala nni. Lanyogunu, nilo kuli baa baa U Tienu kani lan pundi wan baa yaa pagidi.

Mi Tiadima 23:14

Yuakuli baa yaa pia o tiadi nni li bongbiidikaala, yi yaa ñani ki cuoni yaa yogunu, yin gbiidi ki buoga, ki yuandi ki piini yi bindi.

Mi Tiadima 32:4

O tie Tanciangu yo, o tuonli mo ŋani cain Kelima o sani kuli tiegi. O tie ti dugidi Tienu, waa go pia tagiliba, Wani n tiegi ki go ŋani mo.

1 Pieri 1:17

Yi yaa miadi U Tienu ki go yini o yi Baa, wani, waa tiendi gagidima bi niba siiga, ki ja yuakuli buudi nani o tuona n tie maama. Lani yaa po, yin yaa ye leni li fangili o nintuali yin ye ŋanduna nni ki tie canba yaa yogunu bianu kuli.