Sofoni 3:4 - U TIENU MAAMA TILI 2013

⁴ U saawalipuaba tie japaadanba Leni jajanbidiniba. U kopadicianba joagini yaala n gagidi ki ŋani, Ki miidi o bali maama mo.

Gourmanchéma Bible

⁴ U sawalipuaba tie japaadanba leni jajanbidiniba. U kopadicianba joagindi yaala n gagidi ki ŋani, Bi miidi o *balimaama.

Sofoni 3:4 ပူးပေါင်းရင်းမြစ်များ

Esayi 9:15

Bi naa niba gobidikaaba baa biani ba. Yaaba n teni ke bi gobidi ba mo baa bodi cain.

Jeremi 23:32

N nani yaa saawalipuaba n pua saawali leni yaa dangidi n tie faama. O Diedo n yedi yeni. Yaaba n togidi bi dangidi, ki tulindi n niba leni bi boandi leni bi yuboanli. Mii soani ba, mii puogi ba liba. Baa pia fuomiba kuli bi naa niba po. Mini o Diedo n yedi yeni.»

Jeremi 34:19

Juda leni Jerusalemi paatieba, li nikpiaga, li kopadicianba leni mi diema niba kuli den tieni yeni, ama laa niba den miidi laa ñoanianu.

Jeremi 5:31

Lani n tie: Bi saawalipuaba pua mi saawalifaama, Bi kopadicianba lingi bi yucela ŋamu bebe, N niba mo sua ke lani n dagidi bi po. Yi baa tieni lede saala po?

Jeremi 8:10

Lani n teni ke n baa taa bi puoba ki teni nitoaba, Ki teni yaaba n paadi ba mo n diedi bi kuani, Kelima ki cili ki bonwaaga ki ban pundi o nikpelo, Bikuli li tiini ki lingi bi yucela ŋamu bebe. Ki cili o saawalipualo ki ban taani o kopadiciamo, Bikuli li ye i janbi po yo.

Jeremi Bubula 2:14

A saawalipuaba baa a po li bonlekaala, Yaa bonlekaala n ki pia ñuadiba, Kaa pia fuomiba kuli mo. Baa kadi ki waani a tagili kuli cain, Ki baa ñani a ti yonbidi nni. Bi baa a po yaa bonlekaala n kaa mani, Ki go pia i boandi.

Esekieli 22:26

Laa dogu kopadicianba miidi n bali maama, ki fali min gagidi ki ŋanbi yaala. Bi naa tiendi gagidima yaala n gagidi ki ŋani leni yaala n joagini siiga. Baa bangi bi niba yaala n ŋani leni yaala n joagini paadima, baa go faami n fuodima dana po mo. Oba kuli mo ki go fangi nni, nani lan bi pundi ban yaa fangi nni maama.

Esekieli 22:6

Diidi, Isidayeli badijaba wuliti mi soama a niinni, yuakuli leni o paalu n da maama.

Esekieli 44:23

Bi baa bangi bi niba ban bandi ki gagidi yaala n gagidi ki ŋani leni yaala n ki gagidi siiga, yaala n joagini leni yaala n ki joagini siiga.

Ose Tili 9:7

«U Tienu n baa waani Isidayeli yaaba fala yaa dana pundi, Ti buudi dana pundi, Mi biadima panpaani dana mo pundi.» Bi baa bandi la. Bi tuonbiadi yabinu leni bi nanga teni ke bi tua: «U Tienu saawalipualo yama bodi, U Tienu n soani wani yua yeni tie nani o gaado yeni.»

Mise 2:11

Yaa nibuolu n tie ne bua yaa nilo n tiini, Ki ŋua u faalu ki pua mi faama ki tua: ‹N baa maadi yi po duven maama Leni mi dabiadima yaa maama.›

Mise 3:11

Jerusalemi bujiaba gaani a suuna ki ja ti buudi, Likani kopadicianba bangi li bali maama ti ñuadi po, Bi saawalipuaba mo pua saawali i ligi po. Ama leni lani kuli, bi baa ki dugi o Diedo po ki tua: «Naani o Diedo ki ye leni ti? Fala kan nandi ti abada.»

Malaki 1:6

Li Miali Diedo U Paaciamu Kuli Daano yedi: «Ki biga jigindi o baa, O naacemo mo kpiagidi o canbaa. N yaa tie yi Baa, min pundi ki baa yaa jigidi yeni ye le? N yaa tie yi Canbaa, min pundi ki baa yaa kpiagidi yeni ye le? Yinba bi kopadicianba n fali n yeli ki nan tua: ‹Ti fali a yeli lede?›

Malaki 2:7

O kopadiciamo tuonli n tie ki bangi bi niba. Bi niba baa buali wane li bali maama, kelima wani n tie Li Miali Diedo U Paaciamu Kuli Daano tondo.

Malaki 2:8

Ama yinba wani nan jadi ki ŋaa u sanu. Yi guli niba boncianla leni yi bangima. Yi miidi min den kuani yaa ŋantaado leni Levi buolu. Li Miali Diedo U Paaciamu Kuli Daano n yedi yeni.

Matie 7:15

Fangi mani yi yula leni bi saawalipua-faadanba. Bi kpendi yi kani ki dingi nani i pe yeni, ama moamoani po, bi tie nani yaa fuasangbanbiadi n bua ki bolini yi yeni.

2 Korenti 11:13

Laa niba tie bi tondifaadanba, yaaba n tuuni ki boandi bi niba, ki moandi ki naani leni Kilisiti tondiba.

1 Jan 4:1

N buakaaba, yin da dugi mani yaaba n yedi ke bi pia U Tienu Fuoma Yua kuli po. Ama yin biigi ba ki bandi bi yaa pia U Tienu n puuni yaa Fuoma, kelima bi saawalipua-faadanba boncianla yadi yadi ŋanduna nni.

Mi Doagidima 19:20

O den cuo ki fuayanga, wani leni o saawalipua-faadaano, yua n den tiendi mi bancianma o nintuali, ki boandi yaaba n gaa ki fuayanga maalima, ki go gbaani ki kpiagi o nannanli. O den luni bani bonbilie kuli ku fantanbuogu nni ke bi fo, li cidibili n co naani.

Bi Bujiaba 9:4

Bi den taa bi bulo Baali-Beliti dieli nni kujapiena piilele, ki puni o. O den taa laa kujapiena, ki yini ti niyuogidi leni a puapuagida, ke bi ŋoadi o.

1 Samueli 2:22

Eli den podi hali boncianla. O den gbadi o bijaba n tiendi Isidayeli yaaba kuli maama. O go den gbadi ke bi conbi leni yaa puoba n den tuuni u kadikaanu gbandieli buliñoabu kani moko.