Sofoni 3:20 - U TIENU MAAMA TILI 2013

²⁰ Lanyogunu n baa guani ki kpeninni yi. Li baa yaa tie min baa guani Ki taani yi yaa yogunu. Yi baa le ke n lebidi yi yema, Ki teni yin guani ki baa yi kpiagidi, Yi yela mo n ña li ŋandunli nibuoli nni kuli.» Mini o Diedo n yedi yeni.

Gourmanchéma Bible

²⁰ Laa yogunu, n baa goa ki kpeninni yi, Li baa yaa tie min baa goa ki taani yi yaa yogunu. Yi baa le ke n lebidi yi yema, N baa teni yin goa ki baa ti kpiagidi, Yi yela mo n ña, Li ŋandunli nibuoli kuli nni.» Li Miali Diedo n yedi yeni.

Sofoni 3:20 ပူးပေါင်းရင်းမြစ်များ

Pisomi 35:6

Bi sanu n yaa biigi ki go ŋaligi, O Diedo maleki n ŋoadi ki deli ba!

Esayi 56:5

N baa pa ba n diegu leni n bilini nni, Yaa kaanu leni yaa yeli n ŋani Ki cie a bonjala leni a bonpola. N baa pa ba yaa yeli n baa ye yaa yogunu kuli, Ke liba kuli kan fidi ki bolini laa yeli.»

Esayi 56:8

Li Miali Diedo U Tienu, Wani yua n taani ban luni Isidayeli yaaba, Yaaba yeni yedi: «N baa taani nitoaba leni Isidayeli yaaba, Yaaba n mali ki taa.»

Esayi 60:15

Yaala n bi naani ŋan yaa tie puonanbangu, Ke oba mo kuli ki poandi a kani yeni, N baa teni ŋan tua ti jigidi bonla Yaa yogunu kuli po, Li pamancianli bonla Nifiima n tuu nifiima.

Esayi 61:9

Bi puoliŋuani yeli baa kpedi i nilanbuoli siiga. Bi bila yela mo n ña i nibuoli siiga. Yaaba n baa le ba kuli baa bandi Ke bi tie o Diedo n seligi yaa buolu.

Esayi 62:12

Bi baa yini ba: “Yaa niba n gagidi ki ŋani, O Diedo n daa ki faabi yaaba.” Ki yini a mo: “Ban lingi yua, Ban ki ŋaa yaa dogu.”

Esayi 62:7

Yimo n da pa o fuodima, Hali wan guani ki fiini Jerusalemi, Ki teni wan tua ti pagidi bonla ki tinga nni.

Esayi 66:22

Lanwani, nani min tieni Yaa tanpopaano leni yaa tinpanga Ke bi baa yaa ye n nintuali maama, Yi puoliŋuani leni yi yeli mo baa yaa ye yene. O Diedo n yedi yeni.

Jeremi 23:3

N baa taani n niba yaaba n sieni, min yadi ba yaa diema nni kuli, ki guani ba bi yanloli nni. Bi baa maa ki go pugini hali boncianla.

Jeremi 29:14

N baa teni yin le nni. Mini o Diedo n yedi yeni. N baa teni yi yonbi n guani ki kpeni. N baa ñani yi min den gedini yi ti yonbidi yaa diema nni leni yin den yadi yadi ki ye yaa nibuolu leni yaa kaani kuli nni. N baa taani yi, ki go kpeninni yi, min den deli ki ñani yi naani.» Mini o Diedo n yedi yeni.

Jeremi 30:3

A dana kpendi, mini o Diedo n yedi ke n baa teni n niba Isidayeli leni Juda yaaba, yaaba n den ye ti yonbidi yeni n guani min den puni bi baanba yaa diema nni. N baa teni ban guani ki diedi ma.» Mini o Diedo n yedi yeni.

Jeremi 33:9

U naa dogu baa tua n po pamanli leni jigidi bonla, ki tinga nibuoli kuli siiga. Laa nibuoli yaa gbadi min tieni bi po yaa ŋanma, li baa paki ba bi gbani n jeli, kelima mi yemanma leni min baa pa ba yaa baali kuli yaa po.»

Esekieli 16:53

N baa guani bi yonbi, Sodomi leni o bisiaba yonbi, Samari leni o bisiaba yonbi, ki taani leni a yaa yonbi yaaba n ye bi yaa yonbi siiga.

Esekieli 28:25

Mini o Diedo U Tienu yedi mi naa maama: «Min baa guani ki taani Isidayeli yaaba ban den yadi yadi ki ye yaa nilanbuoli siiga yaa yogunu, n baa doagidi i nilanbuoli yeni po, ke n gagidi ki ŋani. Isidayeli yaaba baa yaa ye bi yaa diecele nni, min den puni n naacemo Jakob yaa diema.

Esekieli 34:16

N baa lingi yua n bodi, ki guani yua n yaadi. N baa tieni u ñoagu ki go fini leni li cabili yua yaa taali n kua, ki paagi yua n yia mo yaa gbanu. Ama n baa bolini yaaba n pia mi kpama ki go pia u fidu yeni. N baa yaa kpaa ba leni mi teginma.»

Esekieli 37:12

Lanwani, pua saawali ki yedi ba: Li Miali Diedo U Tienu yedi mi naa maama: ‹Yinba n niba, n baa luodi yi takula, ki ñani yi a takula yeni niinni, ki teni yin guani Isidayeli tinga nni.

Esekieli 37:21

Li yaa puoli, a baa waani ba mini o Diedo U Tienu n yedi yaala. N baa taani Isidayeli yaaba ban den ye yaa nilanbuoli siiga, ki ñani ba lipo, ki guani ki kaani ba bi yaa diema nni.

Esekieli 39:13

Mi diema niba kuli baa piini ba. Li baa ñani bi yela, min baa doagidi n kpiagidi yaa daali. Mini o Diedo, U Tienu n yedi yeni.

Esekieli 39:28

Lani, bi baa bandi ke n tie Li Miali Diedo bi Tienu yua n den gedini ba ti yonbidi i nilanbuoli siiga. N go guani ki taani ba bi diema nni. N kan go ŋaa bi siiga ba yendo i nilanbuoli yeni diema nni.

Joeli 3:1

Li yaa puoli, n baa teni n Fuoma n jiidi Bi nisaaliba kuli po. Yi bijaba leni yi bisiaba baa pua saawali. Yi jakpela baa dangi ti dangidi. Yi jawaaba mo baa baa li bonlekaala.

Amosi 9:14

N baa ñani n niba Isidayeli yaaba ti yonbidi nni, Ki go cuani ba ne. Bi go baa maa bi yibalinba n den bolini yaa dogi, Ki yaa ye i niinni. Bi baa ŋuu duven tiidi, ki yaa ñu i duven. Bi go baa yaa ko i kuani, ki yaa di yi bonluonkaala.

Mise 2:12

Jakob puoliŋuani, n go baa ti taani yikuli. N baa taani yinba Isidayeli yaaba, yaaba n sieni. N baa taani yikuli nekanba nani yanloyenli pe yeni, Bi nani yaa yangoli n taani yankpaakaanyendu yeni. Lanyogunu yi baa kpaani li pamanli kpaani.

Mise 4:7

N baa taa yaaba n poagili yeni, Ki teni ban tua yaaba n baa sieni, Ki teni ban den deli ki gedini yaaba foagima yeni, N tua yaa nibuolu n pia u paalu. Lanyogunu, mini o Diedo baa yaa die ba Siyon juali nni hali yaa yogunu n tuu yaa yogu kuli.

Sofoni 2:7

Juda niba yaaba n sieni baa Diedi laa kaanu, Bi baa yaa kpaa bi yandi lankani. Ku juogu yaa yen baa mo, Bi baa n duani Asikalon dogu diena nni, Kelima o Diedo bi Tienu baa guani ki ŋanbi bi yema.»

Sofoni 3:19

Diidi, lanyogunu n baa faligi yaaba n den mabindi yi. N baa faabi n niba, Yaaba n ki den baadi todima nani yaa pe n duugi yeni. N baa guani ki kpeninni ban Den gedini n niba yaaba ti yonbidi, N baa teni ban guani ki baa Ti kpiagidi, bi yela mo n ña, Ban den laa i fe naankani kuli.

Sakari 8:13

Yinba Juda leni Isidayeli diema yaaba, Nani yaala n den baa yi n den tua Solindi makpanjama i nilanbuoli siiga maama, N go baa faabi yi, ki teni yin tua Li seli makpanjama bi siiga yene. Yin da go jie mani, paagi mani yi pala!»

Sakari 8:8

N baa ñani ba lipo, Ban kpeni ki kali Jerusalemi. Bi baa yaa tie n niba, Nmo baa yaa tie bi Tienu, N baa yaa die ba, Ki gobidi ba i moamoani leni mi teginma nni.»

Malaki 3:12

I nilanbuoli kuli baa yaa tua ke yi ye leni li pamanli, kelima yi diema baa yaa tie yaa kaanu n ŋani boncianla. Li Miali Diedo U Paaciamu Kuli Daano n yedi yeni.»

Mi Tiadima 26:18

O Diedo go niani yi, ke yi baa yaa tie wani o ba n die yaaba, nani wan yedi maama, ki go yaa kubi o bali maama kuli.

Mi Tiadima 26:19

Lani n tie wan pa yi yin cie wan tagi yaa nibuoli kuli, lan tie u paalu po, ti kpiagidi po, li yeli po leni ti jigidi po kuli, ke yin yaa tie yaa nibuolu n gagidi ki ŋani, o Diedo yi Tienu po, nani wan den yedi maama.»