Sofoni 3:2 - U TIENU MAAMA TILI 2013

² Baa cengi o Diedo maama, Baa tuo o tundi. Baa bili bi dugidi o kani, Baa lingi U Tienu todima.

Gourmanchéma Bible

² Baa cengi Li Miali Diedo maama, Baa tuo o tundi. Baa bili bi dugidi o kani, Baa lingi U Tienu todima.

Sofoni 3:2 ပူးပေါင်းရင်းမြစ်များ

Nehemi 9:26

Ama ba yeni, bi den fii ki fiini mi yiema a po. Bi den luni a bali maama, Bi den kpa a saawalipuaba yaaba n den tigini ba Ke ban guani a kani. Bi den tudi a po tudicianma.

Pisomi 10:4

O nibiado maadi leni ti japaadi ki tua: «Waa mabindi ba! Tienu ki ye!» O jaga kuli n yeni.

Pisomi 50:17

Fini yua fali i tundi, Ki lu n maama a puoli po?

Pisomi 73:28

Mini wani, ki nagini U Tienu, N tie yaala n mani n po. N bili n dugidi o Diedo U Tienu kani, Yeni, n baa togidi ŋan tieni yaala kuli.

Pisomi 78:22

Kelima baa den dugi U Tienu po. Baa didi den dugi o faabima po mo.

Mi Kpanjama 1:7

O Diedo fangili n tie mi banma cilima. Bi yanpiidanba fali mi yanfuoma leni i tundi.

Mi Kpanjama 5:12

A baa yedi: «N den gaa lede ki nani i tundi, Ki yie ke bi kan fu leni nni?

Esayi 1:5

Yinba yaaba n pugini yi yiema, Bi go baa pua yi le? Diidi li yuli kuli moali, ke li pali mo kuli ye leni fala.

Esayi 29:13

O Diedo yedi: «A laa u naa nibuolu yen cua n kani, Ki yaa kpiagidi nni leni u ñoacuuna, Ama u pali foagi leni nni. Wun pia n po yaa fangili mo tie maasuagu bebe.

Esayi 31:1

Fala baa nandi yaaba n caa Ejipiti diema nni ki ban lingi mi todima. Bi dugi i taami leni ti toateliti po, Kelima bi coali yabi boncianla. Bi jigini bi tanjagiba, Kelima bi fidu yabi boncianla. Ama bi naa yaadi ki diidi Isidayeli Tienu yua n Gagidi ki ŋani. Bi naa lingi wani o Diedo!

Esayi 43:22

O Diedo yedi: «Jakob buolu! Yii taagi ki miadi mini ka, Kelima yinba Isidayeli yaaba, yii miadi nni.

Esayi 9:12

Isidayeli yaaba naa guani U Tienu yua n pua ba kani. Bi naa lingi Li Miali Diedo U Paaciamu Kuli Daano.

Jeremi 13:25

Yaala n baa tieni a n yeni. Min bili a po yaala n yeni. Mini o Diedo yedi yeni, Kelima a sundi n po, Ki dugi mi faama po yeni.

Jeremi 2:30

N pua yi bijaba fanma fanma bebe, Ba leni lani kuli bi naa gaani tundi. Yi piemi kpaani yi saawalipuaba, Nani yaa yangbanli n bolindi yeni.

Jeremi 22:21

Hali a yema n den mani a po yaa Yogunu n den maadi leni a, Ama a den yie ke a kan cengi. A tagu nan li tie yene hali a panma nni, Ŋaa cengi n nialu.

Jeremi 32:33

Bikuli buli nni ki nunga, ki teni nni bi bunkpana. N bangi ba u yogunu kuli ki naa cedi, ama bi naa gaani bangima.

Jeremi 35:13

«Li Miali Diedo Isidayeli Tienu, U Paaciamu Kuli Daano maadi yaa maama n tie ne: ‹Gedi ki ban yedi Juda niba leni yaa niba n kaa Jerusalemi, naani yi kan cengi n tundi, ki fangi yi yula? O Diedo n yedi yeni.› »

Jeremi 35:17

Mini Li Miali Diedo U Paaciamu Kuli Daano, Isidayeli Tienu yedi: «N den maadi leni ba, ama baa cengi. N den yini ba, ama baa tuo. Lani yaa po, n baa teni min den waani ke yaa fala n baa baa Jerusalemi leni Juda yaaba yeni, n nandi ba.»

Jeremi 5:3

O Diedo, ŋan bua yaala ki tie I moamoani ka? A pua ba, laa koani ba mo. A nugi ba bonŋanla, Bi yie kaa gaa a bangima, Bi juagi bi pala ki cie ku tangu. Bi yie ke bi kan lebidi bi pala.

Esekieli 22:24

«Nisaalo biga, ŋan yedi Jerusalemi yaaba ke bi dogu naani leni yaa tinga n ki ŋuudi ki ŋanbi yene. Laa tinga naa den baa taaga li pabienli daali.

Esekieli 24:13

A cagindi kuli ye a joagindi yeni niinne. N den bua ki ŋanbi a, ama a naa den bua ki ŋanbi. A kan go ŋanbi leni a joagindi mo, se n wuli a po n pabienli kuli.

Sofoni 1:6

N baa bolini yaaba n lebidi ki ŋaa mini o Diedo, Kaa lingi n todima leni n tundi.»

2 Timote 3:16

I Diani kuli den diani U Tienu gobidima yaa niinni. I pia mi fuoma mi bangima po, ki maadi ki co bi niba, ki tundi ba mi tudima nni, ki go bangi ba mi teginma nni.

Hebilunba 10:22

Lani kuli yaa po, tin yaa nagidi U Tienu kani leni li payenli leni li dandanmoanli, ki yaa pia yaa pala n ŋuudi ki ñani yaa pali siedi n bia leni yaa gbanandi n ŋuudi leni mi ñinŋanma.