Sofoni 3:16 - U TIENU MAAMA TILI 2013

¹⁶ Lanyogunu, bi baa yaa maadi Jerusalemi dogu nni ki tua: «Yin da jie mani! Siyon yaaba, yi gbani n da go wudi!

Gourmanchéma Bible

¹⁶ Laa yogunu, bi baa yaa maadi Jelusalema dogu nni ki tua: «Yin da jie mani! Siyono yaaba, yi gbani n da go wudi!

Sofoni 3:16 ပူးပေါင်းရင်းမြစ်များ

Jobi 4:3

Diidi a den tie niba boncianla bangika. A den paagidi yaaba yaa buadi n tadigi.

Esayi 25:9

Landaali bi baa yedi: «Ti Tienu n na. Wani n tie tin dugi yua yaa po. Wani n faabi ti. O Diedo n tie tin dugi yua yaa po. Tin mangi mani ti pala bonŋanla, Tin mangi mani ti pala o faabima po,

Esayi 40:9

Yinba Siyon yaaba, O laabaalimano tonda, Do mani yaa juali n kpedi po, Ki kpedi yi niali lan yaa pa. Yinba Jerusalemi yaaba, O laabaalimano tonda, Kpedi mani yi niali ki da jie Ki yedi Juda yaaba dogi: «Diidi mani yi Tienu nne!»

Esayi 41:10

Ŋan da jie kelima n ye leni a. Ŋan da nua leni yanbani Kelima n tie a Tienu. N baa yaa pugidi a fidu, N baa cua ki todi a, N kubi a leni n nujienu yuu paani li bonla kuli.

Esayi 44:2

O Diedo yua n tagi yi, Yua n den tagi yi hali yi naa tugu nni, Yua n tie yi kubido Yedi yaa maama n tie ne: ‹Da jie mani yinba n naacemo Jakob puoliŋuani, Fini Yesuruni min gandi yua.

Esayi 54:4

Da jie liba kelima a kan go le fe. Da tiibi leni fe kelima bi kan go fiagi a. A baa sundi a jafandi yogunu. A kan go tia a kpepuodi yogunu fe,

Joeli 2:21

Fini ki tinga ŋan da jie liba, Mangi a pali hali boncianla, Kelima o Diedo n tieni a po yaala kuli po.

Sakari 8:13

Yinba Juda leni Isidayeli diema yaaba, Nani yaala n den baa yi n den tua Solindi makpanjama i nilanbuoli siiga maama, N go baa faabi yi, ki teni yin tua Li seli makpanjama bi siiga yene. Yin da go jie mani, paagi mani yi pala!»

Sakari 8:15

N go jagi ke n baa tieni Yinba Jerusalemi yaaba leni Juda diema Yaaba kuli po yaala n ŋani yene. Yin da go jie mani!

Jan n diani U Tienu Laabaaliŋamo maama 12:12

Lan den fii ki faa, yaa niligu n den cua ki baa jaani mi jaanma den bandi ke Jesu kpendi Jerusalemi.

2 Korenti 4:1

Nani U Tienu n gbadi ti ninñima, ki puogi ti li naa tuonli yeni, ti kan luo papaali.

Galati 6:9

Tin da coagi leni a tuonŋama tienma, kelima ti yaa cedi, u yogunu yaa ti pundi, ti baa baa ti panpaani.

Efesa 3:13

Lanwani, n mia yi, yin da luo li papaali min laadi yaa fala yi po yaa po, kelima li baa yaa tie yi po kpiagidi.

Hebilunba 12:12

Lanwani, yin paagi yi nii yii n yoaligi leni yi duna ya n tadigi.

Mi Doagidima 2:3

A pia li juunli. A laa fala kelima n yeli po, ki naa coagi ki cedi.