Sofoni 3:13 - U TIENU MAAMA TILI 2013

¹³ Isidayeli yaaba, yaaba n baa sieni Kan go tieni kuli yaala n ki tiegi, Bi kan go pua faama, Janbi maama mo kan go yaa ye bi ñoana nni. Lani, bi baa fidi ki yaa di ki go goa bonŋanla, Ke oba kuli kan yagi bi yama mo.»

Gourmanchéma Bible

¹³ Isalele yaaba, yaaba n baa sieni kan go tieni kuli yaala n ki tiegi, Bi kan go pua faama, Janbi maama kan go yaa ye bi ñoana nni. Bi baa yaa baadi ki di ki go goa, Ke oba kuli kan yagi bi yama mo.»

Sofoni 3:13 ပူးပေါင်းရင်းမြစ်များ

2 Bi Badiba Jama 20:30

Ki cili landaali, Josafati bali nni kuli, o den ye leni mi yanduanma, kelima U Tienu n den puni o laa yanduanma i kaani kuli.

Jobi 11:19

A baa duani ki tandi aba, Niloba kan biidi a guama. Bi niba boncianla baa yaa miadi a todima.

Pisomi 119:3

Baa tieni kuli yaala n bia, Bi ŋua U Tienu n bua maame.

Pisomi 120:2

O Diedo, faabi nni bi tuofaadanba Leni i boandi danba ñoana.

Pisomi 120:3

Yinba i boandi danba, U Tienu go baa faligi yi lede?

Pisomi 23:2

O teni ke n fuo li muabunli nni. O caani nni mi ñinkuugima kani.

Esayi 17:2

Siiri diema dogi kan go yaa pia niba, I yankuli n baa yaa die u kaanu, Ke oba ki pangi ba mo.

Esayi 35:8

U sanu baa yaa ye likani, Bi baa yaa yi li sanu: «Yaa sanu n gagidi.» Yaa nilo n joagini kuli kan poandi likani. U baa yaa tie bani bebe yaa po yo. Ba bi yanluodanba yaa tagini u, bi kan bodi.

Esayi 54:14

A baa baa u paalu, Kelima mi teginma po. Ŋan foagidi a yuli leni ki mabinga, Kelima a kaa go jie liba kuli. Ba ti jawaanciandi mo kan go nagini a kani.

Esayi 6:13

Ba li yaa sua ke niba piiga siiga kuli, Niyendo yendo n sieni ki ye mi niinni, Bi baa lu bani moko u mu nni. Ama nani telebinti leni seni tiidi, Bi yaa pedi i ñiali, Yin go yen guani ki kpeli maama yeni, Bi yaa ñiana moko baa guani ki bundi Ki tieni yaa puoliŋuani n gagidi Ki ŋani yene.

Esayi 60:21

A niba kuli baa yaa tie niteginkaaba, Ki baa diedi mi diema hali yaa yogunu kuli. Bi tie min ŋuu yaa benkpeli yeni, Ki tie n nuu tuonli, Ki doagidi n kpiagidi.

Esayi 63:8

O den yedi: «Moamoani bi tie n niba, Yaa bijaba n kan janbi nni.» O den tua bi po candaano,

Esayi 65:10

Saron baa tua yankpaakaanu ti yanbidi po, Akori joaloangu mo n tua n niba, Yaaba n lingi nni, Yanciandi wuonkaanu.

Jeremi 23:4

N baa lingi bi po yaa yankpaaba n baa taa ba ki ban yaa kpaa. Bi kan go yaa jie, bi kan go yaa digibi, ba yendo kan poadi bi siiga mo.» O Diedo n yedi yeni.

Jeremi 30:10

Fini n naacemo Jakob, Da jie liba, o Diedo n yedi yeni. Isidayeli, da digibi ba! Diidi n baa faabi a ki tinga nni Leni a puoliŋuani n ye ti yonbidi yaa diema nni. Jakob baa guani ki mangi o pali Mi fuodima po leni mi yanduanma po. Oba kuli kan go cua ki lengi o yama.

Jeremi 31:33

Mini o Diedo yedi: «Diidi min baa kuani yaa ŋantaado leni Isidayeli diema yaaba. Laa dana yaa pendi, n baa kuani n bali maama bi yantiana nni, ki diani ma bi pala nni. N baa yaa tie bi Tienu, bani mo baa yaa tie n niba.

Esekieli 39:26

Lani, bi baa sundi bi fe po leni ban den tieni n po yaa tagili kuli po. Bi baa yaa ye leni mi yanduanma bi diema nni. Niloba mo kan go yagi bi yama.

Levi 26:6

Mini o Diedo n baa teni mi yanduanma n yaa ye mi diema nni. Yi yaa goa, oba kuli kan yagi yi yama. N baa teni ti fuayanbiaditi n bodi mi diema nni kuli. Ki jugisiega mo kan go poandi yi diema nni.

Mise 4:4

Nilo kuli baa yaa kaa o duventiidi Leni o kankanŋuuke soangu nni. Yua n baa teni bi niba n jie kan go yaa ye, Kelima Li Miali Diedo U Paaciamu Kuli Daano Ñoabu n maadi ki yedi ke li baa yaa tie yeni.

Mise 4:7

N baa taa yaaba n poagili yeni, Ki teni ban tua yaaba n baa sieni, Ki teni ban den deli ki gedini yaaba foagima yeni, N tua yaa nibuolu n pia u paalu. Lanyogunu, mini o Diedo baa yaa die ba Siyon juali nni hali yaa yogunu n tuu yaa yogu kuli.

Mise 7:14

U Tienu, taa a yankpaagbiamu ki yaa kpaa a niba, Bani yaa nigoli n tie a piama yeni. Bi ye bi bebe li fuasieli nni i tikuani siiga. Ŋan go yaa kpaa ba Basan leni Galaadi diema nni, Nani ŋan den kpa kpaa ba maama.

Sofoni 2:7

Juda niba yaaba n sieni baa Diedi laa kaanu, Bi baa yaa kpaa bi yandi lankani. Ku juogu yaa yen baa mo, Bi baa n duani Asikalon dogu diena nni, Kelima o Diedo bi Tienu baa guani ki ŋanbi bi yema.»

Sofoni 3:5

Ama o Diedo nan ye Jerusalemi, Ki tiendi yaala n tiegi, Kaa tiendi kuli yaala n bia. Fiifaama kuli, o ja yaa buudi n tiegi, Ki naa jidi ba dayenli. Ama ba leni lani kuli, Bi nibiadiba tiendi yaala n bia, Kaa gba fe li po.

Sakari 8:12

N baa teni mi yanduanma n tieni ki tinga po: Duven tiidi baa luoni, Ki tinga baa teni ti kpaandi n tieni, Ki taaga baa mi boncianla. N baa pa laa bonla kuli n niba yaaba n sieni.

Sakari 8:16

Yin baa yaa tiendi yaala tie line: Yuakuli n yaa maadi o lielo i moamoani. Yi bujiakaani kani, yin yaa ja yaa buudi n tiegi Ki kpendinni mi yanduanma.

Sakari 8:3

N baa lebidi ki guani Siyon, ki yaa ye Jerusalemi yaaba siiga. Bi niba baa yaa yi Jerusalemi dogu: “Yaa dogu yaaba n bua U Tienu, ki tuo ki ŋua o.” Bi baa yaa yi Li Miali Diedo U Paaciamu Kuli Daano juali mo: “Mi gagidiŋanma juali.”»

Matie 13:41

O Joa Bijua baa soani o malekinba ban taani ki ñani o diema nni, yaaba n tulini bi niba leni yaaba n tiendi mi biadima kuli,

Jan n diani U Tienu Laabaaliŋamo maama 1:47

Jesu n den laa Natanayeli ke o kpendi o kani, o den yedi: «Diidi, yua n kpendi na tie Isidayeli buolu yua moamoani, waa pia boandiba kuli o pali nni.»

Kolosi 3:9

Yin da pua faama leni yiyaba, kelima yi den landi u tagikpelu leni u bontienkaala,

1 Pieri 3:14

Li pamanli ye leni yi, ba bi yaa waani yi fala yin tiendi yaala n ŋani yaa yogunu. Yin da jie mani bi nisaaliba ba waamu, ki da yagi yi yama.

1 Jan 5:18

Ti bani ke U Tienu n mali yua, waa tiendi tuonbiadi, kelima U Tienu Bijua kubi o ke o Biado kan sii o.

Mi Doagidima 14:5

Faamiba kuli ki den ye bi ñoana nni, baa pia ban baa fidi ki kuli ba leni yaala.

Mi Doagidima 21:27

Joagindiba kuli kan baa ki kua u niinni. Yua n tiendi ti cagindi leni yua n pua mi faama kan kua u niinni, kali yaaba yaa yela n diani li miali tili nni, lini yaali n tie ki Pebiga tili. Bani bebe n baa baa ki kua u niinni.

Mi Doagidima 21:8

Ama bi jawaandanba, yaaba n ki daani, ti cagindi danba, bi nikpaba, mi conconma buoli kuli danba, u ñoagubiadu danba, i buli danba leni yaaba n pua mi faama kuli, bikuli yekaanu baa yaa tie u mu leni li cidibili n co yaa kpenu nni. Lani n tie mi kuliema.»