Sofoni 3:10 - U TIENU MAAMA TILI 2013

¹⁰ Ba n niba yaaba n yadi Ki ban ye hali yaa kaani n foagi, Ki pendi Etiopi kpeni, Bani mo baa yaa kpendinni n po bu paabu.

Gourmanchéma Bible

¹⁰ Baa n niba, yaaba n yadi ki ban ye hali yaa kaani n foagi, Ki pendi Etiopi kpeni, Bani mo baa yaa kpendinni npo bu paabu.

Sofoni 3:10 ပူးပေါင်းရင်းမြစ်များ

Pisomi 68:31

Fu leni ku sabigu nni bonfuodo, Wani yua n tie nani a naatongola yeni, Ki die i nibuoli, ke bi gbaandi leni ŋanjilifa. Pua ki yadi yaa nibuoli n mangidi Bi pala bu toabu po.

Esayi 11:11

Landaali o Diedo baa guani Ki tandi o nuu Ki daa ki faabi o niba Yaaba n sieni ki ye Asiiri, Ejipiti, Patilosi leni Etiopi diema nni, Elami, Sineari, Hamati leni Mi ñincianma kpendega nni.

Esayi 11:12

O baa sieni mi maalima i nilanbuoli po. O baa taani Isidayeli yaaba, Yaaba n ye ti yonbidi kuli, Ki gobidi ki kpeninni Juda yaaba Ban den yadi yadi yaaba Ki tinga ñoakunnaadi nni.

Esayi 18:1

Fini yaa tinga yaa ñinbiadi n pia cabalie lie, Ki ye Etiopi kpenciami niinni.

Esayi 18:7

Lanyogunu yaa nibuolu yaa niba n kpedi, ke bi gbani ñuliti, hali yogu ban jie yaa nibuolu li ŋandunli nni yeni, baa cuani bu paabu Li Miali Diedo U Paaciamu Kuli Daano kani. Laa nibuolu pia u paalu ki paani bi yibalinba, ke i kpenciami mo gbie bi diema nni. Bi baa cuani laa padili Li Miali Diedo yeli n ye naankani, Siyon juali po.

Malaki 1:11

Ki cili hali u yienu n pudi naani, ki ban tuoni hali wun baali naani, i nibuoli kuli kpiagidi n yeli. I kaani kuli bi niba padi ki siagi n yeli po a dugibila. Bi go padi yaa pada n ŋani ki dagidi n yeli po, ki kpiagidi n yeli. I nibuoli kuli kpiagidi n yeli. Li Miali Diedo U Paaciamu Kuli Daano n yedi yeni.

Jan n diani U Tienu Laabaaliŋamo maama 7:35

Lanwani, Jufinba den buali biyaba: «One baa gedi hali le, ke ti kan go le o? Naani o baa gedi Jufinba yaaba n yadi yadi, ki ye bi nilanba siiga, ki ban bangi bi nilanba yeni bi?

Jesu Tondiba Tuona 24:17

Mii den ye Jerusalemi binaba, ama n den guani likani, ki baa cuani mi todima n buolu po, ki go pa U Tienu bu paabu.

Jesu Tondiba Tuona 8:27

Filipi den fii ki gedi. Li den sua ke Etiopi diema nilo, yua n tie moagiliga, Kandasi, Etiopi puobado koanbali, yua n den tie o ligikubilo, den gedi Jerusalemi ki baa n kpiagi U Tienu.

LOMA YAABA 15:16

ki teni ke n tua Jesu Kilisiti naacemo bi nilanba siiga. N tuuni yaa tuonli n gagidi ki wangi ba U Tienu Laabaaliŋamo. Lani n tie ke bani bi nilanba n tua nani U Tienu n baa tuo yaa padili ke li mani o, U Tienu Fuoma Yua n gagidi yaali wani U Tienu po.

1 Pieri 1:1

Mini Pieli, Jesu Kilisiti tondo, n diani li tili yinba U Tienu n gandi yaaba ke yi yadi yadi ki ye ku cangu Ponti, Galati, Kapadosi, Asi leni Bitini diema nni kuli.