Sofoni 2:7 - U TIENU MAAMA TILI 2013

⁷ Juda niba yaaba n sieni baa Diedi laa kaanu, Bi baa yaa kpaa bi yandi lankani. Ku juogu yaa yen baa mo, Bi baa n duani Asikalon dogu diena nni, Kelima o Diedo bi Tienu baa guani ki ŋanbi bi yema.»

Gourmanchéma Bible

⁷ Juda niba yaaba n ciadi baa diedi laa kaanu, Bi baa yaa kpa bi yandi lankani. Ku juogu yaa yen baa mo, Bi baa n dua Asikaloni dogu yaa diena nni, Kelima Li Miali Diedo bi Tienu baa ŋanbi bipo, Ki teni bi niba yaaba n den ye ti yonbidi yeni n goa ki kpeni.»

Sofoni 2:7 ပူးပေါင်းရင်းမြစ်များ

Mi cilima 50:24

Josefi den yedi o kpeliba leni o waalo: «N baa kpe moala, ama U Tienu baa ti cua yi kani ki teni yin ña mi naa diema nni, ki guani wan den poli ki niani ke o baa pa Abalahama, Isaaka leni Jakob yaa diema nni.»

Pisomi 80:14

O muaduolo biidi bu tibu yeni, Ti moayandi kpendi ki ŋmani bu faadi.

Pisomi 85:1

Bi yanyinba yudaano yani siiga yanbu. Kore buolu yanbu.

Mi Ñama 4:31

Bi niba den daani o yedima. Bi den bandi ke o Diedo cua ki goandi Isidayeli yaaba, ki laa bi falaciamo. Bikuli den gbaani ki pugi o.

Esayi 11:11

Landaali o Diedo baa guani Ki tandi o nuu Ki daa ki faabi o niba Yaaba n sieni ki ye Asiiri, Ejipiti, Patilosi leni Etiopi diema nni, Elami, Sineari, Hamati leni Mi ñincianma kpendega nni.

Esayi 11:14

Bi baa taani ki baa Filisiti yaaba nintuali po, Ki taani ki fagi puoli yaaba. Edomi leni Moabi yaaba baa le fala bi nuu nni. Bi baa diedi Anmoni yaaba.

Esayi 11:16

Li sanjali baa tieni n niba yaaba N sieni Asiiri po, Nani lan den tua Isidayeli yaaba po maama, Ban ñani Ejipiti diema nni yaa daali.

Esayi 14:1

O Diedo baa gbadi mi ninñima Jakob puoliŋuani po. O go baa guani ki gandi Isidayeli yaaba. O baa guani ki kaani ba bi tinga nni. Bi canba baa sani ki taani leni ba, Bikuli n taani ki tua yenma leni Jakob buolu.

Esayi 32:14

Badidiegu ki go pia nilo, Bi sani ki ŋaa yaa dogu n den gbie Leni bi niba yeni. Ki joabiga leni li toadiefoagili Baa kpandi ki tua wuonkaanu i fuaŋunbi po, Bi yema n baa yaa mani bi po naani, Ki go tie ti yandi kuli yankpaakaanu.

Jeremi 23:3

N baa taani n niba yaaba n sieni, min yadi ba yaa diema nni kuli, ki guani ba bi yanloli nni. Bi baa maa ki go pugini hali boncianla.

Jeremi 29:10

Ama mini o Diedo yedi: «Babilonni diedima yaa tuoni bina piilele, n baa cua ki todi yi, ki kuani yi po min den niani yi yaa ñoanianu. N baa ñani yi Babilonni ki guani yi Jerusalemi.

Jeremi 29:14

N baa teni yin le nni. Mini o Diedo n yedi yeni. N baa teni yi yonbi n guani ki kpeni. N baa ñani yi min den gedini yi ti yonbidi yaa diema nni leni yin den yadi yadi ki ye yaa nibuolu leni yaa kaani kuli nni. N baa taani yi, ki go kpeninni yi, min den deli ki ñani yi naani.» Mini o Diedo n yedi yeni.

Jeremi 3:18

Laa dana yaa niinni, Juda leni Isidayeli diema yaaba Baa taani ki yegi ki ña nujienu diema po, Ki kpeni min puni yi baanba Yaa diema, man tua bi faali yeni nii nni.»

Jeremi 30:3

A dana kpendi, mini o Diedo n yedi ke n baa teni n niba Isidayeli leni Juda yaaba, yaaba n den ye ti yonbidi yeni n guani min den puni bi baanba yaa diema nni. N baa teni ban guani ki diedi ma.» Mini o Diedo n yedi yeni.

Jeremi 31:7

O Diedo yedi nanda: «Yiini mani Jakob po leni li pamanli. Mangi mani yi pala Jakob yua n tugi i nibuoli kuli yuli po. Teni ban gbadi yi niali, yin pagi o ki yedi: ‹O Diedo, faabi a niba Isidayeli yaaba, yaaba n sieni!›

Jeremi 32:44

Bi baa daa i kuani yeni leni i ligi, ki diani li tili mi daama yogunu. Bi baa tieni a mi maalima, ki lingi siedinba Benjamen diema nni, Jerusalemi dogu lindima, Juda dogi nni, a juana dogi nni, Sefela dogi nni leni Nuganu dogi nni, kelima n baa teni bi yonbi n kpeni.› Mini o Diedo n yedi yeni.»

Jeremi 33:12

Li Miali Diedo U Paaciamu Kuli Daano yedi nanda: «Yaa kaanu n tie diegbena kaa pia niba, kaa pia yandi leni li dogi nni kuli, a yanlola baa yaa ye bi yankpaaba po, bi yandi n baa yaa ye naani.

Jeremi 33:7

N baa teni Juda leni Isidayeli niba yaaba n ye ti yonbidi n guani, min kaani ba nani kpiama yeni.

Jeremi 47:5

Gasa yaaba kuo ti kuyudi. Sagimuba ki go sagidi Asikalon dogu nni. Yinba ti jaciandi yaadi n sieni yeni, Yi baa yaa baa ki badi yiba i be, Hali u laa yogunu yo?

Esekieli 39:25

Ama o Diedo U Tienu yedi: «Moala n baa guani Jakob buolu, ban den cuo yaaba ti yonbidi yeni, ki gbadi Isidayeli buolu po mi ninñima. N baa yaa pia li nunponli, n yeli yaali n gagidi ki ŋani yeni po.

Ose Tili 6:11

Yinba Juda yaaba moko, N bili u yogunu ki baa waani yi fala, N yaa guani ki kpeninni n niba Yaaba n den ye ti yonbidi yaa yogunu.

Abidiasi 1:19

N niba, Juda yaaba, baa diedi Edomi diema nuganu po. Yaaba n ye Sefela baa diedi Filisiti yaaba diema. Bi baa diedi Efrayimi buolu diema Leni mi dociamu Samari. Benjamen buolu baa diedi Galaadi diema.

Mise 2:12

Jakob puoliŋuani, n go baa ti taani yikuli. N baa taani yinba Isidayeli yaaba, yaaba n sieni. N baa taani yikuli nekanba nani yanloyenli pe yeni, Bi nani yaa yangoli n taani yankpaakaanyendu yeni. Lanyogunu yi baa kpaani li pamanli kpaani.

Mise 4:10

Yeni de, Siyon yaaba, yaa yalini ki duni mani, Nani yaa pua n ye leni u maditugukoanu yeni. Moala yi baa ña u dogu na niinni, Ki gedi ki ban kpaa yi gbandiena li fuali nni. Yi baa gedi hali Babilonni ki ban baa mi faabima. Lanpo, mini o Diedo baa faabi yi yi yibalinba nuu nni.

Mise 4:7

N baa taa yaaba n poagili yeni, Ki teni ban tua yaaba n baa sieni, Ki teni ban den deli ki gedini yaaba foagima yeni, N tua yaa nibuolu n pia u paalu. Lanyogunu, mini o Diedo baa yaa die ba Siyon juali nni hali yaa yogunu n tuu yaa yogu kuli.

Sofoni 2:9

Li tie lani yaa po yo ke mini, Li Miali Diedo U Paaciamu Kuli Daano, Isidayeli Tienu yua n fo poli ki yedi: ‹Moabi yaaba leni Anmoni dogi baa bodi Nani Sodomi leni Gomori dogi yeni. Ti konkondi baa fii ki luoni bi diema nni, Likani baa tua tinyaama, Likani baa tua paboanli kaanu Hali yaa yogunu kuli po. N niba yaaba n ciadi baa cua Ki fagi bi diema piama, Ki fie bi diema mo.› »

Sofoni 3:13

Isidayeli yaaba, yaaba n baa sieni Kan go tieni kuli yaala n ki tiegi, Bi kan go pua faama, Janbi maama mo kan go yaa ye bi ñoana nni. Lani, bi baa fidi ki yaa di ki go goa bonŋanla, Ke oba kuli kan yagi bi yama mo.»

Sofoni 3:20

Lanyogunu n baa guani ki kpeninni yi. Li baa yaa tie min baa guani Ki taani yi yaa yogunu. Yi baa le ke n lebidi yi yema, Ki teni yin guani ki baa yi kpiagidi, Yi yela mo n ña li ŋandunli nibuoli nni kuli.» Mini o Diedo n yedi yeni.

Age Tili 1:12

Salitieli bijua Sorobabeli leni Yehotisadaki bijua, bi kopadicianba bado Josue leni yaa niba n sieni kuli den tuo ki ŋoadi o Diedo, bi Tienu maama. Bi den tuo ki ŋoadi ma nani o Diedo bi Tienu n den soani o saawalipualo Age ke o cua ki caa ba maama. Li fangili den cuo ku niligu kuli o Diedo nintuali.

Age Tili 2:2

O den soani o ke wan yedi Salitieli bijua, Sorobabeli leni Yehotisadaki bijua, bi kopadicianba bado Josue leni yaa niba n sieni kuli yaa maama n tie ne:

Luki 1:68

«O Diedo Isidayeli Tienu n baa ti pagidi, Kelima o laa o niba po ki daa ki faabi ba.

Luki 7:16

Li fangicianli den cuo laa niba kuli, ke bi kpiagidi U Tienu ki tua: «O saawalipuaciamo fii ti siiga. U Tienu goandi o buolu.»

Jesu Tondiba Tuona 8:26

O Diedo maleki den maadi leni Filipi ki yedi o: «Fii ki gedi ganu po, ki pundi yaa sanu n ñani Jerusalemi ki caa Gasa dogu po, ki ŋoadi yaa sanu n poandi mi fanpienma nni yeni.»

Jesu Tondiba Tuona 8:40

Filipi den sua ke o ye Asoti dogu nni. O den ñani Asoti ki caa Sesare, ki wangi o Laabaaliŋamo wan tagini yaa dogi kuli hali ki ban pundi.

LOMA YAABA 11:5

Li go tie yeni moala ne, Isidayeli buolu siiga nitianga sieni, U Tienu n gandi yaaba, kelima o ŋanbili po.

Ruti 1:6

Moabi diema nni, Noemi den gbadi ke o Diedo noanli ki laa o niba po, ki puni ba mi jiema. Wani leni o biyuamu den bogini ki ñani lipo, ki baa guani Juda diema nni. Bi den fii ki ñani ban den ye naani ki taa u sanu.