Sofoni 2:2 - U TIENU MAAMA TILI 2013

² Tieni mani yeni, Hali ki daa tua nani u faalu N figi ki yadi yaa muafenma yeni. Tieni mani yeni, Hali ke o Diedo pabienli, Yaali n nani u mu yeni Daa nandi yi, Hali ke o pali n baa fii yi po Yaa daali yeni daa pundi.

Gourmanchéma Bible

² Tieni mani yeni, hali ki daa tua nani u faalu N figi ki yayadi yaa moafenma yeni. Tieni mani yeni hali ke Li Miali Diedo pabienli, Yaali n nani mi fantama yeni daa nandi yi, Hali ke o pali n baa fii yipo yaa daali yeni daa pundi.

Sofoni 2:2 ပူးပေါင်းရင်းမြစ်များ

Jobi 21:18

Bi yen maadi ki tua: ‹Ban tua nani ku faagu n tugi yaa muadi, Nani o pinpinjoa n tugi yaa fengu yeni.›

Pisomi 1:4

Laa tie yeni ka bi nibiadiba po. Bi tie nani ku faagu n figi Ki yadi yaa fengu yeni.

Pisomi 2:12

Pugi mani o bijua, Wan da ti bieni o pali, Ki teni yin bodi cain, Kelima o pabienli jaligi. Li pamanli ye leni yaaba n sani ki wuoni o kani.

Pisomi 50:22

Lanwani, cengi mani laa bonla bonŋanla, Yinba yaaba n sundi U Tienu po! Lani yaa ka n baa dadi ki toadi yi, Ke oba kan gaa yi mo.

Esayi 17:13

I nilanbuoli duni nani a ñingogbenga N duni maama yeni. O Diedo fu leni i nilanbuoli ke i sani ki foagidi Nani ku faagu n piebi ki lendi Yaa muadi a juana yuli po, Bi nani u tafaalu n fiini yaa tangungu yeni.

Jeremi 23:20

O Diedo pabienli kan pegidi ki teli poto kuli, Se li cua ki tieni wan jagi maama o pali nni. Li daali kpendi ke yi baa bandi lan bua ki yedi yaala.

Jeremi 4:4

Kua mani ku koanciagu o Diedo po. Yinba Juda leni Jerusalemi yaaba, Lebidi mani yi pala. Lani n tie n pali n da be, Ki cuo nani u mu yeni, Ki cuo yaa cuoma ke bi kan fidi ki gbindi u, Kelima yi tuadibiada n gundi maama po.

Jeremi Bubula 4:11

O Diedo teni ke o pabienli tuoni li bianu, O doagidi o pabiencianli. Siyon dogu nni o cuoni u mu, Yuu n dini u tanpuuna.

Esekieli 12:25

Li tie mini o Diedo n maadi, ki wangi yaala n baa tieni, li kan waagi yi baa le la, yinba u nibuoyieko yeni, yi kan kpe kaa laa la. N baa tieni min yedi yaala yeni.» Mini Li Miali Diedo n yedi yeni

Ose Tili 13:3

Lani n teni ke laa niba baa bodi, Nani ku tiŋaagu yaa gbangbadigu yeni, Nani yaa manma n yoagi tonma, Nani u faalu n tugi yaa fenma, Ki foagidi leni u jalu, Nani yaa muñii n ña li diebonli kani yeni.

Nahumi 1:6

U Tienu pali yaa beni, Oba kuli kan fidi ki sedi. O pali yaa beni boncianla, Oba kuli kan fidi ki yaa ye. O pali co nani u mu yeni. A tana pudi ki yagidi o nintuali.

Sofoni 1:18

O Diedo pabienli daali, Bi ŋanjilifa leni bi wula kan fidi ki faabi ba. O Diedo pabienli mu baa buoni ki tinga kuli, Li baa yaa bia hali boncianla. O baa bolini ki tinga niba kuli.»

Sofoni 3:8

Li tie lani yaa po yo, Ke mini o Diedo yedi: ‹Yin guudi mani, Min baa cua yaa daali Ki waani yi ke yi nani. N jagi ke n baa taani i nibuoli kuli Leni mi diema niba kuli, Ki teni ke ban bandi n pabienli n bia maama, Kelima n pabienli mu baa buoni Ki tinga kuli.› »

Matie 24:35

Tanpoli leni ki tinga kuli baa pendi, ama n maama kan pendi abada.