Sofoni 1:18 - U TIENU MAAMA TILI 2013

¹⁸ O Diedo pabienli daali, Bi ŋanjilifa leni bi wula kan fidi ki faabi ba. O Diedo pabienli mu baa buoni ki tinga kuli, Li baa yaa bia hali boncianla. O baa bolini ki tinga niba kuli.»

Gourmanchéma Bible

¹⁸ Bi ŋanjilifa leni bi wula kan fidi ki faabi ba, Li Miali Diedo pabienli daali. N pabienli fantama baa buoni ki tinga kuli, Li baa bia hali boncianla. O baa bolini li ŋandunli niba kuli.»

Sofoni 1:18 ပူးပေါင်းရင်းမြစ်များ

Mi cilima 6:7

O Diedo den yedi: «N baa bolini min den tagi yaa nilo ki ñani o ki tinga nni cain, ki cili o nilo ki yaa caa hali ti denyandi, li bonbalinkaala leni tanpoli bonyugiditi, kelima n lebidi n yama. N mua ke n yàá den tagi ba.»

1 Bi Badiba 14:22

Juda yaaba den tieni yaala n ki dagidi o Diedo po. Bi den tieni ti tuonbiadi ki fiini U Tienu nunponli ki cie bi yaajanba n da den tieni yaala kuli.

Jobi 21:30

Mi yebiadima daali o nibiado baa cia. U Tienu pabiencianli daali mo, liba kan tieni o.

Jobi 3:15

Bi mo, n bi baa yaa dua leni yaa badijaba n pia wula, Ki go gbieni bi diena leni ŋanjilifa.

Pisomi 78:58

Bi den fiini o pali leni ban den padi A juana po padibinbina ya yaa kani. Bi den fiini o nunponli Leni ban den tieni yaa nannana.

Pisomi 79:5

Hali u laa yogunu yo ke a baa Yaa baa ki biendi a pali ki kan pa sugili? Naani a pali li baa yaa baa ki be, Nani u mu yene?

Mi Kpanjama 11:4

Li pabienli daali, mi piama ki tie puu kuli. Ama mi teginma faabidi leni mi kuuma.

Mi Kpanjama 18:11

O piado piama tie nani yaa dogu N pia u paalu yeni, O yama po o nua ke puu kan nandi o Laa kaanpaalu kani.

Esayi 1:24

Lani n teni ke o Diedo, Li Miali Diedo Isidayeli Tienu, U Paaciamu Kuli Daano kadi ki yedi: «N baa paadi n koanginkaaba, Ki tuu n yibalinba bi panpaani.

Esayi 10:17

U Tienu, Isidayeli yenma baa tua mu. Isidayeli Tienu yua n Gagidi ki ŋani yeni Baa ti tua mupienu. Yuu n baa juu i konkoni leni a kongoaba dayenli.

Esayi 10:3

Yi baa tieni lede fala daali Leni yaa yebiadima n ye foagima Ki kpendi yeni po? Yi baa sani ki gedi ŋme yaa po yo, Ki baa mi todima? Yi baa ŋaa yi piama le yo?

Jeremi 7:20

Lani n teni ke o Diedo U Tienu yedi mi naa maama: «Diidi n pabiencianli baa nandi u naa kaanu koatiidi, li niba, li yandi leni li tinga bonluonkaala kuli. U mu baa yaa siagi la ki kan gbindi.»

Jeremi 7:34

N baa teni Juda dogi leni Jerusalemi niinni, i pamandanyani n gbeni. Togibaa leni toginaa moko yaa yani baa gbeni, kelima yaa nufanu n baa pua mi diema yeni po.»

Jeremi 9:11

Naani li pia yua yaa yama n fo bonŋanla, Ki baa fidi ki doagidi laa bonla n tie yaala? Li yaa tie ke o Diedo n maadi leni o, Wan doagidi ki waani yaala yaa po, Ke mi diema bodi Leni yaala yaa po ke mi tua fanpienma, Nilo n ki go poandi naankani!

Esekieli 16:38

N baa bu leni a, nani ban bu leni yaa puoba n conbi leni yaa puoba n wuliti mi soama maama yeni. N baa teni n pabienli leni n ponli n kpa ŋa.

Esekieli 23:25

N baa wuli n nunponli a po: bi baa mabini a leni li pabienli. Bi baa dadi ki ŋabi a mianu leni a tuba, ki kpa a puoliŋuani mo leni ki jugisiega. Bani n go baa taa a bijaba leni a bisiaba u mu n je a puoliŋuani yaaba n baa sieni mo.

Esekieli 7:11

Mi biadima fii ki se, Nani yaa gbiamu n yuugi ki baa pua yeni. Yi siiga nni liba kuli kan sieni, Yi fuugu, yi coali leni yi yabinu, Likuli baa bodi ke bi kan mua yi po mo.

Esekieli 7:19

Bi baa lu bi ŋanjilifa i sani nni, Ki noanli bi wula mo nani ti baadi yeni, Kelima bi ŋanjilifa leni bi wula kuli, Kan fidi ki faabi ba, O Diedo pabienli daali. Bi kan fidi ki baa yaala n baa guoni ba, Bi yaala n baa mangi bi pala, Kelima ŋanjilifa leni wula n kuani ba ti tuonbiadi nni.

Esekieli 7:5

O Diedo U Tienu yedi: «Diidi, o falabiado nno, Yaa fala n ki pia lie, Wani n kpendi yeni.

Sofoni 1:11

Yinba Makiteki ñianjaali yaaba mua mani, Kelima a kpenda kuli baa kpe, Yi ŋanjilifa biigida mo kuli baa bodi.

Sofoni 1:15

Landaali baa yaa tie pabienli daali, Fala leni ti yanyagiciandi daali, Li tingbali leni mi bolinma daali. Li baa yaa tie ciñuuli leni biigili daali, A tawala leni ku gbangbadigu daali.

Sofoni 2:2

Tieni mani yeni, Hali ki daa tua nani u faalu N figi ki yadi yaa muafenma yeni. Tieni mani yeni, Hali ke o Diedo pabienli, Yaali n nani u mu yeni Daa nandi yi, Hali ke o pali n baa fii yi po Yaa daali yeni daa pundi.

Sofoni 3:8

Li tie lani yaa po yo, Ke mini o Diedo yedi: ‹Yin guudi mani, Min baa cua yaa daali Ki waani yi ke yi nani. N jagi ke n baa taani i nibuoli kuli Leni mi diema niba kuli, Ki teni ke ban bandi n pabienli n bia maama, Kelima n pabienli mu baa buoni Ki tinga kuli.› »

Matie 16:26

O nilo yaa baa ki diedi ŋanduna kuli ke o naano nan bodi, li baa ŋanbi o po be? Bi o nilo baa pa be ki lebidi o naano?

1 Korenti 10:22

Ti baa tieni yene ki ñuni o Diedo li mutuoli bi? Naani ti pia u fidu ki cie o?

Mi Tiadima 31:17

Landaale, ke n pali baa fii ki be bi po. N baa ŋaa ba, ki buli ba n nunga. Bi baa je ba, falaciamo leni paboancianli baa baa ba, ke bi baa yedi: ‹Naani laa tie kelima ti Tienu naa go ye ti siiga ka, ke yaa falabuoli n tie ne kuli nandi ti?›