Sofoni 1:17 - U TIENU MAAMA TILI 2013

¹⁷ O Diedo yedi: «N baa kuani bi nisaaliba fala nni, Ki teni ban yaa cuoni ki tulibi nani a juama yeni, Kelima bi tieni o Diedo po ti tuonbiadi. Bi soama baa wuli i kaani kuli nani ku tangungu yeni, Bi gbanandi mo n bedi nani ti baadi yeni.

Gourmanchéma Bible

¹⁷ Li Miali Diedo yedi: «N baa kuani bi nisaaliba fala nni, N baa teni ban yaa cuoni ki tulibi nani a juama yeni, Kelima bi tieni npo ti *tuonbiadi. Bi soama baa wuli i kaani kuli nani ku tangungu yeni, Bi kpiema n bedi nani ti baadi yeni.

Sofoni 1:17 ပူးပေါင်းရင်းမြစ်များ

Pisomi 83:10

Tieni ba nani ŋan den tieni Madiani yaaba maama, Nani Sisera leni Yabini Kisoni kpenu kani maama yeni.

Esayi 29:10

Kelima o Diedo kuani yi niinni Mi guama yantiali ke yi gonbidi. O pii yinba bi saawalipuaba nuni, Ki libini yinba a baayuadiida mo yaa yula ti kpaliti.

Esayi 50:1

O Diedo yedi mi naa maama: «Min ñani yi naa leni yaa puoñatili yeni ye le? Bi, n den kuadi yi n pandanba Ŋmenba yaa po yo? Diidi: li tie yi tudima po yo, Ke bi den kuadi yi. Yi biadima po mo yo, Ke bi den ñani yi naa.

Jeremi 10:18

O Diedo yedi mi naa maama: «N baa lugidi mi diema yaaba Nani ku tanbuncaangu yeni. N baa mabini ba bonŋanla, Hali yaala ke oba kan cia.»

Jeremi 15:3

O Diedo n yedi: «N baa fii ki sedi bi po leni falabuolinaa. Bu toabu baa cua ki kpa ba, i sangbanli n cua ki ŋmani, i yobili leni i tanboe mo n cua ki ŋmani ki go bolini ba.

Jeremi 18:21

Lani yaa po, ŋan teni mi koma N nandi bi bijaba. Ŋan kodi ba leni ki jugisiega. Ŋan teni bi puoba n luo a bila. Ŋan teni ban tua kpepuona. Ŋan teni mi kuuma n nandi bi ciaba, Ki go teni bi jawaaba mo n kpe bu toabu nni.

Jeremi 2:17

Isidayeli, be n cuani a po la? Laa tie ke a ŋaa o Diedo a Tienu, Yua n den gobidi a o sanŋamu nni yeni ka?

Jeremi 2:19

A biadima n nandi a, A janbi mo n ñiadi a. Diidi ki le, ki ŋaa mini o Diedo a Tienu, Ki da go pia n po fangiliba, N bia ki go gundi maama. Li Miali Diedo U Tienu U Paaciamu Kuli Daano n yedi yeni.»

Jeremi 3:25

Ti fe n tie ti duankaadi, Ti jigidima mo n tie ti kpalipinkaadi, Kelima tinba leni ti baanba, Ti tieni ti tuonbiadi o Diedo ti Tienu po. Ti panma yogunu ki ban pundi hali dinla, Tii cengi o Diedo ti Tienu yedima.

Jeremi 4:18

A tagu leni a bontienkaala N cuani a po yaali n yeni. Diidi, a biadima li to yo bagibagi. Laa bonla baa nandi hali a pali.

Jeremi 8:2

Bi baa deni laa kpaba u yienu nni, o ŋmaalo leni a ŋmabila nintuali, ban den bua bani yaaba ki pugi ba yeni. Bi kan wodi a kpaba yeni, bi kan piini a mo. Ama a baa tua bugidi u tingbanu po.

Jeremi Bubula 1:14

O loli n biadima kuli ki tuni nni. O Diedo gbeni n biadima kuli yene. O gbeni n paalu, Ki muubi nni leni yaa nuu, Ke n kan fidi ki ŋmadi.

Jeremi Bubula 1:18

O Diedo n tiegi, Kelima n den yie o bali maama. Cengi mani yinba i nibuoli kuli, Diidi mani n fala! Bi gedini n jafanba leni n jawaaba ti yonbidi.

Jeremi Bubula 1:8

Jerusalemi tieni ti tuonbiadi boncianla, Lani n teni ke o joagini, Ke yaaba n den kpiagidi o kuli fali o, Kelima bi laa o mubima. O duni ki guani puoli po.

Jeremi Bubula 2:21

Bi jawaaba leni a jakpela, Bikuli bili bili tiipo i sani nni. N jafanba leni n jawaaba, Bu toabu dini bikuli. A pabienli nni, a kpa ba ke ninñima ki cuo ŋa.

Esekieli 16:38

N baa bu leni a, nani ban bu leni yaa puoba n conbi leni yaa puoba n wuliti mi soama maama yeni. N baa teni n pabienli leni n ponli n kpa ŋa.

Esekieli 24:7

U dogu yeni n wuli yaa soama, Baa ki ye u niinni. U wuli ma ku tantialigu po, Ki naa wuli ma tiipo, Ki maani mi po mi tama.

Esekieli 24:8

N pabienli leni n pantuuli po, N cedi wan wuli yaa soama ku tangu po yeni. Mii maani mi po tama.

Amosi 4:10

N den luni yi siiga u yianbiadipuodiko Yuu n naani leni Ejipiti yuu, Ki teni ke bi kpa yi nipanba leni mu jugisiemu, Ki fie yi taami mo. N den teni ke yi toanagili tinkpila nuulibiadu kua yi. Ama ba leni lani kuli, yii den lebidi ki guani n kani. O Diedo n yedi yeni.

Mise 7:13

Ama li ŋandunli yaaba baa bodi Kelima bi tuonbiadi po.

Matie 15:14

Cedi ba mani! Bi tie yaa juama n dia a juama. Juamo yaa dadi juamo mo, bani nibilie kuli n baa baa ku buogu nni.»

LOMA YAABA 11:25

N kpiiba, mii bua yaa bondoaginkaala n tie ne n yaa boani yi. Yin da nua yi yula ke yi tie yanfuodanba. Laa bondoaginkaala tie ke Isidayeli buolu siiga, bi tianba pala juagi hali bi nilanba n baa kua U Tienu tindima nni ki pundi ki dagidi cain.

LOMA YAABA 11:7

Lankuli doagidi be? Lankuli doagidi, ke Isidayeli buolu naa baa ban den lingi yaala leni li yankuali. Ama bi siiga nni, U Tienu n gandi yaaba bebe n baa la, yaaba n sieni kuli yaa pala den juagi.

2 Korenti 4:4

bani yaaba n kaa daani po. Sutaani, yua n die ŋanduna na, juani bi yantiana, ke ban da le Kilisiti yua n tie U Tienu nannanli yaa Laabaaliŋamo kpiagidi yendima.

2 Pieri 1:9

Ama yua n ki pia la, o tie juamo, ki sundi ke U Tienu ñani o po wan den tieni yaa tuonbiadi hali yogu, ki ŋanbi o.

1 Jan 2:11

Ama yua n nani o kpiilo ye li biigili nni. O cuoni li biigili nni, kaa bani wan caa naankani, kelima li biigili teni ke o joa.

Mi Doagidima 3:17

A tua: ‹N tie piado ki pia ke li dagidi ki naa luo puu.› Ama ŋaa bani ke a tie fala daano, ninñinnilo, luodo, juamo, ki go ye mubima.