Sofoni 1:14 - U TIENU MAAMA TILI 2013

¹⁴ O Diedo pabienli dacianli yeni nagini, Li nagini ki gbeni, li jaligi ki pundi. Landaali baa yaa tie moe bebe, Ba a jakoanda baa mua ki liini mi todima.

Gourmanchéma Bible

¹⁴ Li Miali Diedo pabienli dacianli yeni nagini, Li nagini ki gbeni, li jaligi ki kpendi. Laa daali baa yaa tie moe bebe, Baa a jakoanda baa mua ki liini mi todima.

Sofoni 1:14 ပူးပေါင်းရင်းမြစ်များ

Esayi 15:4

Hesibon niba leni Eleale niba mua Hali Yahatisi, bi gba bi niali. Lani n teni ke Moabi toatieba kuudi boncianla, Kelima bi jie ki luodi.

Esayi 33:7

Diidi, Arieli jakoanda n buudi i sani nni yeni. Mi yanduanma tonda mo n buudi ki yalini yeni.

Esayi 66:6

Ku fuugu ña u dociamu nni, U nialu ña U Tienu diegu nni. Li tie o Diedo yaa nialu. O pa o yibalinba bi panpaani.

Esayi 8:22

Li yaa yuandi bi baa tibini Ki noanli tiipo, Ki sua ke paboanli, li biigili Leni i yanbani bebe. Bi yen baa sua ke bi se laa biigicianli nne.

Jeremi 25:36

Gbadi mani bi yankpaaba n mua maama, Yaaba n gobidi ti yandi n kuudi maama, Kelima o Diedo pua ki biidi bi yankpaakaanu.

Jeremi 30:7

O naa fala mo te! Li naa daali tie dacianle. Daaliba kuli ki naani leni li. Li tie Jakob puoliŋuani po paboanli daale. Ama bi baa baa gaapo.»

Jeremi 46:5

Be n tieni? N nua be mo nne? Bi jigi kuli cie ke bi sudi puoli po. Bi pua ki guli bi jakoanda. Moala wani yua n tadi yua n pa jige! Oba kuli ki go tiini ki gbegidi ki nua! Ti jawaandi bebe n ye i kaani kuli. O Diedo n yedi yeni.

Jeremi 48:41

Yibali fie Keriyoti leni Mesatidoti. Moabi jakoanda tugusoama tiini, Nani yaa pua n baa maa, Yaa tugusoama n tiini maama yeni.

Esekieli 12:23

Ŋan yedi ke o Diedo U Tienu yedi: n baa teni laa kpanjama n gbeni. Bi kan go pua laa kpanjama Isidayeli diema nni. Ŋan yedi ba ke a dana kpendi, ke laa bonlekaala kuli baa tieni.

Esekieli 30:3

Li daali yeni nagini, O Diedo pabienli daali nagini, Li baa yaa tie tawadi daali, Ban baa jia i nibuoli buudi yaa daali.

Esekieli 7:12

U yogunu kpendi, Li daali mo pundi. Yua n daa n da mangi o pali, Yua n kuadi mo n da ye leni li paboanli, Kelima n pabienli fii mi diema piama kuli po yo.

Esekieli 7:16

Yaaba n sieni ki naa kpe, Baa sani ki do a juana po, Nani ti joaloandi nni kpaajela yeni. Bikuli baa mua ki figindi, Yuakuli baa mua o tagili po.

Joeli 1:15

Ŋain, yaa dabiadili n kpendi ne te! O Diedo pabienli daali nagini, Li kpendi leni U Paaciamu Daano n jagi yaa bolinma.

Joeli 2:1

Piebi mani li naatuntunli Siyon juali po, Teni mani ban gbadi li moe n joagagidikaali po. Mi diema yaaba kuli n digibi, Kelima o Diedo daali kpendi, Li daali yeni nagini.

Joeli 2:11

O Diedo ye o toagoli liiga ki kpaani, O toacaga mo yabi hali boncianla. Yua n baa tieni wan yedi yaala, Pia u paalu. O Diedo daali tie dacianli, Ki go pia i jeje hali boncianla. Ŋme n baa tuo ki sedi landaali?

Amosi 8:2

O den buali nni: «Amosi, a nua be?» N den guani ki yedi o: «N nua baabuogu ke ku pia yaa bonluonkaala n beni.» O Diedo den guani ki yedi nni: «N niba, Isidayeli yaaba juodima pundi, N kan go tieni bi po sugili.»

Sofoni 1:10

O Diedo yedi: «Landaali, a bubula baa fii ki loli “I jami buliñoabu” kani. I kuudi baa fii ki loli u dogu ñianpanli po. Jerusalemi juana po, a diena baa Yaa baali leni ku fuciangu.

Sofoni 1:7

Cuo mani yi ñoana o Diedo U Tienu nintuali, Kelima o pabienli daali nagini. O bogini li padili ki gagidi ki ŋanbi wan yini yaaba.

Jesu Tondiba Tuona 2:20

U yienu baa lebidi ki biigi, O ŋmaalo moko baa lebidi ki moandi nani mi soama yeni, Hali ke o Diedo daali, yaa dacianli n pia ti kpiagidi yeni, daa cua.

Filipi 4:5

Yi dingima n yaa doagidi bi niba kuli po. O Diedo cuama nagini.

1 Tesaloniki 4:16

Mi maalima yaa tieni, ke malekinba yudaano kpaani, ke U Tienu kakaci piebi, lanyogunu o Diedo wani o ba baa ña hali tanpoli po, ki jiidi. Yaaba n den kpe leni li dandanli Kilisiti po, baa kpa fii bi tinkpiba siiga.

Hebilunba 12:26

Lanyogunu o nialu den teni ke ki tinga digibi, ama moala o niani ti yaa ñoanianu n tie ne: «Yenma goga, n baa teni ki tinga n digibi. Li kan yaa tie ki tinga bebe ka. N baa teni tanpoli moko n digibi.»

Jaki 5:9

N kpiiba, yin da yenbidi yiyaba po, ke U Tienu n da bu ki cuo yi lipo. Wani o bujialo tuodi ki se bu buliñoabu kani.

2 Pieri 2:3

Bi bangi-faadanba yeni ŋaliŋabuama po, baa teni ban yaa boandi yi leni bi bangifaama, ki baadi yi kani li baali. Bi buudi cuonu peli ki bili bi po hali yogunu, bi bolinma mo kan go waagi.