Sofoni 1:13 - U TIENU MAAMA TILI 2013

¹³ Ama bi yibalinba baa tugi bi piama, Ki bolini bi diedi mo. Bi maa ti diedi ki nan kan kua lienni, Ki ŋuu duven tiidi ki nan kan ño li daama.»

Gourmanchéma Bible

¹³ Ama bi yibalinba baa tugi bi piama, Ki bolini bi diedi mo. Bi maa ti diedi, Ama bi nan kan kua lienni, Bi ŋu duven tiidi, Ama bi nan kan ño li duven.»

Sofoni 1:13 ပူးပေါင်းရင်းမြစ်များ

Esayi 6:11

N den yedi: «O Diedo, hali u laa yogune?» O den guani ki yedi: «Hali fala n baa nandi i dogi leni Bi niba ki gbeni yaa yogunu. Yaa yogunu ke ti diedi baa luo bi niba, Ke ki tinga mo baa pua nufanu ki kuodi.»

Jeremi 15:13

N baa teni ban fagi a ŋalimano leni a piama kuli, Kelima ŋan tieni yaa tuonbiadi mi diema nni yeni po.

Jeremi 17:3

Yinba Juda diema yaaba, n baa teni ban fagi Yi piama leni yi ŋalimano kuli, Kelima yin tieni yaa tuonbiadi Mi diema nni kuli po. Bi baa fie ki taani leni yi juana po padibinbina kuli.

Jeremi 4:20

Bi puuni laabaalibiado, N tuu laabaalibiado, Mi diema mo kuli jugi cain. Bi li cua ki ludi ti yenme, Ki jugi ti gbandiena. Bi li cua yenme ki bolini ti diena.

Jeremi 4:7

O yangbanlo sani ki ñani o wuonkaanu, Yua bolindi i nibuoli fii ki cili li cenli. O ñani o deni, Ki baa kuani mi diema nni li paboanli. A dogi baa bodi u mu nni, Nilo kan sieni i niinni.

Jeremi 5:17

Bi baa je yi kpaandi leni yi jiema, Bi baa je yi bijaba leni yi bisiaba, Yi yangbenga leni yi yanbidi kuli, Yi duventiidi leni yi kankandi. Bu toabu baa bolini yi dopaali, Yin ye naani ki tama ke puu kan nandi yi yeni.

Jeremi 9:11

Naani li pia yua yaa yama n fo bonŋanla, Ki baa fidi ki doagidi laa bonla n tie yaala? Li yaa tie ke o Diedo n maadi leni o, Wan doagidi ki waani yaala yaa po, Ke mi diema bodi Leni yaala yaa po ke mi tua fanpienma, Nilo n ki go poandi naankani!

Jeremi 9:19

Bi puoba, cengi mani o Diedo maama, Yi tuba mo n gbadi o ñoabu n yedi yaala. Bangi mani yi bisiaba, Ban baa yaa mua ki figindi maama. Bangi mani yiyaba i wanli n wanli maama,

Jeremi Bubula 5:2

Bi canba gaa ti faali. Ti diedi mo tua bi nilanba yaade.

Esekieli 22:31

Lani n teni ke n wuli bi po n pabienli, ki bolini ba leni n pabienli mu. N baa teni bi tuona n guani ki baa bi yula po. Mini o Diedo, U Tienu n yedi yeni.»

Esekieli 7:19

Bi baa lu bi ŋanjilifa i sani nni, Ki noanli bi wula mo nani ti baadi yeni, Kelima bi ŋanjilifa leni bi wula kuli, Kan fidi ki faabi ba, O Diedo pabienli daali. Bi kan fidi ki baa yaala n baa guoni ba, Bi yaala n baa mangi bi pala, Kelima ŋanjilifa leni wula n kuani ba ti tuonbiadi nni.

Esekieli 7:21

N baa teni bi canba n cua ki fagi ma, Mi diema nibiadiba n joagini ma, Lan tua bi po fagidi ban tugi.

Esekieli 7:24

N baa teni yaa nibuoli n bia ki cie ba N cua ki fie bi diedi. N baa teni yaaba n pa yaa japaadi N baa u bianu. N baa teni bi jaandi kaani n joagini.

Amosi 5:11

Yi ŋmaadi o luodo, Ki fenli o kani ŋalikama. Li tie lani yaa po yo, ke yin maa yaa dieŋama Leni a tankpiekaana yeni, Yi kan kua a niinni. Yin ŋuu yaa duventiidi ke yi ŋani hali boncianla yeni, Yi kan ño li duven.

Mise 3:12

Lanwani yi tuada yeni po, Bi baa ko Siyon nani u kuanu yeni, Jerusalemi baa tua kulinjagbeli, Ku tiigu mo baa pini U Tienu diegu n ye yaa juali yuli po.

Mise 6:15

Yi baa coagi ti jaadi ki kan yendi. Yi baa yaa ŋoali ki ñandi olivie kpama, Ama yi nan kan sogi ma. Yi baa yaa tuodi mi daama, Ama yi kan ño ma.

Sofoni 1:9

Landaali, n baa faligi yaaba n yugi ki kandi li budieli buliñoakoali. N baa faligi yaaba n gbiendi bi budiena leni ban janbidi ki fenli yaala.»

Mi Tiadima 28:30

Yi siiga yua n pia toginaa, jatoa baa ñii o leni u paalu. Yi siiga nilo baa maa dieli, ki nan kan kua li niinni, ki ŋuu tikuanu, ki nan kan baa li fuoma.

Mi Tiadima 28:39

Yi baa ŋuu duven tiidi ki ko yi, ama yi kan ño li daama, ki buali yin cie li bonluonkaala, kelima a sidibila baa ŋmani likuli.

Mi Tiadima 28:51

U baa fie yi yandi leni yi kpaandi kuli, hali yin kpe ki gbeni. U kan ŋaa yi po ŋalikama, duven, kpama, ne leni yanbidi siiga liba kuli, hali wun baa bolini yi ki gbeni.