Sakari 9:15 - U TIENU MAAMA TILI 2013

¹⁵ Li Miali Diedo U Paalu Kuli Daano baa kubi o niba, Ki ŋaa o tatana n bolini bi yibalinba, Ki teni bi soama n puubi nani duven yeni, Yaa ka nani yaa soama n gbie bi kopadicianba N yen kubi yaa tadimu ki miini Li padibinbinli yina po yeni.

Gourmanchéma Bible

¹⁵ Li Miali Diedo, U Paaciamu Kuli Daano baa kubi o niba, O baa ŋa o tatana n bolini bi yibalinba, Ki teni bi soama n puubi nani duven yeni, Yaaka nani yaa soama n gbie bi kopadicianba N yen kubi yaa tadimu ki miini li *padibinbinli ñoakuni po yeni.

Sakari 9:15 ပူးပေါင်းရင်းမြစ်များ

Pisomi 78:65

O Diedo den fii yenma Nani yaa joa n bi goa yeni, Bi nani mi daama n fiini yaa jakoando gbanu yeni.

Mi Ñama 27:2

Ŋan tieni li padibinbinli yina. Li padibinbinli yina yeni leni li padibinbinli baa yaa taa yenme. Ŋan boali likuli leni ti kumoandi.

I Yani 1:4

Dadi nni min yaa ŋua ŋa tin sani. O bado kuani nni o dieli nni: Tin mangi ti pala, Ki yaa ye leni li pamankandikaali. Tin pagi a buama ki cie mi daama. Yaaba n bua ŋa pia moamoani.

I Yani 5:1

N naataanpuoga, n buado, N kua n salidingo nni, Ki ñani mili leni yaa muadi Yaa tibidi n mani. N ŋmani n siabiabigu leni ku siadi, Ki ñuni n daama leni n naaŋanma. «N danlinba, je mani ki go ño mani, Ki teni mi buama n gaadi yi, Nani mi daama yeni!»

I Yani 7:9

N yedi: «N baa do bu kpakpalibu N baa ñani li bonluonkaala.» A biina tie n po nani duventiidi Bonluonkaala yeni, A fuoma nu tulale, Ki tie nani yaa bonluonkaala n mani yeni.

Esayi 37:35

N kubi u naa dogu ki faabi u, Kelima mini yaa po leni Davidi N naacemo po.»

Esayi 55:1

U ñuñuunu n pia yinba yaaba yeni kuli, Cua mani mi ñima kani. Ba yua n ki pia ligi, Cua mani ki daa ki je. Cua mani ki daa mi daama leni mi naaŋanma Ke laa tie ligi, ki naa pia panpaani mo.

Levi 4:18

O Diedo nintuali, o baa duuni mi soama yaa padibinbinli n se u Kadikaanu Gbandieli nni yeni yina po. O baa taa yaa soama n sieni ki wuli ma a padijuukaana binbinli yaali n se u Kadikaanu Gbandieli buliñoabu kani yeni tiipo.

Levi 4:25

O kopadiciamo baa tuu o nubili ki padiyanga yeni soama, ki duuni ma a padijuukaana binbinli yina po. Li yaa puoli, o baa wuli yaa soama n sieni li padibinbinli yeni tiipo.

Levi 4:7

O Diedo nintuali, o baa duuni mi soama ban juugi tulale yaa padibinbinli yina, lini yaali n se u kaangagidiŋanmoanu nni. O baa taa yaa soama n sieni, ki wuli a padijuukaana binbinli yaali n se u Kadikaanu Gbandieli buliñoabu kani yeni tiipo.

Mise 5:8

Isidayeli yaaba, pua mani yi koanginkaaba, Ki bolini yi yibalinba kuli.

Sakari 10:5

Ki taani nani a jakoanda yeni, Ki ŋmaa yaaba n koani leni ba Nani i sani nni moamoadi yeni. Bi baa koani yeni, Kelima mini o Diedo ye leni ba. I fe baa cuo bi yibalinba yaaba n jagi i taami.

Sakari 10:7

Isidayeli buolu baa yaa tie nani a jakoanda yeni, Bi pala baa yaa mani Nani yaaba n ñuni mi daama yeni. Bi puoliŋuani baa le o Diedo N baa pa ba yaa pamancianli yeni.

Sakari 12:6

Lanyogunu, n baa teni Juda yudanba n tua nani ku moasiangu yeni li fuali nni, yaa ka nani u mukaanu ŋalikama baba nni yeni. I kaani kuli, bi baa bolini yaa nilanbuoli n kaa ki lindi ba. Jerusalemi yaaba baa yaa li ye bi kaanu, Jerusalemi yene.

Sakari 12:8

Lanyogunu n baa kubi Jerusalemi yaaba, ba bi siiga yua n tadi ki cie baa yaa pia u fidu nani Davidi yeni. Davidi puoliŋuani baa yaa tie nani U Tienu yeni, nani o Diedo maleki yua n ye bi liiga yeni.

Sakari 14:20

Landaali, bi baa diani yaa coolonmu n juani I taami tuli nni po: “Bi gagidi la o Diedo po.” O Diedo diegu boba baa gagidi ki yaa ŋani, Nani yaa tadimu n se li padibinbinli kani, Ke bi yen tiendi lienni mi soama ki miini yeni.

Sakari 14:3

Li yaa puoli, o Diedo baa fii I nilanbuoli yeni po, Ki pua ki paadi ba, Nani wan den kpa tieni maama Mi janjanma leni bu toabu daali yeni.

Sakari 2:9

O Diedo yedi: «Mini n ba baa yaa ye likani, ki doagidi n kpiagidi, ki teni n fantama n lindi ki cebini u dogu yeni, nani u bilinu yeni.»

Sakari 9:17

Bi diema baa yaa mani ki go ŋani mo. Likani ŋalikama leni O duvenpaano baa teni Bi jawaaba leni bi jafanba N yaa fandi leni u gbanmanu.

1 Korenti 1:18

Li dapoanpoanli yaa mawangima tie yanluoma yaaba n baa bodi po. Ama tinba yaaba n tindi po, li tie U Tienu paalu.

Efesa 5:18

Yin da ñu mi daama ki gaadi, kelima li baa teni yin biidi yiba, ama yin yaa gbie leni U Tienu Fuoma Yua.

1 Samueli 17:45

Davidi den yedi Filisiti yua: «A togidi nni leni ki jugisiega, li kpaanli leni u ŋalikuomu. Ama mini wani, n togidi a leni Li Miali Diedo, U Paaciamu Kuli Daano yaa yeli nni yo, wani U Tienu, yua n die Isidayeli yaaba toagoli ŋan sugi yaali.