Sakari 8:3 - U TIENU MAAMA TILI 2013

³ N baa lebidi ki guani Siyon, ki yaa ye Jerusalemi yaaba siiga. Bi niba baa yaa yi Jerusalemi dogu: “Yaa dogu yaaba n bua U Tienu, ki tuo ki ŋua o.” Bi baa yaa yi Li Miali Diedo U Paaciamu Kuli Daano juali mo: “Mi gagidiŋanma juali.”»

Gourmanchéma Bible

³ N baa lebidi ki guani Siyono, ki yaa ye Jelusalema yaaba siiga. Bi niba baa yaa yi Jelusalema dogu: “Yaa dogu yaaba n bua U Tienu, ki tuo ki ŋua o.” Bi baa yaa yi Li Miali Diedo, U Paaciamu Kuli Daano, juali mo: “Mi gagidiŋanma juali.”»

Sakari 8:3 ပူးပေါင်းရင်းမြစ်များ

Pisomi 2:6

«Mini n gagidi n bado ki kaani o Siyon, n joagagidikaali yuli po.»

Pisomi 48:1

Kore buolu yanbu.

Mi Ñama 29:45

N baa yaa ye Isidayeli yaaba siiga. N baa yaa tie bi Tienu.

Esayi 1:21

Li gaa lede ke ti dugidi dogu kpandi Ki tua nani li puoconconli yeni, Yaala n dagidi leni mi teginma n den ye naani? Ama moala wani bi nikpaanba n diedi u kaanu.

Esayi 1:26

N baa teni a bujiaba n tua Nani kpiama yaaba yeni, Ki teni a tundikaaba mo n go tua Nani ban den kpa tie maama. Li yaa puoli, bi baa fidi ki yini a: ‹Mi teginma leni ti dugidi dogu.› »

Esayi 11:9

Biadima leni bolinmiba kan tieni O Diedo joagagidiŋanli po, Kelima mi diema nni, Yuakuli baa bandi o Diedo Nani mi ñincianma n gbie Leni mi ñima maama yeni.

Esayi 12:6

Kpaani ki doagidi a pamanli, Fini yua n ye Siyon nni, Kelima Isidayeli Tienu wani Yua n Gagidi ki ŋani yeni yabi boncianla. O ye o niba siiga mo.

Esayi 32:16

Yaa bujiali n tiegi baa yaa ye mi fanpienma nni, U tikuanu nni mo mi teginma baa yaa ye.

Esayi 60:14

Yaaba n faligidi a bijaba Baa gbaani a taana kani ki pugi a. Bi baa yaa yi a dogu “Li Miali Diedo dogu”, “Isidayeli Tienu yua n Gagidi ki ŋani Yaa Siyon”.

Esayi 65:25

O fuasangbanlo leni ki pebiga baa taani Ki yaa kpaa kaanyendu, O yangbanlo leni o nua mo n baa taani Ki yaa ŋmani ti muadi. O wa mo yaa jiema n baa yaa tie mi tama. Fala leni bolinmiba kan go yaa ye N joagagidikaali yuli po.» O Diedo n yedi yeni.

Esayi 66:20

Bi baa ñani yi kpiiba i nilanbuoli kuli siiga, Ki tugi ba i taami leni ti toateliti po, yaa toateliti n liibi, I buomi leni ti yuoyuodi po ki cuani ba, N joagagidikaali Jerusalemi kani. Bi baa tua pienma padili o Diedo po, Nani Isidayeli yaaba n kpendinni bi pienma pada Leni yaa tiagu n ŋani bonŋanla nni O Diedo diegu po maama yeni. O Diedo n yedi yeni.

Esayi 8:18

N ye nekanba mini leni U Tienu n puni nni yaa bila. Ti tie sinankeene leni mi maalima bonla, Li Miali Diedo U Paaciamu Kuli Daano po, Isidayeli diema nni, wani yua n ye Siyon juali yuli po.

Jeremi 14:9

Be n teni ke a tie nani yaa joa yaa pali n biidi yeni, Nani yaa jakoando n kan fidi ki faabi oba kuli yeni? Ba leni lani kuli, o Diedo, a ye ti siiga, Ti taagi a yeli. Ŋan da lu ki diani ti.»

Jeremi 26:18

«Mise Moleseti yua n den pua saawali Esekiasi Juda bado yogunu, ki tua Juda yaaba kuli: ‹Li Miali Diedo U Paaciamu Kuli Daano yedi ke Siyon dogu baa tua kuanu. Jerusalemi baa kpandi kulinjagbeligu, Li jaandieli juali mo baa tua yaa juali n baa kpandi fuali.›

Jeremi 31:23

Li Miali Diedo U Paaciamu Kuli Daano, Isidayeli Tienu maadi yaa maama n tie ne: «Diidi mani ban go baa yedi yaala Juda diema leni mi dogi, min baa teni bi yonbi n guani ki kpeni yaa yogunu: ‹Fini mi teginma diegu, mi gagidiŋanma juali, o Diedo n seligi a!›

Jeremi 33:16

Lanyogunu Juda baa baa mi faabima, Jerusalemi mo n yaa pia mi yanduanma. Ban baa yaa yi Jerusalemi maama nne: “O Diedo tie ti teginma.”

Esekieli 48:35

Yaa bilini n baa gaani ki lindi u dogu kuli baa taani ki yaa tie piiga n nukpanduna tudanii (18 000). Lanwani, ki cili hali landaali, u dogu yeli baa yaa tie: ‹O Diedo ye nekanba.› »

Danieli 9:16

Ti Diedo, nani a ninñingbadima n yabi maama po, ŋan jiini a pali a dogu Jerusalemi a joagagidikaali po. Ti tuonbiadi leni ti baanba tudima teni ke yaaba n lindi ti kuli fali ti, ki yuandi Jerusalemi leni a niba.

Mise 4:1

U yogunu yaa pundi, O Diedo bili ke o diegu n ye yaa juali po, Baa kpedi ki cie a joabila kuli, Ba a joaciama moko. I nibuoli baa yaa tigibi ki caa likani.

Sofoni 3:13

Isidayeli yaaba, yaaba n baa sieni Kan go tieni kuli yaala n ki tiegi, Bi kan go pua faama, Janbi maama mo kan go yaa ye bi ñoana nni. Lani, bi baa fidi ki yaa di ki go goa bonŋanla, Ke oba kuli kan yagi bi yama mo.»

Sakari 1:16

Li tie lani yaa po yo, ke Li Miali Diedo U Paalu Kuli Daano yedi yaa maama n tie ne: ‹N go baa lebidi ki cua Jerusalemi leni mi ninñingbadima. N diegu go baa guani ki maa, u dogu moko go baa guani ki maa.› »

Sakari 12:6

Lanyogunu, n baa teni Juda yudanba n tua nani ku moasiangu yeni li fuali nni, yaa ka nani u mukaanu ŋalikama baba nni yeni. I kaani kuli, bi baa bolini yaa nilanbuoli n kaa ki lindi ba. Jerusalemi yaaba baa yaa li ye bi kaanu, Jerusalemi yene.

Sakari 14:10

Mi diema kuli baa tua Nani Araba tialu yeni. Ki cili nujienu po dogu Geba, Ki ban pundi hali ganu po dogu Rimon. Jerusalemi dogu baa yaa ye u kaanu, Ki ye naani n kpedi. U baa tandi, ki cili bani Benjamen buolu Yaaba buliñoabu kani, Ki ban tuoni hali bu buliñoakpelibu, Ki bonlogidiga buliñoabu kani. U go baa tandi, ki cili hali Hananeeli diefoagili kani, Ki ban tuoni hali o bado duven Datuodikaanu kani.

Sakari 8:16

Yin baa yaa tiendi yaala tie line: Yuakuli n yaa maadi o lielo i moamoani. Yi bujiakaani kani, yin yaa ja yaa buudi n tiegi Ki kpendinni mi yanduanma.

Sakari 8:19

«Yi luo bu ñoabu Cinaa, cimuu, cilele leni cipiiga. Moala, laa ŋmaali baa tua yinba Juda yaaba po jaancianma, yaama n pia yi po li pamancianli. Ama yin yaa bua i moamoani leni mi yanduanma.»

Jan n diani U Tienu Laabaaliŋamo maama 1:14

Mi Maama yeni den tua nisaalo, ki ye ti siiga. Ti den laa wani ki Bonjayenyenga yeni, yua n gbie leni li ŋanbili leni i moamoani kpiagidi. O den baa laa kpiagidi Baa kani.

Jan n diani U Tienu Laabaaliŋamo maama 14:23

Jesu den guani ki yedi o: «O nilo yaa bua nni moamoani, o baa kubi n maama. Lani, n Baa baa bua o. Ti baa cua o kani ki yaa ye o deni.

2 Korenti 6:16

U Tienu diegu pia be yaa ŋantaadi leni i buli? Tinba mo n tie U Tienu yua n fo dieli, nani U Tienu wani o ba n yedi maama: «N baa yaa ye leni ba ki cuoni bi siiga ki tie bi Tienu, Bimo baa yaa tie n niba.

Kolosi 2:9

U Tienu n tie maama kuli ye Kilisiti gbanandi nni, ki dagidi cain.

Mi Doagidima 21:10

U Tienu Fuoma den cuo nni, ke maleki den gedini nni yaa joacianli n kpedi yuli po. O den waani nni u dogagidiŋamu Jerusalemi, ke u ñani U Tienu kani tanpoli po, ki ji.

Mi Doagidima 21:27

Joagindiba kuli kan baa ki kua u niinni. Yua n tiendi ti cagindi leni yua n pua mi faama kan kua u niinni, kali yaaba yaa yela n diani li miali tili nni, lini yaali n tie ki Pebiga tili. Bani bebe n baa baa ki kua u niinni.

Mi Doagidima 21:3

N den gbadi u nialiciamu ke u maadi li bali kalikaanu kani, ki yedi: «Diidi ki le, moala U Tienu yekaanu ye bi nisaaliba siiga. O baa yaa ye leni ba, bi baa yaa tie o buolu, wani U Tienu oba mo baa yaa ye leni ba, ki tie bi Tienu.