Sakari 8:23 - U TIENU MAAMA TILI 2013

²³ Lanyogunu, nilanba piiga, Yaaba n ki taa mabuolu Baa taani ki muubi Jufiyendo liadili Ki yedi o: ‹Ti bua ki yegi leni a ki gedi, Kelima ti gbadi ke U Tienu ye leni yi.› » Mini Li Miali Diedo n yedi yeni.

Gourmanchéma Bible

²³ Laa yogunu, nilanba piiga, yaaba n ki taa mabuolu Baa taani ki muubi Jufiyendo liadili ki yedi o: ‹Ti bua ki yegi leni a ki gedi, Kelima ti gbadi ke U Tienu ye leni yi.› »

Sakari 8:23 ပူးပေါင်းရင်းမြစ်များ

Mi cilima 31:41

N den tieni bina piilie yeni a diegu nni. N den soani a po piiga n binanaa a bisaliediba po, ki go soani binaluoba a yangoli po, ke a den lebidi n panpaani taalima piiga.

Mi cilima 31:7

Yi baa den janbi nni ki lebidi n panpaani taalima piiga, ama U Tienu naa den tuo ke o tieni nni yaala n bia.

2 Bi Badiba 2:6

Elia go den yedi Elise: «Ŋan sedi ne daa, kelima o Diedo soani nni Jurden po.» O den guani ki yedi o: «Hali o Diedo po leni fini yaa po, n kan sedi.» Lanwani, bi den suagi liiga leni bi sancenli.

1 Bi Badiba Jama 12:18

Davidi den ñani ki tuogi ba, ki yedi: «Yi yaa kpendi leni mi yanduanme n kani ki baa todi nni, n yantiali baa taani leni yi. Ama li yaa tie ke yi bua ki janbi nni yo, ki todi n koanginkaaba, ti baanba Tienu n yaa nua la, ki jia ti buudi ti siiga, kelima tugutongu naa ye n niinni!»

2 Bi Badiba Jama 15:9

O den taani Juda yaaba, Benjamen yaaba leni yaaba n den ye mi diema kuli nni, ki tie Manase buolu, Simeon buolu leni Efrayimi buolu, kelima Isidayeli yaaba niba boncianla den ŋoadi o, ban den laa ke o Diedo o Tienu ye leni o.

Esiteri 8:17

O bado bali maama leni o ñoamabonli yeni n den pundi yaa diebiga leni yaa dociamu kuli nni, Jufinba den ye leni li pamancianli, ki tieni mi jaanma leni mi jaanjiema. Yaa nibuoli n den ye mi diema nni kuli siiga, bi niba boncianla den lebidi ki tua Jufinba, kelima bi den jie Jufinba boncianla.

Jobi 19:3

Diidi mani taalima piiga nne ke yi sugidi nni. I fe ki pia yi leni yin paagidi N yama maama po?

O Yanfuodaano 11:2

Taa biinyendu ki boagidi nibilele, bi ba nibinii, kelima ŋaa bani yaa yebiadima n baa ti faa ki tieni u tingbanu po.

Esayi 3:6

Jayendo baa cuo o kpiilo Ku baadiegu nni ki yedi o: «Fini wan pia li bonlakaala, Tua ti yudaano, Ki yaa gobidi tinba taliginba.»

Esayi 4:1

Landaali, puobilele baa sani ki joali jayendo ki yedi o: «Tinba n baa lingi ti jiema, Tinba n baa yieni ti yula. Taa ti tin tua a puoba, Ñani ti po ti fe.»

Esayi 45:14

O Diedo yedi yaa maama n tie ne: «Ejipiti yaaba tuonli ñuadi Leni Etiopi yaaba kpendu baali, Leni Sabe yaaba, yaaba N kpedi boncianla yeni piama, Laa bonla kuli baa cua fini Sirusi kani, Ki tua a yaala. Laa nibuoli kuli baa ŋoadi a puoli po Ki luo luo, Ki gbaani a nintuali ki pugi a, Ki mia ŋa ki yedi: ‹U Tienu ye fini bebe yaa kane, Tientoa kuli ki ye, Yaala n sieni kuli tie fanma!

Esayi 45:24

Lanbu mo kuli baa yedi: «Mi teginma leni u fidu ye mini O Diedo bebe yaa kane.» Yaaba n den bieni bi pala o po kuli, Bi baa cua o kani ki yaa ye leni i fe.

Esayi 55:5

A baa yini ŋan daa bani yaa nibuolu, Yaa nibuolu mo n ki bani a. Ban sani ki cua a kani, Kelima o Diedo a Tienu po Leni Isidayeli Tienu yua n Gagidi ki ŋani, N puuni a yaa jigidi yaa po.

Esayi 60:14

Yaaba n faligidi a bijaba Baa gbaani a taana kani ki pugi a. Bi baa yaa yi a dogu “Li Miali Diedo dogu”, “Isidayeli Tienu yua n Gagidi ki ŋani Yaa Siyon”.

Esayi 60:3

I nilanbuoli baa cuoni a yenma nni, Bi badiba mo baa cuoni A yenma fuuli nni.

Esayi 66:18

Mini, n bani bi tuona leni bi yantiana. U yogunu pundi ke min taani i nibuoli Leni i mabuoli kuli, ban cua ki le n kpiagidi.

Mise 5:5

Bi baa diedi Asiiri diema leni ki jugisiega, Ki diedi Nemirodi diema mo leni u ŋalikuomu. Bi yaa kua ti diema nni ki ŋmaa ti tinga nni, Ban baa maa yua yeni baa faabi ti bani Asiiri yaaba nuu nni.

Sofoni 3:19

Diidi, lanyogunu n baa faligi yaaba n den mabindi yi. N baa faabi n niba, Yaaba n ki den baadi todima nani yaa pe n duugi yeni. N baa guani ki kpeninni ban Den gedini n niba yaaba ti yonbidi, N baa teni ban guani ki baa Ti kpiagidi, bi yela mo n ña, Ban den laa i fe naankani kuli.

Mi Coadima 14:22

Yaa niba n laa n kpiagidi kuli leni min tieni yaa bancianma Ejipiti leni mi fanpienma nni, ki go biigi nni taalima piiga, ki naa cengi n maama yeni,

Luki 8:44

O den cua ki nagini Jesu puoli po ki sii o liadicuadi. Lanyogunu liga o soañakaama den sedi.

Jesu Tondiba Tuona 19:12

Ba bi yaa den taa yaa tiayiekaadi, bi yaa cabimu n sii Poli, ki maani a yiama po, kali bi yiani n kagidi bi po. Mu cicibiadimu mo den ña ban ye yaaba yaa niinni.

1 Korenti 14:25

Yaala n wuo o pali nni kuli baa wuodi. Lanwani, o baa labini U Tienu nintuali, ki kpiagi o, ki yedi ke U Tienu ye yi siiga moamoani.

Josue 8:35

Josue den cogi bi po Musa n den bili yaa ñoamabonbilikaana kuli. Waa den ŋaa ba mayenma kaa cogi ma Isidayeli yaaba nitaanli, bi jaba, bi puoba, a bila leni yaa nilanba n den ye bi siiga kuli po.