Sakari 7:9 - U TIENU MAAMA TILI 2013

⁹ «Mini Li Miali Diedo U Paalu Kuli Daano den yedi: ‹Yaa ja mani ti buudi leni mi teginma, ki go yaa pia yiyaba po mi ŋanma leni mi ninñingbadima.

Gourmanchéma Bible

⁹ «Mini Li Miali Diedo, U Paaciamu Kuli Daano den yedi: ‹Yaa ja mani ti buudi leni mi *teginma, ki go yaa pia mani yiyaba po mi ŋanma leni mi niñingbadima.

Sakari 7:9 ပူးပေါင်းရင်းမြစ်များ

2 Samueli 9:7

Davidi den yedi o: «Ŋan da jie liba, n bua ki ŋanbi a po kelima a baa Jonatan yaa po. N baa go guani a a yaaja Sayuli kuani kuli. A baa yaa di n saajekaanu kani yogunu kuli.»

Jobi 31:20

Ke mii den puni o n pekobidi caba, Ki tongi o gbanu ke o tuondi nni?

Jobi 6:14

Li pundi yua n ye leni fala, N fidi ki baa o danli kani mi ŋanma, Ba o yàá go fangi U Paaciamu Kuli Daano?

Mi Kpanjama 21:3

Ki tieni yaala n tiegi ki go dagidi, Mani o Diedo po ki cie a pada.

Jeremi 21:12

Davidi diegu yaaba, Cengi mani o Diedo maama! O Diedo yedi nanda: «Yaa tiendi mani mi teginma yaa yogunu kuli. Faabi mani ban janbidi yua, Yaa nilo n duoliti o nuu nni. Lani n tie n pali n da ti fii Ki cuo nani u mu yeni, Ki cuo maama ke bi kan fidi ki gbindi u, Kelima yi tuona n bia maama po.»

Jeremi 22:3

O Diedo yedi nanda: Yin yaa tiendi mi teginma leni yaa bujiali n tiegi. Faabi mani ban faligidi yaa nilo yua n duoliti o nuu nni. Yin da faligi ki duoli o caano, ki kpienbiga leni li kpepuoli. Yin da wuli yua n ki pia tagili soama nekanba.

Jeremi 7:23

Ama n den yedi ba yaa maama n tie ne: ‹Cengi mani n maama, n baa yaa tie yi Tienu, yimo n yaa tie n niba. Yaa cuoni mani, min yedi yin tagini yaa sani nni kuli, lani n tie yi yema n yaa mani yi po.›

Jeremi 7:5

Li yaa tie ke yi lebidi yi tagi leni yi tuada i moamoani, ki tieni bi niba kuli po, nani lan pundi maama,

Esekieli 18:8

O tie yaa nilo n ki dindi panli ki daani ñuadi, ki kubi o yuli, ki naa tiendi yaala n ki tiegi, ki ja nibilie siiga buudi leni mi teginma.

Esekieli 45:9

Li Miali Diedo U Tienu yedi mi naa maama: «Yinba Isidayeli badiba, yi pendi u bianu. Cedi mani ku tugutongu leni i janbi. Ŋoadi mani yaa bujiali n tiegi leni mi teginma. Yin cedi ki da go fenli mani n niba. Mini o Diedo U Tienu n yedi yeni.

Ose Tili 12:7

«Lebidi ki guani mani mini yi Tienu kani, Ki yaa kubi mi buama leni mi teginma. Ki yaa dugi mini yi Tienu po yogunu kuli.»

Levi 19:15

Ŋan da jia yaa buudi n ki tiegi, ŋan da fali nilo, ŋan da jagi ke a baa todi o luodo, bi ŋan go da jagi ke a baa todi o piado mo li bujiali nni. Ama a baa jia a yieninlielo buudi nani lan tiegi maama.

Amosi 5:24

Teni mani yaa bujiali n tiegi N yaa puubi yi siiga nani mi ñima yeni. Teni mani mi teginma n yaa ye yi siiga, Nani yaa kpenu n kan ñuudi yeni.

Mise 6:8

U Tienu den bangi fini o nisaalo yaala n ŋani Leni o Diedo n guu a kani yaala. Lani n tie ke ŋan yaa ŋua yaa bujiali n tiegi, Ki bua mi teginma, Ki go yaa cuoni wani a Tienu nintuali leni li yumiinli.

Sakari 7:7

Naani mii den kpa soani n saawalipuaba hali yogu, ke bi waani laa maama ka? Laa yogunu, Jerusalemi dogu leni u dobila da den kaa leni mi yanduanma, ke nuganu po diema leni Sefela mo da pia bi niba.

Sakari 7:8

O Diedo den maadi leni nni ki yedi yaa maama n tie ne:

Matie 23:23

Fala baa yaa ye leni yinba li bali maama banda leni Farisieninba palalie danba, kelima yi coadi yaa kpinfaadi n yi menti, aneti leni kumini, ki ñandi li diim, ama yi fali li bali maama nni yaala n pia mayuli ki cie. Lani n tie ki yaa tiendi yaala n tiegi, ki yaa gba mi ninñima, ki yaa go tie nidugikaaba mo. Lani n tie yin bi pundi ki yaa tiendi yaala, ki nan da cedi yaala n sieni mo.

Luki 11:42

Fala baa yaa ye leni yinba Farisieninba, kelima yi coadi yaa kpinfaadi n yi menti leni ru leni kpinfatoadi kuli, ki ñandi diim. Ama yi ŋaa mi teginma leni U Tienu yaa buama. Li pundi yin yaa bi tiendi lani, ki nan da cedi yin maani ki tiendi yaala yeni mo.

Jan n diani U Tienu Laabaaliŋamo maama 7:24

Yin da ja ti buudi nani yin nua maama, ama yin yaa ja ti buudi ke li tiegi.»

Jan n diani U Tienu Laabaaliŋamo maama 7:51

«Naani ti bali maama tuo ban jia o nilo buudi ki cuo o, kaa kpa cengi ki gbadi wan yedi yaala o yuli po, ki bandi wan tiendi yaala?»

Mi Tiadima 22:1

Musa den yedi: «A yaa laa ke a lielo nua, bi o pia yaadi, ŋan da ŋaa o wan yaa caa, ama ŋan guani o a kpiilo kani.