Sakari 7:11 - U TIENU MAAMA TILI 2013

¹¹ Ama bi niba den yie kaa cengi. Bi buli bi nunmu, ki biini bi tuba kaa bua ki gbadi.

Gourmanchéma Bible

¹¹ Ama bi niba den yie kaa cengi. Bi buli bi nunmu, ki biini bi tuba kaa bua ki gbadi.

Sakari 7:11 ပူးပေါင်းရင်းမြစ်များ

2 Bi Badiba Jama 33:10

O Diedo den maadi Manase leni o niba, ama baa den cengi.

Nehemi 9:17

Bi den yie baa tuo ma, Ki sundi ŋan den tieni bi po yaa ŋanma. Bi den juagi bi tuli. Bi yiema nni, bi den gandi o yudaano, Ki baa guani ban den ye ti yonbidi nni naanpo. Ama fini, a tie yaa Tienu n puuni sugili, Ki juogidi ki gba mi ninñima, Ke a pali ki be tontoni, ki pia li ŋanbili mo. Lani yaa po, ŋaa den ŋaa ba,

Nehemi 9:26

Ama ba yeni, bi den fii ki fiini mi yiema a po. Bi den luni a bali maama, Bi den kpa a saawalipuaba yaaba n den tigini ba Ke ban guani a kani. Bi den tudi a po tudicianma.

Nehemi 9:29

A den tigini ba ban guani ki kubi a bali maama, Ama bi den suagi liiga leni ti japaadi. Baa cengi a mabilikaama, Ki miidi a ñoamabona ya n teni ke yua n tuo ki kubi a, baa yaa ye. Bi den fiini mi yiema ki juagi bi tuli, kaa tuo a maama.

Mi Ñama 10:3

Musa leni Alono den gedi Faraon kani ki yedi o: «Li Miali Diedo, Hebilu yaaba Tienu yedi: A baa yaa yiedi ke a kan miini a yuli n nintuali ki pundi u laa yogune? Cedi n niba n gedi ki kpiagi nni.

Esayi 28:12

O den yedi ba: «No mani mi fuodima nne, Cedi mani yua coagi n fuodi. Mi fuodima nne.» Ama bi naa tuo ki cengi.

Esayi 46:12

Cengi mani nni, Yinba yaa niba yaa pala n juagi Ki go foagi leni mi teginma yeni.

Esayi 6:10

Teni bi naa niba pala n juagi, Biini bi tuba Ki pigini bi nuni. Lani n tie ban da le leni bi nuni, Ki da gbadi leni bi tuba, Bi pala n da gaa liba. Lani n tie ban da lebidi bi pala, Min paagi ba.

Esayi 65:12

N baa gedini yi ki jugisiega po. Yikuli baa gbaani yi duna po, Ban kodi yi, kelima n yini yi ke yi naa tuo. N maadi ke yi naa cengi. Ama yi tieni yaala n bia n po, Ki gandi yaala n ki mani n po.»

Jeremi 11:10

Bi lebidi ki guani bi yaajanba tuonbiadi nni, bani yaaba n den yie ke bi kan cengi n maama, ki ban ŋoadi bi nilanba tieni, ki baa yaa kpiagidi yini. Isidayeli leni Juda diema yaaba fidi, min den kuani yaa ŋantaado leni bi baanba.»

Jeremi 13:10

Laa nibiadiba n yie ke bi kan cengi n maama. Bi ŋua bi pajuaga, ki ŋua tientoe, ki gbaandi ki pugi yi. Ban tua nani ku naa gbanñagidigu yaagu n ki go pia fuomiba kuli yeni!›

Jeremi 17:23

Ama yi baanba yeni naa den cengi, baa diadi bi tuba, bi juagi bi pala, kelima baa bua ki gbadi ki go gaa mi bangima.»

Jeremi 17:27

Ama yi yàá cengi nni, ki naa gagidi ki ŋanbi mi fuodima daali, ki tugi a tugikpiaga ki tagini ki kua Jerusalemi buliñoana kani mi fuodima daali, lanwani n baa juu u dogu buliñoana u mu. U baa buoni Jerusalemi badidiedi, ki nan kan gbindi mo.»

Jeremi 19:15

Li Miali Diedo U Paaciamu Kuli Daano, Isidayeli Tienu yedi mine: «N baa teni min den maadi yaa yebiadima maama yeni, n baa u naa dogu leni wun die yaa dogi kuli, kelima bi juagi bi pala kaa bua ki cengi n maama.»

Jeremi 35:15

N den soani yi kani n naacenba bi saawalipuaba, ki lindi ki tuuni ba u yogunu kuli, ke ban yedi yi: «Yuakuli n pegidi ki ŋaa o sanbiadu, lebidi mani yi bontienkaala, da pia mani ŋantaadi leni tientoe, ki kpiagidi yi. Yaa ye mani, min puni yinba leni yi baanba yaa diema nni.» Ama yi naa cengi. Yi naa diadi yi tuba ki gaa n tundi.

Jeremi 36:31

N baa fii ki sedi fini leni a puoliŋuani leni a naacenba po, kelima bi tagili po. N baa teni min den waani ke yaa fala n baa cua, ke baa cengi yeni, n baa Jerusalemi leni Juda yaaba.»

Jeremi 42:21

N doagidi yi po laa bonla, ama yi naa cengi o Diedo yi Tienu maama, ki buali wan puogi nni min yedi yi yaala kuli.

Jeremi 44:16

«Ba a yaa maadi ti Diedo yeli nni, ti kan cengi a.

Jeremi 5:21

Cengi mani line, Yinba yaa niba n ki pia yama, Kaa pia kpaagili mo. Yinba yaaba n pia i nuni ki naa nua, Ki pia a tuba ki naa gba liba.

Jeremi 5:3

O Diedo, ŋan bua yaala ki tie I moamoani ka? A pua ba, laa koani ba mo. A nugi ba bonŋanla, Bi yie kaa gaa a bangima, Bi juagi bi pala ki cie ku tangu. Bi yie ke bi kan lebidi bi pala.

Jeremi 7:24

Ba leni lani kuli, baa cengi. Baa diadi bi tuba ki cengi. Bi ŋoadi bi pajuaga ya joagini yaa tundi, ki guani puoli, kaa suagi liiga.

Jeremi 7:26

Ama baa cengi n maama. Baa diadi bi tuba ki cengi. Bi juagi bi pala. Bi tieni yaala n bia ki cie bi baanba.

Jeremi 8:5

Be n teni ke Jerusalemi niba jadi ki ŋaa u sanu? Bi suagi liiga leni i janbi, Ki yie ke bi kan guani n kani.

Esekieli 14:5

Yeni, n maguankaama baa yagi Isidayeli yaaba yama, bani yaaba n ŋaa nni kelima bi buli po yeni.»

Esekieli 3:7

Ama bani Isidayeli yaaba, bi kan cengi a, kelima baa bua ki cengi nni. Bikuli tuli pa, ke bi pala mo juagi.

Esekieli 5:6

U niba yie ki naa tuo min den teni ba yaa bali maama leni yaa ñoamabona kuli, ki biagi ki cie yaa nibuoli leni yaa diema n gaani ki lindi ba, kelima bi ŋaa min den bili bi po yaala. Bi naa go ŋua nni nani n ñoamabona n bili maama.

Danieli 9:5

Ti tieni ti tuonbiadi, ti tudi a po, ti tieni yaala n bia ki yie a bali, ti lebidi ki ŋaa a bali maama leni a ñoamabonbilikaana.

Ose Tili 4:16

Isidayeli yie nani yaa naañua n yie mi dadima yeni. Li baa gaa lede min yaa kpaa ba nani a pebila yeni, Yaa yankpaafuana n tandi kaa pia bianu yaa niinni?

Sofoni 3:2

Baa cengi o Diedo maama, Baa tuo o tundi. Baa bili bi dugidi o kani, Baa lingi U Tienu todima.

Sakari 1:4

Yin da tua mani nani yi yaajanba yeni. Hali yogu, n saawalipuaba den wangi ba ke n yedi ban lebidi ki ŋaa bi sanbiadi leni bi bontienka-biadila. Ama bi den yie kaa cengi nni, baa den tuo ki ŋoadi min yedi ba yaala.

Matie 13:15

Kelima bi naa niba pala tua pajuaga. Bi biini bi tuba ki ŋubini bi nuni, Ke ban da le leni bi nuni, Ki da gbadi leni bi tuba, Ki da gaa leni bi pala, Ke ban da ti lebidi bi pala min paagi ba.›

Jesu Tondiba Tuona 7:51

Yinba u tupaalu danba, yi tie nani a jifola yeni yi pala nni leni yi tuba po. Yi yiedi U Tienu Fuoma Yua po yogunu kuli nani yi yaajanba n den tiendi maama.

Jesu Tondiba Tuona 7:57

Lane bi den biini bi tuba ki tiani, ki taani ki bibi o yenma,

Hebilunba 12:25

Fangi mani yi yula, ki da yie ke yi kan cengi yua n maadi leni yi moala. Yaaba n den yie kaa cengi yua n soagindi ba U Tienu maama ŋanduna nni, naa den fidi ki sani ki cia. Lanwani, ti yaa yie kaa cengi yua n ye tanpoli po, laa pia tama ke ti kan fidi ki sani ki cia.