Sakari 6:6 - U TIENU MAAMA TILI 2013

⁶ Yaa tanboani n den dia toateliyengu den teli nujienu po yaa diema. I tanpieni moko den ŋoadi i tanboani yeni fuuli. I tantuuni tuuni mo den teli ganu po.

Gourmanchéma Bible

⁶ Yaa tanboani n den dia toateliyengu den teli nijienu po yaa diema. I tanpieni moko den ŋoadi i tanboani yeni fuuli. I tantuunituuni mo den teli ganu po.

Sakari 6:6 ပူးပေါင်းရင်းမြစ်များ

Esayi 30:6

Yaa yebiadima n jagi nuganu yandi po nno. Bi tungi bi ŋalimano i ŋunbi leni ti yuoyuodi po, Ki poandi li paboanli leni i yanbani diema nni, I yangbanbiadi n duni naani, Li waalabili leni yaa bonfuodibiado n yugi n ye naani, Ki caani likuli yaa nibuoli n ki pia bi po todimiba po.

Esayi 43:6

N baa yedi nujienu po diema: ‹Guani ba!› Ki yedi nuganu po diema mo: ‹Da baa ki kubi ba!› Teni n bijaba n ña yaa diema N ye foagima ki kpeni, Ki ñani n bisiaba mo hali U tinbianu ki guani ba.

Jeremi 25:9

n baa soani ban yini nujienu po yaa niba kuli leni Nebukanesa Babilonni bado n naacemo. N baa teni ban cua ki fii ki sedi mi naa diema leni mi niba po leni yaa nibuoli n gaani ki lindi ba kuli po. N baa kpa bikuli cain, lan tua gbanankpiendi leni ñuali bonla. Likani mo baa tua diegbengu yaa yogunu kuli po.

Jeremi 4:6

Sieni mani li jakoandicabili Siyon po. Sani mani ki ban wuoni, Kelima n teni ke mi yebiadima ñani nujienu po, Ki kpendi leni li yuboancianli!

Jeremi 46:10

Ama landaali tie Li Miali Diedo U Tienu U Paaciamu Kuli Daano po yo. Li tie pantuuli daali. O baa guani o yibalinba bi panpaani. Ki jugisiega di, ki baa je ki guo, Ki ño mi soama bonŋanla, Kelima li tie li padili, Li Miali Diedo U Tienu U Paaciamu Kuli Daano po, Nujienu diema nni, Ki goa u kpenciamu Efrati po.

Jeremi 51:48

Lanwani, i pamandanyani baa fii ki loli tanpoli leni ki tinga nni, kelima Babilonni tingbali po. Yaaba n kpendi ki baa baa ba, baa ña nujienu po. Mini o Diedo n yedi yeni.

Jeremi 6:1

Benjamen buolu, sani mani ki ña Jerusalemi. Piebi mani li naatuntunli Tekoa dogu nni, Fiini ki sieni mani li jakoandicabili Beti-Keremi dogu nni, Kelima fala leni mi yebiadima Ñani nujienu po ki kpendi.

Esekieli 1:4

N den diidi ki laa ke ku tafaaciangu ñani nujienu po, ki yegi leni tawaciangu, ke u mu yenma lindi ku, ke mi tañigima mo ña ku niinni. Ku siiga nni den co ki ñuliti nani yaa kudi n ñuliti yeni.

Danieli 11:40

Mi juodima yogunu yaa pundi, nuganu po diema bado go baa tuogi leni nujienu po diema yaa bado bu toabu, ama wani nujienu po diema bado baa baa o po nani ku tafaaciangu yeni leni ti toateliti leni bi tandanba leni yaa toañinbiadi n yabi boncianla. Wani nujienu po diema bado yaa kpendi, o baa poandi mi diema boncianla nni ki kandi i biani nani a ñingola yeni.

Danieli 11:9

Li yaa puoli, nujienu po diema bado baa kua wani nuganu po bado diema nni, ama o baa guani ki lebidi ki kuni.

Mi Doagidima 6:5

Ki Pebiga n den tabidi mi maalima bontabinka-taadila yaa yogunu, n den gbadi ke o bonfuoditaalo yedi: «Cua na!» N go den diidi ki laa o tanboano. Yua n jagi o den kubi u kpiagu bonbiigikaala.