Sakari 5:3 - U TIENU MAAMA TILI 2013

³ Lani, o den yedi nni: «Yaa solindi n baa baa mi diema n diani lipo. U kaliyendu po, li diani ki yedi ke bi baa deli ki ñani a suuda kuli mi diema nni. U kalilielu po mo, li diani ki yedi ke yaaba n pua mi faama ki polini moko bi baa soani ba yene.

Gourmanchéma Bible

³ Lani, o den yedi nni: «Yaa solindi n baa baa mi diema n diani lipo. U kaliyendu po, li diani ki yedi ke bi baa deli ki ñani a sugida kuli mi diema nni. U kalilielu po mo, li diani ki yedi ke yaaba n pua mi faama ki polini moko bi baa soani ba yene.

Sakari 5:3 ပူးပေါင်းရင်းမြစ်များ

Mi Ñama 20:15

Yin da su.

Mi Kpanjama 29:24

Yua n taa ñoabu leni o suudo nani o yule, O gba yaa solindi n jagi o po, Ki naa baa bua ki daadi o suudo yeni.

Mi Kpanjama 3:33

O Diedo solindi ye bi nibiadiba diedi po, Ama o seligidi bi niteginkaaba yaa diedi.

Mi Kpanjama 30:9

Lani n tie min da ti je ki guo ki nia a Ki yedi: «Ŋme n tie Li Miali Diedo?» Bi mi luoma nni mo, min ban su, Ki biidi n Tienu yeli.

Esayi 24:6

Lani yaa po yo ke ti solindi dini ki tinga. I tagili mo jagi yaaba n ye ki niinni po. Lani n teni ke ki tinga niba buodi, Yaaba n sieni mo ki go fuu.

Esayi 43:28

Li tie lani yaa po yo ke n den teni Ke u kaangagidiŋamu kopadicianba kuli joagini, Ki ŋaa ke yibali bolini Jakob buolu, Ki fiagi bani Isidayeli yaaba.

Esayi 48:1

Cengi mani line yinba Jakob puoliŋuani, Yinba yaaba n kubi Isidayeli yeli, Ki ñani Juda buolu nni. Yinba yaaba n polini o Diedo yeli nni, Ki jaandi ki miadi Isidayeli Tienu, Ki naa ye moamoani leni teginma nni.

Jeremi 23:10

‹Mi diema kuli gbie leni yaa niba N tiendi mi conconma. Bi tiini ki caa mi biadima po yo, Bi gbani saagi yaala n ki ŋani tienma po. Lani yaa po n teni ke mi diema kuli Ye leni li paboanli, Ke bi yankpaakaani kuli mo kuodi.

Jeremi 26:6

Lanwani, n baa soani ku naa diegu nani min soani Silo yaa tuonli yeni. N baa teni ku naa diegu n tua ti solindi bonla ki tinga nibuoli kuli po.› »

Jeremi 5:2

Ba bi yaa yedi: «O Diedo fo!» Bi polini faama bebe.

Jeremi 7:9

Yi su, ki kpaani, ki conbi, ki pua mi faama, ki polini, ki padi o bulo Baali po, ki tiini ki ŋua yin kaa pia ŋantaadi leni yaa buli.

Esekieli 2:9

N den nuali ki laa ke u nuu tiegi nni ki muubi li tigbabikaali.

Danieli 9:11

Isidayeli yaaba kuli miidi a bali maama, ki lebidi ki ŋaa, kaa cengi a yedima. Lani n teni ke yaa solindi leni yaa tundifala n diani a naacemo Musa bali maama tili nni baa ti po, kelima ti den tieni ti tuonbiadi fini U Tienu po.

Ose Tili 4:2

Mi diema nni, se poli, janbi, Kukpama, subu leni mi conconma bebe. Yi mabindi yi lieba, Yi kpaani bi niba ki tuadi tuadi.

Levi 19:11

Yin da su. Yin da pua yi lieba po faama, ki da boandi yiyaba mo.

Levi 19:12

Yin da pua faama ki poli n yeli nni, kelima yi baa biidi yi Tienu yeli. N tie Li Miali Diedo.

Amosi 3:10

O Diedo yedi: «Samari yaaba ki bani ki tieni yaala n tiegi. Bi dogindi bi dieŋama nni ban tiendi u paalu ki fenli yaala.»

Sakari 5:4

Li Miali Diedo U Paaciamu Kuli Daano yedi: ‹N yadi ti solindi yeni, ke tin kua suudo kuli diegu nni leni yua n taagi n yeli ki pua mi faama ki polini kuli yaa diegu nni. N yadi ti ke tin kua lienni, ki yaa ye, ki bolini ki taani a yoaga leni a tana kuli.› »

Sakari 8:17

Yin da kpaagi yiyaba po yaala n bia. Yin da pua mi faama ki polini, Kelima laa tuona kuli tie mini O Diedo n nani yaala.»

Malaki 3:5

Li Miali Diedo U Paaciamu Kuli Daano yedi: «N baa cua yi siiga ki jia ti buudi. N baa taa a lingida leni mi conconma danba tagili. N baa fii ki sedi yaaba n polini ki pua mi faama leni yaaba n mabindi bi tuonsoanba kaa pa ba bi ligi po. N baa fu leni yaaba n faligidi a kpepuona, a kpienbila leni bi canba.»

Matie 25:41

Li yaa puoli, o baa yedi yaaba n ye o ganu: ‹Fuadi mani n kani, yinba ti solindi yaaba! Gedi mani yaa fantanbuogu n ki pia gbindima po, ban den gbiidi yaagu ku tuotabigu yudaano leni o yaa malekinba po.

Luki 21:35

Landaali baa cua nani ku diagu yeni ki ludi ki cuo yaa niba n ye ŋanduna nni kuli.

Efesa 4:28

Yua n den kpa su, wan da go su. Ama wan yaa tuuni li tuonli nani lan dagidi maama, ke wan yaa pia wan baa fidi ki pa a luoda yaala.

1 Timote 1:9

Ti go bani ke baa bili li bali maama yeni o niteginka po ka. Ama bi bili ma bi nibiadiba leni yaaba n yie li bali maama, U Tienu yiekaaba, ti tuonbiadi danba, yaaba n kaa ŋua U Tienu sanu, kaa fangi o mo, yaaba n kpaani bi baanba leni bi naanba, nikpalo kuli,

Jaki 5:12

N kpiiba, yaala n tugi yuli tie line: Yin da poli leni tanpoli, bi leni ki tinga, ba poliba kuli. Ama yi yaa yedi: «Mm,» lan yaa tie, mm. Yi yaa yedi: «Aa-a» mo, lan yaa tie, aa-a, ke U Tienu n da ti jia yi buudi.

Jaki 5:4

Diidi, yaa tuonsoanba n den yendi yi kuani ke yi janbi ba yeni, panpaani mua ki kuli yi. Yaaba n den taagi yi kpaandi yaa moe mo doni, ki pundi hali o Diedo U Paaciamu Kuli Daano tuba nni.

Josue 9:20

Ti kan kpa ba, ke U Tienu pali n da fii ti po, kelima tin den poli yaa poli po. Ama, diidi tin baa tieni ba maama:

Mi Doagidima 21:8

Ama bi jawaandanba, yaaba n ki daani, ti cagindi danba, bi nikpaba, mi conconma buoli kuli danba, u ñoagubiadu danba, i buli danba leni yaaba n pua mi faama kuli, bikuli yekaanu baa yaa tie u mu leni li cidibili n co yaa kpenu nni. Lani n tie mi kuliema.»

Mi Doagidima 22:15

Ama i sangbanli, u ñoagubiadu danba, mi conconma buoli kuli danba, bi nikpaba, i buli danba, yaaba n bua mi faama ki go pua ma kuli, baa yaa ye niinpo.