Sakari 4:14 - U TIENU MAAMA TILI 2013

¹⁴ Lanwani, o den guani ki yedi nni: «Li tie U Tienu n gandi yaa niliediba ki wuli bi yula po mi gagidima kpama, ke ban yaa tuuni wani ki tinga kuli Diedo po.»

Gourmanchéma Bible

¹⁴ Lanwani, o den goa ki yedi nni: «Li tie U Tienu n gandi yaa niliediba ki wuli bi yula po mi gagidima kpama, ke ban yaa tuuni wani ki tinga kuli Diedo po.»

Sakari 4:14 ပူးပေါင်းရင်းမြစ်များ

1 Bi Badiba 17:1

Elia, yua n den ñani Tisibe dogu nni ki ye Galaadi diema nni, den yedi Isidayeli bado Akabi: «N tie Li Miali Diedo Isidayeli Tienu yua n ye ki fo yaa naacemo. Hali U Tienu po, taaga kan go mi, mangu mo kan go luoni yaa bina n tie ne, se n mia.»

Esidirasi 5:2

Lanwani, Seyalitieli bijua Sorobabeli leni Yotisadaki bijua Josue den fii ki cili ki maa U Tienu diegu Jerusalemi, ke U Tienu saawalipuaba ye leni ba, ki todi ba.

Pisomi 110:4

Lani yaa po, o Diedo den poli Yaa poli n tie ne, ki nan kan go lebidi: «A tie kopadiciamo yaa yogunu kuli Nani Melikisedeki yeni.»

Pisomi 2:6

«Mini n gagidi n bado ki kaani o Siyon, n joagagidikaali yuli po.»

Pisomi 89:20

Hali yogu, a den maadi leni a nidugikaaba Ki yedi ba: «N todi jakoandiyendo, N den gandi niyendo bi niba siiga Ki kaani o ti gbandi po.

Mi Ñama 29:7

Ŋan taa mi kpagagidikaama ki wuli o yuli po, ki gagidi ki ŋanbi o.

Mi Ñama 40:15

ki wuli bi yula po mi kpama ki gagidi ba, nani ŋan tieni bi baa maama yeni. Lani n tie ban yaa tuuni n po li kopadiciantuonli. Laa kpawulima bi yula po baa teni yaa yogu n tuu yaa yogu, ban yaa die li kopadiciantuonli nifiima n tuu nifiima.»

Esayi 5:1

Cedi mani min yiini n danli po, N danlibuado yanbu o duvenkuanu po. N danli den pia o duventiidi kuanu Yaa tinga n pia ti bugidi nni.

Esayi 54:5

Kelima a tagido n tua a calo. O yeli yi Li Miali Diedo U Paaciamu Kuli Daano. A daafaabika n tie Isidayeli Tienu Yua n Gagidi ki ŋani. O yeli n tie: “Ki tinga kuli Tienu.”

Jeremi 49:19

O Diedo yedi: «N tie nani yaa yangbanlo n ñani Jurden fuali nni, ki caa li ñinbunli po yeni. N li baa yedi bugibu yenma Ki teni Sodomi n sani, Min kaani min gandi yua, Kelima ŋme naani leni nni? Ŋme n baa waani nni min baa tieni yaala? O laa gobidika n baa niagi leni nni?»

Levi 8:12

Musa go den wuli mi kpama Alono yuli po, ki wuli o po ki gagidi o.

Mise 4:13

Siyon yaaba, Fii mani ki ŋmaa yi yibalinba, Nani yaa ne n cuoni u jalu nni, Ki ŋmaadi i di yeni. N baa teni yi yina n tua kuboandi. Yi taawoga mo n tua kumoandi. Yi baa ŋmaa ki midi yaa nilanbuoli n yabi, Ki gagidi ki bili bi piama mini ki tinga kuli Diedo po.

Sakari 6:13

O baa yaa pia li bali maalima, ki kaa o gbandi po, ki die. O kopadiciamo baa yaa ye o kani, ke bikuli taa ñoabu ki tuuni.

Sakari 6:5

O den guani ki yedi nni: «Li tie tanpoli tafaali boninaa, yi n ñani i kaanu kani, yin bi ye naani, ki tinga kuli Diedo kani.»

Luki 1:19

Maleki den guani ki yedi o: «N yi Gabriyeli, yua n ye U Tienu kani ki tuuni o po. O soani nni ke min maadi leni a, ki go waani a laa laabaaliŋamo yo.

Mi Tiadima 10:8

Lanyogunu, o Diedo den gagidi Levi buolu, ke ban yaa bugi o Diedo ŋantaadikpaku, ki yaa se o nintuali, ki yaa tuuni o po, ki yaa go gaaliti ku niligu o yeli nni. Hali dinla, Levi buolu baa ki tiendi lane.

Josue 3:11

Bi baa bugi wani ki tinga kuli Diedo ŋantaadikpaku, kun kua yi liiga Jurden ñima nni.

Josue 3:13

Yaa kopadicianba n bugi Li Miali Diedo, ki tinga kuli Diedo ŋantaadikpaku yeni taana yaa sii Jurden ñima yaa yogunu, mi ñima baa jia. Yaa ñima n ña ganu po ki kpendi yeni, baa sedi nani li goanli yeni.»

Mi Doagidima 11:4

Bi jaba yeni tie olivie tiliedi leni i fidisantuankaanliedi, yii n se ki tinga Diedo kani.

1 Samueli 10:1

Samueli den taa yaa tiagu n pia mi kpama ki wuli Sayuli yuli po. O den gobini o ki yedi: «O Diedo gagidi ki dini a li bali ŋan tua o niba yudaano.

1 Samueli 16:1

O Diedo den yedi Samueli: «A baa yaa yagini a yama Sayuli po ki pundi u laa yogunu? N yie o, o kan go yaa tie Isidayeli bado. Lani, ŋan gbieni a yinli mi kpama ki fii. N baa soani a Betelemi yua Isayi kani, kelima n laa o bila siiga yua n dagidi n po, ke n baa dini o li bali.»