Sakari 2:4 - U TIENU MAAMA TILI 2013

⁴ N den buali o: «Bi cua ki tiendi be?» O den guani ki yedi: «Bi cua ki baa jieni ki go bolini yaa nilanbuoli n den fii ki sedi ki yadi Juda diema yaaba, hali maama ke ba niyendo ki den ye yua n baa fidi ki mua jama.»

Gourmanchéma Bible

⁴ N den buali o: «Bi cua ki tiendi be?» O den goa ki yedi: «Bi cua ki baa jieni ki go bolini yaa nilanbuoli n den yadi Juda diema yaaba, hali maama ke baa niyendo ki den ye yua n baa fidi ki mua jama.»

Sakari 2:4 ပူးပေါင်းရင်းမြစ်များ

Esiteri 9:19

Li tie lani yaa po ke yaa Jufinba n ye li dobila nni, teni ke yaa ŋmaalo n yi Adaari yaa piiga n danaali tie bi po jaanma daali. Bi yen tieni mi jaanjiema ki je ki mangi bi pala, ki go soani bi lieba po mi jiema.

Esayi 33:20

Diidi Siyon, tin taagi ti taana yaa dogu nni! A nuni baa le Jerusalemi Mi yanduanma kaanu, Laa gbandieli kan go ŋmiagi, Li kpaana kan go ŋabi abada, Li baabi mo kan lodi.

Esayi 44:26

N saagi o naacemo maama po i moamoani. N tonda n pua saawali yaali yaa po mo, N tiendi la. N yedi Jerusalemi dogu po: ‹U baa guani ki baa bi niba,› Ki go yedi Juda diema dogi mo: ‹Bi baa guani ki maa bi diebuona nni.›

Esayi 49:20

Ban den fie yi bila yaaba, Baa yaa tua yi tuba nni: ‹Mi fanma wa ki kandi ti po, Ŋmiagi mani timo n baa ki kali.›

Esayi 54:16

Diidi: mini n tagi o maano Ke o jugi a kuana ke u mu co, Ke o tagi ku jatiagu nani wan bua maama. Mini n didi go tagi yua n bolindi mo, Ke wan kua ku jatiagu yeni.

Jeremi 1:6

N den yedi: «Ŋain o Diedo U Tienu, mii bani maama, Kelima n da tie bonwaaga.»

Jeremi 31:24

Lankane ke Juda leni o dogi yaaba kuli baa taani ki cua ki kali, bi kpakpaaba, bi yankpaaba leni bi yangola kuli.

Jeremi 31:27

O Diedo yedi: «A dana kpendi, ke n baa teni Isidayeli leni Juda diema nni, bi niba leni ti yandi n tua nani li bonbulikaala yeni.

Jeremi 33:22

Nani ban kan fidi ki coadi tanpoli ŋmabila maama kelima a yabinu po yeni, bi ki biigi mi ñincianma tanbiima maama yeni, n baa teni n naacemo Davidi puoliŋuani leni bani Levi buolu, yaaba n tuuni n po n pili yene.»

Esekieli 38:11

A baa yedi: ‹N baa gedi ki baa yaa diema n ki pia paaluba, ki cuo yaa niba n kaa suo, ki ye leni mi yanduanma bi diedi nni, ki ye yaa dogi nni n ki pia bilini, ki naa go pia buliñoaluoditi ki bagi sendabiga mo.

Danieli 1:17

U Tienu den puni bi jawaanaadiba yeni, mi banma leni mi yanfuoma, u cogu leni mi bangima nni. Danieli mo go den baa fidi ki bandi ki go bundi li bonlekaala leni ti dangidi kuli.

Danieli 1:4

Laa jawaaba kan yaa pia bi gbanu po poadoba kuli. Bi baa yaa pia mi jawaama ki fani, ki pia mi yanfuoma leni mi bancianma. Bi baa yaa tuuni wani o bado diegu nni. Bi baa bangi ba, Kalide yaaba diani leni bi maama.

Mise 7:11

Yinba Isidayeli yaaba, bi baa diadi yi diema, Ban baa guani ki maa yi bilinciami yaa daali.

Sakari 1:16

Li tie lani yaa po yo, ke Li Miali Diedo U Paalu Kuli Daano yedi yaa maama n tie ne: ‹N go baa lebidi ki cua Jerusalemi leni mi ninñingbadima. N diegu go baa guani ki maa, u dogu moko go baa guani ki maa.› »

Sakari 1:17

Maleki go den yedi nni, ke min waani yaa maama n tie ne: «Li Miali Diedo U Paaciamu Kuli Daano yedi ke o dogi go baa gbie mi piama. O baa baagi Siyon yaaba, ki go guani ki gandi Jerusalemi.»

Sakari 12:6

Lanyogunu, n baa teni Juda yudanba n tua nani ku moasiangu yeni li fuali nni, yaa ka nani u mukaanu ŋalikama baba nni yeni. I kaani kuli, bi baa bolini yaa nilanbuoli n kaa ki lindi ba. Jerusalemi yaaba baa yaa li ye bi kaanu, Jerusalemi yene.

Sakari 14:12

O Diedo n baa teni yaa bonbiadila N baa yaa nilanbuoli n baa fii ki tieni Jerusalemi yaaba bu toabu tie line: Bi gbanandi baa bedi ke bi da fo. Bi nuni baa bedi bi nunbuodi nni, Bi landi mo n bedi bi ñoana nni.

1 Timote 4:12

Ŋan da tuo niloba kuli n fali a kelima a tie nipaano. Ama ŋan tua li bontogidikaala bi nidugikaaba po a maama nni, a tagu nni, a buama nni, a dandanli nni leni a yantugupiengu kuli nni.