Sakari 2:13 - U TIENU MAAMA TILI 2013

¹³ O yedi: «N baa fii i nilanbuoli yeni po, Ki teni ban den cuo yaaba yeni mo N fagi bi yaa piama.» Laa bonla yaa tieni, Yi baa bandi ke Li Miali Diedo, U Paaciamu Kuli Daano n soani nni moamoani.

Gourmanchéma Bible

¹³ O yedi: «N baa fii i nilanbuoli yeni po, Ki teni ban den cuo yaaba ti yonbidi yeni mo N fagi bi yaa piama.» Laa bonla yaa tieni, yi baa bandi ke Li Miali Diedo, U Paaciamu Kuli Daano n soani nni moamoani.

Sakari 2:13 ပူးပေါင်းရင်းမြစ်များ

2 Bi Badiba Jama 30:27

Bi kopadicianba leni Levi yaaba den fii ki gaali yaa niba n den taani kuli, hali ke o Diedo yua n ye tanpoli o yekaangagidiŋamu den gbadi bi miabu leni bi jaanma, ki guani bi po.

Pisomi 11:4

O Diedo ye o diegagidikaali nni. O Diedo bali kalikaanu ye tanpoli po. O nuni diidi ki baa le bi nisaaliba N tie maama.

Pisomi 46:10

Wani n tendi ke bu toabu gbendi I kaani kuli. O kua li dabanli ki jendi li kpaanli. O buoni bu toabu teliti kuli leni u mu.

Pisomi 68:5

Yiini mani U Tienu po. Yiini mani ki kpiagi o yeli! Pagi mani yua n jagi ti tawadi po. O yeli n tie: o Diedo. Mangi mani yi pala o nintuali.

Pisomi 78:65

O Diedo den fii yenma Nani yaa joa n bi goa yeni, Bi nani mi daama n fiini yaa jakoando gbanu yeni.

Esayi 14:2

I nibuoli baa taa ba ki gobidi Ki gedini ba bi diema nni. Isidayeli buolu baa gaa ba Nani li faali yeni o Diedo tinga nni, Ban tua nani a jatuada leni a puotuada yeni. Bi baa cuo ti yonbidi yaaba n den kubi ba ti yonbidi, Ki diedi yaaba n den mabindi ba.

Esayi 19:16

Lanyogunu Ejipiti diema baa yaa tie nani bi puoba yeni. Mi baa yaa digibi ke ti jawaandi pia ma, mi yaa laa ke Li Miali Diedo U Paaciamu Kuli Daano fii ki se mipo.

Esayi 41:1

Yinba yaaba n ye a kpendega po, Suo mani ki cengi nni! I nibuoli n pugini bi fidu, Ki nagini ne tin maadi! Tikuli n taani ki cua ti buudi po.

Esayi 51:9

Fundi, o Diedo! Fundi! Fundi tontoni leni a buagu paalu! Fundi nani u yogu nni, Nani yaa nifiima n pendi yogu nni yeni! Fini ka den pua ki guli Ejipiti, Ki muu ki kpa o bonfuodibiado?

Esayi 57:15

Yua n ye hali tanpolijoma, Wani yua n ye hali yaa yogunu kuli, Ke o yeli mo gagidi ki ŋani yedi: «N ye mi gagidiŋanma nni Leni yaa kaanu n kpedi ki cie I kaani kuli nni. Ama n go ye leni ban mabindi yua Leni yua n ye leni li pabiidili. Yeni n baa fidi ki baagi yaaba N ye li pabiidili nni, Ki go faabi yaaba n laadi fala bi pala nni.

Esayi 57:5

Yi fiindi yi gbani yi ticiandi kani, Ki go fiindi yi gbani yaa tibu n bundi bonŋanla kuli tinga, Ki kodi a bila ti joaloandi nni Leni a tanmaba kani.

Esayi 63:15

O Diedo, fini yua n ye tanpoli, A yekaanu yuu n gagidi ki ŋani Ki go pia ti kpiagidi, Biini ki diidi. A buama, a jama leni a ninñingbadima ye le? Ŋan da yie ke a kan doagidi ti po a buama.

Jeremi 25:30

Fini, ŋan pua bi po yaa saawalo n ye kuli, Ki yedi ba: «O Diedo fu hali tanpoli po. Hali o kaangagidiŋamu nni o maadi. O fu leni wan die yaa diema, O tangi yaaba n ŋmaadi u datuodikaanu po. O fu leni yaaba n ye ki tinga nni kuli.

Habakuki 2:20

O Diedo wani ye o kaangagidiŋamu nni. Lani, ki tinga nni, nilo kuli n sedi suo o nintuali!»

Sofoni 1:7

Cuo mani yi ñoana o Diedo U Tienu nintuali, Kelima o pabienli daali nagini. O bogini li padili ki gagidi ki ŋanbi wan yini yaaba.

Sofoni 2:9

Li tie lani yaa po yo ke mini, Li Miali Diedo U Paaciamu Kuli Daano, Isidayeli Tienu yua n fo poli ki yedi: ‹Moabi yaaba leni Anmoni dogi baa bodi Nani Sodomi leni Gomori dogi yeni. Ti konkondi baa fii ki luoni bi diema nni, Likani baa tua tinyaama, Likani baa tua paboanli kaanu Hali yaa yogunu kuli po. N niba yaaba n ciadi baa cua Ki fagi bi diema piama, Ki fie bi diema mo.› »

Sofoni 3:8

Li tie lani yaa po yo, Ke mini o Diedo yedi: ‹Yin guudi mani, Min baa cua yaa daali Ki waani yi ke yi nani. N jagi ke n baa taani i nibuoli kuli Leni mi diema niba kuli, Ki teni ke ban bandi n pabienli n bia maama, Kelima n pabienli mu baa buoni Ki tinga kuli.› »

Sakari 4:9

«Sorobabeli cili mini U Tienu diegu tanpuuli: O baa maa ki juodi li mo.» Lani kuli yaa tieni, Yi baa bandi ke Li Miali Diedo, U Paaciamu Kuli Daano n soani nni Yi kani moamoani.

Sakari 6:15

Bi niba baa ña hali foagima, ki cua ki todi ban guani, ki maa o Diedo diegu. Lani, yi baa bandi ke Li Miali Diedo U Paalu Kuli Daano n soani nni yi kani moamoani. Laa bonla kuli baa tieni, yi yaa tuo ki ŋua o Diedo, yi Tienu.

LOMA YAABA 3:19

To, ti bani ke U Tienu bali maama n bili yaala kuli tie li bali maama n die yaaba po, ki baa teni nilo kuli ñoabu n mubini, bi niba kuli n tuo ke bi pia i tagili U Tienu nintuali.

LOMA YAABA 9:20

Fini o nisaalo, a tie ŋme ki baa nia leni U Tienu? Naani ban maa yaa tiagu baa yedi yua n maa ku: «Be yaa po ke a maa nni nanda?»

Mi Tiadima 18:21

Daalinba, yi fidi ki yedi yi pala nni: ‹Ti baa bandi ki gagidi yaa maama n ki tie o Diedo yaama lede?›

Mi Tiadima 18:22

O saawalipualo yaa maadi Li Miali Diedo yeli nni, ke wan yedi yaala yeni naa tieni, li kan yaa tie o Diedo n yedi yaala. O saawalipualo yeni paagi o pale ki maadi. Yin da jie o.»

Mi Tiadima 26:15

Ŋan diegi a kaangagidiŋamu nni tanpoli po, ki seligi a niba Isidayeli yaaba leni ŋan puni ti yaa tinga, nani ŋan den poli leni ti baanba maama, ke a baa pa ti mi naa diema, mi naaŋanma leni ti siadi n dua naankani.›