Sakari 14:7 - U TIENU MAAMA TILI 2013

⁷ Laa yogunu baa yaa ye uba yo, O Diedo bebe n bani u. Ku ñiagu leni u yensiinu kan yaa pia paadima, Kelima ba ku yenjuagu, li baa yaa yieni.

Gourmanchéma Bible

⁷ Laa yogunu baa ye uba yo, Li Miali Diedo bebe n bani u. Ku ñiagu leni u yensiinu kan yaa pia paadima, Kelima baa ku yenjuogu, li baa yaa yieni.

Sakari 14:7 ပူးပေါင်းရင်းမြစ်များ

Pisomi 37:18

O Diedo bani bi papiendanba miali dana. Bi piama baa yaa ye yaa yogu n tuu yaa yogu.

Esayi 11:9

Biadima leni bolinmiba kan tieni O Diedo joagagidiŋanli po, Kelima mi diema nni, Yuakuli baa bandi o Diedo Nani mi ñincianma n gbie Leni mi ñima maama yeni.

Esayi 24:23

O ŋmaalo baa fiagi, I fe baa cuo u yienu moko, Kelima Li Miali Diedo U Paaciamu Kuli Daano Kaa ti gbandi po, Siyon juali po leni Jerusalemi nni. Ti kpiagidi baa yaa ye o nikpela nintuali.

Esayi 30:26

U cipienu baa yaa tie nani u yienu yeni. U yienu mo baa yendi taalimilele ki pugini, Nani danalele yenma N baa taani yenma maama yeni. Li baa yaa tie o Diedo n baa buu O niba poagilima yaa daali, Ki paagi ban den pua ki poagili naani.

Esayi 45:21

Cua mani ki doagidi yi moamoani. Bani mo n tundi biyaba. Ŋme n den puni li laabaalo hali mi cilima? Ŋme mo n den waani laa bonla hali yogu? Naani laa tie mini Li Miali Diedo ka? Mini yaa ka, tientoa ki ye. N tie yaa Tienu n tiegi ki go faabidi, Min yaa ka, tientoa ki ye.

Esayi 58:10

Yi yaa puni mi koma n pia yua Yinba yi ba n bua yaala, Yi yaa kpa taliga koma, Yi yenma baa deli li biigili Yi biigili mo n tua nani u yensiicocolu yeni.

Esayi 9:7

O Diedo fu leni Jakob puoliŋuani. Laa fuugu tie Isidayeli yaaba po yo.

Jeremi 30:7

O naa fala mo te! Li naa daali tie dacianle. Daaliba kuli ki naani leni li. Li tie Jakob puoliŋuani po paboanli daale. Ama bi baa baa gaapo.»

Danieli 12:4

Fini Danieli, ŋan kubi mi maama yeni, lan yaa tie ŋasiili, ŋan da doagidi li tili yeni n yedi yaala, hali mi juodima yogunu n pundi. Li yogunu bi niba boncianla baa cogi li bi bancianma n pugini.

Ose Tili 3:5

Li yaa puoli, bi baa lebidi ki cua ki lingi o Diedo, bi Tienu leni bi bado, Davidi puoliŋuani siiga. Bi baa faa ki guani o Diedo kani leni li fangili, ki go baa o ŋanbili.

Amosi 8:9

Li Miali Diedo U Tienu yedi: «Li daali kpendi ke n baa teni u yienu n kua u yensiinu, Ki teni ki tinga n biigi u yensiicocolu.

Matie 24:36

Oba kuli ki bani laa bonla n baa ti cua yaa daali leni yaa yogunu, ba tanpoli malekinba ki bani, ba Bijua, se Baa bebe.

Marki 13:32

Yaala n tie o Joa Bijua cuama daali po, oba kuli ki bani laa bonla yogunu, ba tanpoli malekinba ki bani, ba Bijua, se Baa bebe.

Jesu Tondiba Tuona 1:7

O den guani ki yedi ba: «Laa tie yinba ka n bandi Baa n bili yaa yogini leni li dana. O bili la, wani o ba yaa bali po.

Jesu Tondiba Tuona 15:18

O Diedo, yua n tiendi wan jagi yaala Hali yogu yeni, n yedi yeni.› »

Jesu Tondiba Tuona 17:26

O den tagi jayendo ki teni ke ŋanduna nibuoli kuli ñani o kani. O go teni ke bi yadi yadi ki ye ki tinga nni kuli. Hali ban daa den ye, o den tuodi ki bili ban baa yaa ye yaa yogunu leni ban baa ye naankani.

Jesu Tondiba Tuona 17:31

Wani U Tienu bili ti buudi daali, wan baa jia ŋanduna yaaba kuli buudi yaa daali leni mi teginma. O gandi o nilo, ki bili ke o baa jia laa buudi. O saa i moamoani ke li baa tieni yeni leni wan fiini yaa nilo bi tinkpiba siiga.»

1 Tesaloniki 5:2

Yi bani bonŋanla ke o Diedo daali baa cua nani o suudo yeni, ku ñiagu.

Mi Doagidima 11:15

O malekileleelo den piebi kakaci. I nialiciami den kpaani tanpoli po, ki yedi: «Moala ŋanduna diema tua ti Diedo Leni wan Gandi Yua yaa yaama. O baa yaa die hali yaa yogunu kuli.»

Mi Doagidima 14:6

N go den laa malekitoa ke o yugi tanpoli mi fawaama nni. O den kubi yaa laabaaliŋamo n ye hali yaa yogunu kuli, ki baa yaa wangi ki tinga yaaba kuli, mi diema, i mabuoli leni i nibuoli yaaba kuli.

Mi Doagidima 21:23

U dogu yeni kaa bua yienu ki bagi ŋmaalo, kelima U Tienu kpiagidi baa yendi u, ki Pebiga moko tie u fidisanga.

Mi Doagidima 21:25

U dogu yeni buliñoajala baa yaa yaa yogunu kuli, ki kan yaa luondi, kelima ku ñiagu kan yaa ye.

Mi Doagidima 21:3

N den gbadi u nialiciamu ke u maadi li bali kalikaanu kani, ki yedi: «Diidi ki le, moala U Tienu yekaanu ye bi nisaaliba siiga. O baa yaa ye leni ba, bi baa yaa tie o buolu, wani U Tienu oba mo baa yaa ye leni ba, ki tie bi Tienu.

Mi Doagidima 22:5

Ku ñiagu kan go yaa ye. O naacenba kan go bua u yienu yenma, ki bagi ki fidisanga yaama, kelima o Diedo U Tienu baa yaa yendi ba. Bi baa yaa die hali yaa yogunu kuli.