Sakari 14:5 - U TIENU MAAMA TILI 2013

⁵ Yi baa tagini ku joaloangu yaagu N ye a juana siiga yeni, Ki sani ki cia, Kelima ku joaloangu yeni baa tandi Ki pundi hali Atisali. Yi baa sani nani yi yaajanba N den sani maama, Juda bado, Osiasi yogunu, Mi tindigibima n den tieni yaa yogunu yeni. Lanwani, o Diedo, n Tienu Baa yegi leni o malekinba ki cua.

Gourmanchéma Bible

⁵ Yi baa tagini ku joaloangu yaagu n ye a juana siiga yeni, Ki sani ki cia, Kelima ku joaloangu yeni baa tandi Ki pundi hali Atisali. Yi baa sani nani yi yaajanba n den sani maama, Juda bado, Osiasi yogunu, Mi tindigibima n den tieni yeni. Lanwani, Li Miali Diedo, n Tienu Baa yegi leni o malekinba ki cua.

Sakari 14:5 ပူးပေါင်းရင်းမြစ်များ

Pisomi 96:13

Leni li pamanli o Diedo nintuali, Kelima o kpendi. O kpendi ki baa jia ti buudi ki tinga nni. O baa jia li ŋandunli buudi leni mi teginma, Ki jia i nilanbuoli buudi mo leni i moamoani.

Pisomi 98:9

Leni li pamanli o Diedo nintuali, Kelima o kpendi ki baa jia ki tinga buudi, O baa jia ŋanduna buudi leni mi teginma, Ki jia i nibuoli buudi mo ke li tiegi.

Esayi 29:6

Li Miali Diedo U Paaciamu Kuli Daano Baa cua ki goandi a leni i tatantani, Mi tindigibima leni yaa fuugu n yabi hali boncianla. O baa goandi a leni ki tacianga, ku tafaagu Leni yaa mu n co ki buondi.

Amosi 1:1

U Tienu den doagidi Amosi yua n den tie Tekoa dogu yankpaaba siiga yendo po. O den baa li bonlekaala yaala n tie Isidayeli diema po. Li den tie Osiasi n den tie Juda bado, ke Yoasi bijua Jeroboami mo tie Isidayeli diema bado yaa yogunu. Li den sua ke li sieni binalie mi tindigibima n tieni.

Mise 1:11

Yinba Safiri dogu yaaba, Gedi mani ti yonbidi mi mubima leni i fe nni. Tisaanani dogu yaaba kan go tuo ki ña kelima ti jawaandi po. Beti-Haetiseli dogu yaaba paboanli Teni ke yi kan baa bi todima.

Sakari 4:7

A tie ŋme, fini li joacianli Sorobabeli nintuali? A baa tua tialu. O baa ñani likani n dieli tanpuuli. Bi niba baa yaa kpaani ki tua: ‹Li pia ñuadima! Li pia ñuadima!› »

Mi Coadima 16:34

Isidayeli yaaba, yaaba n den se ki lindi ba, n den gbadi bi bubuumu, bi den sani, kelima bi den jie ki tinga n da bolini bani moko!

Matie 16:27

O Joa Bijua baa ti cua leni o Baa kpiagidi ki yegi leni o malekinba. Lanyogunu o baa guani yuakuli nani o tuona n tie maama.

Matie 24:3

Jesu n den kaa Olivie Tiidi juali po, o ŋoadikaaba den cua bani bi bebe ki yedi o: «Waani ti laa bonla n baa ti cua yaa yogunu leni yaa sinankeene n baa waani ti a cuama leni ŋanduna juodima yogunu.»

Matie 25:31

O Joa Bijua yaa cua o kpiagidi nni yaa yogunu, ki yegi leni o malekinba kuli, o baa kali o bali kalikaanu yuu n pia ti kpiagidi po.

Luki 21:27

Lani, bi baa le ke o Joa Bijua ye ku tawaligu nni ki kpendi leni u paalu leni ti kpiagiciandi.

Mi Tiadima 33:2

O den yedi: «O Diedo ñani Sinayi juali po ki cua. O pudi bi po, nani u yienu yeni Seyiiri diema nni. O kpiagidi cili ki ñuliti bi po hali Paran juali po. Bi niba tuda tuda bam den ciani o ke o cua o niba kani, Ki kubi o nujienu nni, li bali maama mu.

1 Tesaloniki 3:13

O Diedo n yaa paagidi yi pala, ke ti Baa U Tienu n yaa nua ke yi gagidi ki ŋani cain wani U Tienu po, kaa pia ban baa fidi ki kuli yi leni yaala, ti Diedo Jesu n go baa cua leni o nigagidiŋanba kuli yaa yogunu.

2 Tesaloniki 2:8

Lanyogunu, mi biadima daano baa doagidi, o Diedo Jesu n baa bolini yua leni o ñoabu fawaama. O cuama kpiagidi baa biidi o tuonli cain.

Jaki 5:8

Yimoko n juuni ki paagi yi pala, kelima o Diedo cuama nagini.

Mi Doagidima 11:13

Lanyogunu liga, mi tindigibicianma den tieni. U dogu yeni kaanpiiga kuli, kaanyendu den baa ki mudi mudi. Niba tudalele mo den kpe, kelima mi tindigibima yeni po, ke ti jawaanciandi den cuo yaa niba n sieni kuli, ke bi kpiagi U Tienu yua n ye tanpoli po ki die.

Mi Doagidima 20:11

Lani n den laa u bali kalikaanpienciamu leni yua n kaa u po. Ki tinga leni tanpoli kuli den sani ki foagidi o kani, ke baa go laa ba.

Mi Doagidima 20:4

N den laa li bali kalikaani, ke yaaba n kaa i po den baa li bali ki baa jia ti buudi. N go den laa ban jendi yaaba yaa yula yaa naani, kelima Jesu yaa siedi po, U Tienu Maama po, yaaba n kaa den gbaani ki kpiagi ki fuayanga leni ki nannanli, kaa gaa o maalima bi yutuna, yaa ka bi nii po. Bi den guani ki baa li miali ki die leni Kilisiti hali bina tudili.