Sakari 14:20 - U TIENU MAAMA TILI 2013

²⁰ Landaali, bi baa diani yaa coolonmu n juani I taami tuli nni po: “Bi gagidi la o Diedo po.” O Diedo diegu boba baa gagidi ki yaa ŋani, Nani yaa tadimu n se li padibinbinli kani, Ke bi yen tiendi lienni mi soama ki miini yeni.

Gourmanchéma Bible

²⁰ Laa daali, bi baa diani yaa coolonmu n juani i taami tuli nni po: “Bi gagidi la Li Miali Diedo po.” Li Miali Diedo diegu boba baa gagidi ki yaa ŋani, Nani yaa tadimu n se li *padibinbinli kani, Ke bi yen tiendi lienni mi soama ki miini yeni.

Sakari 14:20 ပူးပေါင်းရင်းမြစ်များ

1 Bi Badiba 7:50

ti taditi, mu jugimu, mu tadibuomu mi ñinmiikaama po, mu tadibuomu, ti fantantiadi yaadi n tie wulamoano cain leni yaa kudi n kubi u kaangagidiŋanmoanu buliñoabu leni ku diegu buliñoajabu ki tie wula.

2 Bi Badiba Jama 4:8

O den tieni tabili bonba piiga ki sieni ba U Tienu diegu nni, bonbimuu jienu po, bonbimuu mo ganu po. O go den tieni tadiñokaamu kobiga ke mu tie wula cabima po.

Pisomi 110:3

A paalu yaa doagidi yaa daali, A niba pia li yankuali bonŋanla, Nani ku mangu n yen luoni U tiŋaafaanu maama yeni. A jawaaba baa cua a kani Ki la yaa tiadi n gagidi U Tienu po.

Mi Ñama 25:29

Ŋan tagi mu tadimu, mu tadibuomu leni yaa tiadi n baa todi bi yaa baa cabi U Tienu po mi daama yaa yogunu. Ŋan tieni likuli leni wulamoano.

Mi Ñama 37:16

O den ŋanbi yaa tuonsoantiadi n baa yaa ye tabili po, lani n tie mu tadimu, mu tadiñokaamu, mu tadibuomu leni mi cabima tiadi. Laa bonla kuli den tieni leni wulamoano yo.

Mi Ñama 39:30

Bi den tagi yaala n baa yaa tie mi gagidiŋanma maalima. Bi den tagi leni wulamoano, ki den tie bonpanpangu nani li bonlakaala yeni. Bi den diani li po nani o nilo n yen diani o maalima maama yeni. Ban den diani yaa diani den tie: “Bi gagidi la Li Miali Diedo po yo.”

Esayi 23:18

Ama o bonbaakaala leni o ñuadi kuli baa tua o Diedo po yo. Bi kan dogini la, bi kan bili la mo. O bonbaakaala baa tua yaa jiema n guondi leni yaa tiayiekaadi n ŋani boncianla, yaaba n ye o Diedo nintuali po.

Esayi 52:1

Fundi mani, fundi mani, Yinba Siyon yaaba! Fii mani leni yi fidu yinba U dogagidiŋamu, Jerusalemi yaaba! Bobi mani yi tiaŋandi, Kelima a jifola leni yaaba N joagini kuli kan go kua yi kani.

Jeremi 31:40

Bi baa biigi bi tinkpiba leni mi fantanpienma joaloangu, ki taani leni yaa fanma n bili ki ban pundi hali Sediron joaloangu, ki ban tuu i taami buliñoabu nujienu po. Bi baa taa likuli ki gagidi ki ŋanbi o Diedo po. Bi kan go tudi ki lu la, ki buali ban bolini la.»

Esekieli 45:1

Yi yaa baa boagidi mi diema, yi baa bili o Diedo po o yaa biinu. Yi baa gandi mi diema nni yaa kaanu n gagidi ke u foaginu tie piilie n nukpanduna tudamuu (25 000), u pianu mo nukpanduna tuda piiga (10 000). U baa yaa tie yaa kaanu yaa gaanilindima n gagidi.

Levi 8:9

Lani, o den yilini o ku yufinfinjuagu, ki cibini o yaa fogiliga n tie wula mi gagidima maalima, nani o Diedo n den puogi musa maama.

Abidiasi 1:17

Ama yaaba n ciadi baa yaa ye Siyon juali po. Min go baa guani ki diedi yaali cain. N niba Jakob puoliŋuani mo baa guani Ki diedi mi diema.

Sofoni 2:11

O Diedo baa cie bi jigi, Kelima o baa bolini bi nisaaliba n jigini yaala kuli. Lani, ba yaa nibuoli n ye hali foagima baa gbaani Ki kpiagi o bi diema nni.

Sakari 14:19

Lani n tie yaa bonbiadila n baa cuo Ejipiti yaaba leni yaa nilanbuoli n baa yie ke bi kan gedi laa jaanma.

Sakari 8:3

N baa lebidi ki guani Siyon, ki yaa ye Jerusalemi yaaba siiga. Bi niba baa yaa yi Jerusalemi dogu: “Yaa dogu yaaba n bua U Tienu, ki tuo ki ŋua o.” Bi baa yaa yi Li Miali Diedo U Paaciamu Kuli Daano juali mo: “Mi gagidiŋanma juali.”»

Sakari 9:15

Li Miali Diedo U Paalu Kuli Daano baa kubi o niba, Ki ŋaa o tatana n bolini bi yibalinba, Ki teni bi soama n puubi nani duven yeni, Yaa ka nani yaa soama n gbie bi kopadicianba N yen kubi yaa tadimu ki miini Li padibinbinli yina po yeni.

Malaki 1:11

Ki cili hali u yienu n pudi naani, ki ban tuoni hali wun baali naani, i nibuoli kuli kpiagidi n yeli. I kaani kuli bi niba padi ki siagi n yeli po a dugibila. Bi go padi yaa pada n ŋani ki dagidi n yeli po, ki kpiagidi n yeli. I nibuoli kuli kpiagidi n yeli. Li Miali Diedo U Paaciamu Kuli Daano n yedi yeni.

Mi Coadima 4:14

Bi baa yuandi ki taa li padibinbinli yeni kani tuonsoantiadi kuli, ki maani li po. Laa tiadi tie i fani, i nanjogidi, pelinba leni mu tadimu. Bi baa taa yaa gbangu n juagi, ki ŋoagini ti. Bi baa taa li dabugikaadi, ki soali.

Mi Coadima 4:7

Bi baa taa yaa cabili n moani ki suudi, ki ladi yaa dupen n gagidi o Diedo po, n yen maa yaa tabili po. Bi baa yuandi ki taa mu tadimu, mu tadiñokaamu, mu tadibuomu leni ban yen kuodi li bonñokaala yaa cuabimu nni. Yaa dupen n yen maa yogunu kuli yeni, baa maa likani.

Luki 11:41

Pa mani a luoda yaala n ye yi pala tugu nni, lani, yaala n sieni kuli baa ŋanbi yi po.

Jesu Tondiba Tuona 10:15

U nialu yeni go den maadi miliema ki yedi o: «U Tienu yaa yedi ke yaala n ŋani, ŋan da nua la ke li joagini.»

Jesu Tondiba Tuona 10:28

O den yedi ba: «Yi bani ke li kua ke Jufi n taani leni o nilamo, yaa ka ki kua o diegu nni. Ama U Tienu doagidi n po ke min da go nua oba kuli ke o joagini U Tienu po.

Jesu Tondiba Tuona 11:9

U nialu go den maadi tanpoli po miliema ki yedi: ‹U Tienu n yedi ke yaala n ŋani, ŋan da nua la ke li joagini.›

Jesu Tondiba Tuona 15:9

Waa den tieni gagidimiba tinba leni bani siiga. Ban den daani yeni po, o den ŋuudi ki ŋanbi bimoko yaa pala.

Kolosi 3:17

Yin maadi yaa maama kuli leni yin tiendi yaala kuli, tieni mani likuli o Diedo Jesu yeli nni, ki yaa tuondi U Tienu yua n tie Baa, kelima wani Jesu yaa po.

1 Pieri 2:5

Yinba yaaba mo n tie nani yaa tana n fo, teni mani ban maa yi yin tua U Tienu diegu, o Fuoma n ye naankani. Lani, yi baa tua yaa kopadicianba n gagidi U Tienu po, ki padi o po yaa pada n gagidi, ki go mani o po, kelima Jesu Kilisiti yaa po.

1 Pieri 2:9

Ama yinba wani, yi tie ban den gandi yaa buolu, o Bado kopadicianba, yaa buolu n gagidi ki ŋani, wan baa yaa buolu o yuceli po. O yini yi ke yin ña li biigili nni, ki kua o yenma yaama n ŋani cain nni, ke yin yaa wangi o tuona yaa n ŋani boncianla.

1 Pieri 4:11

O nilo yaa maadi, lan yaa tie ke o wangi U Tienu maama. Yua n tuuni U Tienu tuonli, wan yaa tuuni leni U Tienu n puuni o yaa fidu. Yin yaa tiendi yeni ke wani U Tienu n yaa baadi ti kpiagidi li bonla kuli nni, kelima Jesu Kilisiti po, wani yua n die ti kpiagidi leni u paalu kuli, hali yaa yogunu kuli. Amina!

Mi Doagidima 1:6

ki go teni ke ti tua kopadicianba diema o Baa U Tienu po, n baa ti kpiagidi leni u paalu hali yaa yogunu kuli. Amina!

Mi Doagidima 20:6

Li pamanli ye leni yaa nigagidiŋanba n fii bi tinkpiba fiikpiama nni. Mi kuliedima naa go pia paalu bi yaa po, ama bi baa yaa tie U Tienu leni Kilisiti yaa kopadicianba, ki taani ki yaa die leni Kilisiti hali bina tudili.

Mi Doagidima 5:10

A teni ke bi tua diema leni kopadicianba U Tienu po. Bi baa yaa die ki tinga nni kuli.»

1 Samueli 2:14

ki muudi ti nandi n ŋaa yaa tiagu nni, li yaa tie bobili bi sanli bi cianciagu. I nanjogidi n muu ki ñani yaala kuli, o kopadiciamo yen gaa ki yaa kubi o yuli po. Bi den tiendi yaaba n ña Isidayeli diema nni ki kpendi Silo kuli yene.