Sakari 14:16 - U TIENU MAAMA TILI 2013

¹⁶ Li baa baa yaa niba n baa ciadi I nilanbuoli yii n den cua ki baa Jerusalemi yeni siiga. Laa niba baa yaa kpendi binli kuli Laa dogu nni ki kpiagidi o bado, Li Miali Diedo U Paaciamu Kuli Daano, Ki go jaani a suga jaanma.

Gourmanchéma Bible

¹⁶ Li baa baa yaa niba n baa ciadi I nilanbuoli yi n den cua ki baa Jelusalema yeni siiga. Laa niba baa yaa kpendi binli kuli laa dogu nni, Ki kpiagidi Li Miali Diedo, U Paaciamu Kuli Daano, Ki go jaani a koasuga *jaanma.

Sakari 14:16 ပူးပေါင်းရင်းမြစ်များ

2 Bi Badiba Jama 8:13

Nani Musa n den bili maama daali kuli po, o den padi a pada mi fuodima dana kuli, i ŋmapaani dana kuli, li binli n den pia yaa jaantaadima kuli, yaa dupen n ki pia dabinli jaanma, danalele taalimilele jaanma leni a suga jaanma.

Esidirasi 3:4

Li yaa puoli, bi den jaani a suga jaanma nani lan diani ki bili maama, ki padi a padijuukaana ke a coali da leni lan diani ki bili maama daali kuli pada po.

Pisomi 66:4

Ki tinga niba kuli gbaani a nintuali, Ki baa pugi a. Bi yiini ki jigindi a yeli. Joma

Esayi 18:7

Lanyogunu yaa nibuolu yaa niba n kpedi, ke bi gbani ñuliti, hali yogu ban jie yaa nibuolu li ŋandunli nni yeni, baa cuani bu paabu Li Miali Diedo U Paaciamu Kuli Daano kani. Laa nibuolu pia u paalu ki paani bi yibalinba, ke i kpenciami mo gbie bi diema nni. Bi baa cuani laa padili Li Miali Diedo yeli n ye naankani, Siyon juali po.

Esayi 19:21

Li Miali Diedo baa yaa tie Ejipiti n bani yua. Ejipiti yaaba baa bandi Li Miali Diedo, lanyogunu bi baa kpiagi o, ki padi o po a pada, ki go pa o bu paabu. Bi baa niani Li Miali Diedo i ñoaniani, ki go kuani ban niani yaa ñoaniani.

Esayi 27:13

Landaali, bi baa piebi li naatuntuncianli. Yeni, yaaba n den bodi Asiiri diema nni, Baa guani ki cua. Yaaba n yadi Ejipiti diema nni Baa gbaani ki pugi o Diedo, Yaa juali n gagidi ki ŋani yuli po. Li baa tua Jerusalemi dogu nne.

Esayi 6:5

N den yedi: «Ŋain, n bia n yeni! N tie yua yaa ñoacuuna n joagini, ki go ye yaa nibuolu yaa ñoacuuna n joagini siiga. N nuni mo laa o Bado, Li Miali Diedo U Paaciamu Kuli Daano.»

Esayi 66:23

Ŋmapaano n tuu ŋmapaano, Fuodima daali n tuu fuodima daali, O Diedo yedi ke mialifo kuli, Baa cua ki gbaani o nintuali ki pugi o.

Jeremi 46:18

O Badiciamo yedi: N ye, mini yua yaa yeli n tie: Li Miali Diedo U Paaciamu Kuli Daano, N ye nani Tabori, a juali kuli siiga, Ki se nani Karimeli juali mi ñincianma nni. N baa cua ki baa Ejipiti diema.

Jeremi 48:15

Yua n baa bolini Moabi diema cua, Ki baa mi dogi. Moabi nipanba tua yankodikaadi. Yaa bado n yi Li Miali Diedo U Paaciamu Kuli Daano n yedi yeni.

Jeremi 51:57

N baa ñuni ki gaadi o koanbala, o yanfuodanba, o guveneerinba, o bujiaba leni o jakoanda. Bi baa guani yaa guama ke bi kan go fundi. Bi kan go fundi abada. O Bado yua yaa yeli n tie Li Miali Diedo U Paaciamu Kuli Daano n yedi yeni.

Ose Tili 12:9

Yi tua: «Moamoani, ti tua piada, Ki pia mi piama boncianla. Ama likuli tie ti duoli n cuani yaale. Bi kan le tagiliba kuli ti kani.»

Mise 4:2

I nilanbuoli boncianla baa yaa caa likani ki tua biyaba: «Cua mani tin do o Diedo juali yuli po, Wani Jakob Tienu diegu kani, Ke wan bangi ti o sani, Ke tin yaa cuoni yini yaa niinni.» Kelima li tie Siyon po yo, Ke li bali maama baa ña, O Diedo maama baa ña Jerusalemi dogu nne.

Sakari 14:9

Landaali, o Diedo baa yaa tie Ŋanduna kuli bado, Bi niba kuli baa yaa kpiagidi o, Bikuli baa yaa taagi o yeli.

Sakari 9:7

Ama n baa teni ban da go ŋmani Ti nandi leni mi soama, Leni min kuani n niba yaa jiema. Bi siiga yaaba n ciadi baa yaa tie n niba, Nani Juda buolu siiga cuuyenli yeni. Ekiron yaaba baa tua n niba nani Jebusi yaaba yeni.

Malaki 1:14

U nufanu n pua yua n pia o yankulu nni ki yantonga, ki niani ke o baa padi ka o Diedo po, ama ki nan kandi ki ŋaa kani ki taa ki yanyianga ki padi. Bandi mani ke mini Li Miali Diedo U Paaciamu Kuli Daano tie Badiciamoe. I nibuoli kuli fangi n yeli.»

Luki 19:38

Bi den tua: U Tienu n seligi o bado Yua n kpendi wani o Diedo yeli nni. Mi yanduanma n yaa ye tanpoli po. U Tienu yua n ye hali tanpolijoma n baa ti kpiagidi.

Jan n diani U Tienu Laabaaliŋamo maama 1:49

Natanayeli den guani ki yedi o: «Rabi, fini n tie U Tienu Bijua, fini n tie Isidayeli yaaba Bado.»

Jan n diani U Tienu Laabaaliŋamo maama 7:2

Jufinba jaanma yaama n yi a suga jaanma den kuli.

Jesu Tondiba Tuona 15:17

Lanwani, yaa niba n sieni kuli baa lingi o Diedo, Bani, min yini yaaba ke ban tua n niba yeni.

LOMA YAABA 11:16

A yaa buuni ti yonbudi ki yidi waamu ki puni U Tienu nani li bonluonkakpiala yeni, yaadi n sieni moko gagidi U Tienu po. Bu tibu jiinu yaa gagidi U Tienu po, bu beni moko gagidi o po.

LOMA YAABA 11:26

Li tie yeni ke Isidayeli buolu kuli baa faabi nani lan diani maama: «O candaano baa ña Siyon po, Ki ñani U Tienu yiema kuli Jakob puoliŋuani pala nni.

LOMA YAABA 11:5

Li go tie yeni moala ne, Isidayeli buolu siiga nitianga sieni, U Tienu n gandi yaaba, kelima o ŋanbili po.

Mi Doagidima 11:13

Lanyogunu liga, mi tindigibicianma den tieni. U dogu yeni kaanpiiga kuli, kaanyendu den baa ki mudi mudi. Niba tudalele mo den kpe, kelima mi tindigibima yeni po, ke ti jawaanciandi den cuo yaa niba n sieni kuli, ke bi kpiagi U Tienu yua n ye tanpoli po ki die.

Mi Doagidima 19:16

O yeli yaali n tie ne, diani ki taabi o kpalibu leni o panli kuli po: “Bi badiba Bado Leni bi diediba Diedo.”