Sakari 13:9 - U TIENU MAAMA TILI 2013

⁹ N baa ŋaani bani yaaba n sieni ki fo yeni, Nani ban yen puli ŋanjilifa leni wula U mu nni maama, Ki ñani ti joagindi yeni. Bi baa yaa jaandi ki miadi nni, N baa yaa gaani bi miabu. N baa yedi: ‹Bine n tie n niba.› Bimo n yedi: ‹Li Miali Diedo tie ti Tienu.› »

Gourmanchéma Bible

⁹ N baa ŋaani bani yaaba n sieni ki fo yeni, Nani ban yen tieni ŋanjilifa leni wula mi fantama nni maama Ki ñani ti joagindi yeni. Bi baa yaa jaandi ki miadi nni, N baa yaa guandi bipo bi miabu. N baa yedi: ‹Bine n tie n niba.› Bimo n yedi: ‹Li Miali Diedo tie ti Tienu.› »

Sakari 13:9 ပူးပေါင်းရင်းမြစ်များ

2 Samueli 7:24

A gandi a niba Isidayeli yaaba ki bili ke ban yaa tie a yaa niba yaa yogunu kuli. Fini o Diedo, a mo tua bi Tienu.

Jobi 23:10

Ama o nan bani n sanu n tie yuu. O yaa ti biigi nni yaa yogunu, N baa ña ki ŋani nani wula yeni.

Jobi 28:1

Li pia ban ñandi ŋanjilifa naani Leni ban ŋanbidi wula mo naani.

Pisomi 144:15

Li pamanli ye leni yaa nibuolu N baa laa ŋanbili! Li pamanli ye leni yaa nibuolu, Ke o Diedo n tie bi Tienu!

Pisomi 43:4

N baa gedi U Tienu padibinbinli po, Wani U Tienu yua n tie n pamanli kani. Fini yua n tie n Tienu, N baa pagi a leni n gogidigu!

Pisomi 50:15

Yi yaa tieni yeni, Yin mia nni mi todima yi paboanli daali, N baa faabi yi, yimo n kpiagi nni.

Pisomi 91:15

O yaa jaandi ki mia nni, N baa gaa o jaandi! Mini n ba n baa yaa ye leni o o fala nni, Ki faabi o ki go kpiagi o.

Mi Kpanjama 17:3

Bi biigidi ŋanjilifa leni wula Ku fantanbuogu nne, Ama yua biigidi a pala wani n tie o Diedo yo.

I Yani 2:16

Mini n die n buado, n buado mo n die nni. O kpaa o yangoli mi puuma siiga.

Esayi 43:2

Yi yaa baa duodi mi ñincianma, N baa yaa ye leni yi. Yi yaa baa duodi i kpenciami, i kan milini yi, Yi yaa baa cuoni u mu nni, U kan juu yi, U mupienu mo kan sia yi.

Esayi 48:10

N den tongi, ki nandi yi ki baa biigi, Ke laa tie nani ban nandi ŋanjilifa maama ka. Ama n den biigi yi leni fala.

Esayi 58:9

Lanwani, yi yaa yini mini o Diedo, N baa tuo. Yi yaa kuudi mo, O baa yedi: «Mini nne!» Yi yaa paadi leni ki mabinga, Ki cedi ku tuotabigu leni u yebiidu, Ki ŋaa yaa maama n ki pia fuoma,

Jeremi 24:5

O Diedo Isidayeli Tienu yedi nanda: «Nani ban nua yaa kankana n ŋani maama, nmoko baa diidi leni ki nunmanga ban ñani yaaba ti yonbidi Juda diema nni, ki gedini ba Kalide yaaba diema nni yene.

Jeremi 30:22

Yi baa tua n niba, nmo n tua yi Tienu.

Jeremi 31:33

Mini o Diedo yedi: «Diidi min baa kuani yaa ŋantaado leni Isidayeli diema yaaba. Laa dana yaa pendi, n baa kuani n bali maama bi yantiana nni, ki diani ma bi pala nni. N baa yaa tie bi Tienu, bani mo baa yaa tie n niba.

Jeremi 32:38

Bi baa yaa tie n niba, nmo baa yaa tie bi Tienu.

Jeremi 9:6

Lani n teni ke Li Miali Diedo U Paaciamu Kuli Daano yedi: «N baa teni ban nandi ba u mu nni, Min biigi ba. N baa tieni n niba lede?

Esekieli 11:20

Yeni, bi baa fidi ki ŋoadi n ñoamabona, ki yaa kubi n mabilikaama. Bi baa yaa tie n niba, nmo baa yaa tie bi Tienu.

Esekieli 14:11

Yeni Isidayeli yaaba, kan go foagidi n kani ki yaadi. Bi kan go ban joagini bi yula leni bi biadima. Lani, bi baa yaa tie n niba, nmo baa yaa tie bi Tienu. Lani n tie mini o Diedo U Tienu n yedi yaala.»

Esekieli 20:38

N baa ñani yi siiga yaaba n den fiini n po mi yiema, ki naa den tuo n maama yeni. N baa ñani ba ban ye yaa diema nni. Ama bi kan go guani Isidayeli diema nni. Lani, yi baa bandi ke n tie Li Miali Diedo.»

Esekieli 36:28

Yi baa yaa ye min den puni yi yaajanba yaa diema nni. Yi baa yaa tie n niba, nmo baa yaa tie yi Tienu.

Esekieli 37:27

N baa yaa ye bi siiga ki yaa tie bi Tienu, ke bimo n yaa tie n niba.

Danieli 11:35

Bi siiga bi yanfuodanba boncianla baa kpe. Bi kuuma baa ŋanbi bi buolu ki teni ban pendi paipai, nani ban yen jugi ti kudi ki ñani ti joagindi maama yeni. Li baa yaa tie yeni hali mi juodima yogunu n pundi, kelima mi kan tieni se u yogunu pundi.

Danieli 12:10

Bi niba boncianla baa ŋuudi ki pendi paipai, ki ŋanbi nani ban yen jugi ti kudi ki ñani ti joagindi maama yeni. Bi nibiadiba baa yaa tiendi mi biadima. Bi siiga nni oba kuli kan gbadi liba, ama yaaba n pia mi yanfuoma baa gaa.

Levi 26:12

N baa yaa cuoni leni yi, n baa yaa tie yi Tienu, yimo baa yaa tie n niba.

Sakari 10:6

N baa pa Juda yaaba u paalu, Ki faabi bani Isidayeli yaaba. N baa gbadi bi po mi ninñima, Ki lebidi ki guani ba bi deni. Bi baa yaa tie n po nani mii den kpa Yie ba ba yenma yeni, Kelima n tie o Diedo, bi Tienu. N baa gaa bi miabu.

Sakari 12:10

U Tienu go yedi: «N baa gbieni Davidi puoliŋuani leni Jerusalemi yaaba, yaaba n sieni, mi ninñima leni bu miabu yaa yantiali. Bi baa pegidi ki diidi mini, ban den muu mini yua yeni. Li paboanli baa cuo ba, nani bonjayenyenga kuuma yaa paboanli yeni. Bi baa mua boncianla, bi baa mua hali boncianla nani o nilo bijakpelo kuuma yeni.

Sakari 8:8

N baa ñani ba lipo, Ban kpeni ki kali Jerusalemi. Bi baa yaa tie n niba, Nmo baa yaa tie bi Tienu, N baa yaa die ba, Ki gobidi ba i moamoani leni mi teginma nni.»

Jesu Tondiba Tuona 2:21

Lane, yua n taa Diedo yeli, Ki jaandi ki mia o kuli, baa faabi.›

Hebilunba 8:10

O Diedo go yedi: «Laa dana yaa pendi, Diidi min baa kuani leni Isidayeli buolu yaa ŋantaado: N baa kuani n bali maama bi yantiana nni Ki diani ma bi pala nni. N baa yaa tie bi Tienu, Bani mo baa yaa tie n niba.

Jaki 1:12

Li pamanli ye leni yua n fidi ki juuni mi biigima nni. Bi yaa biigi o ki pagi o yaa yogunu, o baa baa li miali badifogiliga, o Diedo n niani ke o baa pa yaaba n bua o kuli yaaga.

1 Pieri 4:12

N buakaaba, yi yaa ye fala biigima mu nni, lan da ludi yi, nani li tie yi po boncanla yeni.

Mi Doagidima 21:7

Yua n koani mi jama ki paadi baa baa laa seli kuli. N baa yaa tie o Tienu, omo baa yaa tie n biga.

Mi Doagidima 8:10

O malekitaalo den piebi o kakaci ke yaa ŋmabicianli n co nani u mukaanu yeni den ñani tanpoli po ki baa. Li den baa kpenitaa siiga kuli kpenyendu nni leni a ñinbuna kuli nni.

Mi Doagidima 8:11

Li ŋmabili yeni yeli yi: “U Tonu.” Mi ñima kuli, kaanitaa kuli siiga kaanyendu den lebidi ki to. Niba boncianla yaaba n den ñuni den kpe kelima mi ñima n lebidi ki to yeni po.

Mi Doagidima 8:12

O malekinaalo den piebi o kakaci. Bi den pua u yienu leni o ŋmaalo leni a ŋmabila ki teni ke bikuli boagidimitaa siiga kuli, boagidiyenma den biigi, hali ke li daali yenma boagiditaadima siiga, boagidiyenma den bodi, ku ñiagu mo den tua yeni.

Mi Doagidima 8:7

O malekikpialo den piebi o kakaci, ke a tatana leni yaa mu n kali leni mi soama den baa ki tinga po, ke ki tinga boagidimitaa kuli siiga boagidiyenma den buodi. Tiidi taa kuli siiga, tiyenbu den buodi. Ti moasoangidi kuli den buodi cain.

Mi Doagidima 8:8

O malekilielo den piebi o kakaci ke bi luni mi ñincianma nni yaa bonla n naani leni yaa joacianli n co, ke mi ñincianma boagidimitaa kuli siiga, boagidiyenma tua soama.

Mi Doagidima 8:9

Yaa tagima n ye mi ñincianma nni ki fo, bonlitaa kuli siiga bonyenla den kpe, ñinbiaditaa kuli siiga, yengu den bodi.