Sakari 13:7 - U TIENU MAAMA TILI 2013

⁷ Li Miali Diedo U Paaciamu Kuli Daano yedi: «Ki jugisiega, fii ki baa o yankpaalo, Min den taa yua ke o tie n todika yeni. Ŋan kpa o, lani i pe baa yadi i kaani kuli, Min baa ki cuo a bonbila.»

Gourmanchéma Bible

⁷ Li Miali Diedo, U Paaciamu Kuli Daano yedi: «Ki jugisiega, fii ki baa o yankpaalo, Min den taa yua ke o tie n todika yeni. Ŋan kpa o, Lani i pe baa yadi i kaani kuli, Min baa ki cuo a bonbila.»

Sakari 13:7 ပူးပေါင်းရင်းမြစ်များ

Pisomi 2:2

Ki tinga badiba kuli fii ki sedi. Bi badijaba mo taani ki tuu ñoayenbu, Ki fii ki sedi o Diedo, Leni wan gandi yua yaa po ki tua:

Esayi 1:25

Jerusalemi, n baa soani a tuonli, N baa puli a u mu nni, Ki ñani a joagindi kuli, Ki ŋuudi ki ñani a cidi leni bu ciebu.

Esayi 27:1

Landaali o Diedo baa taa o jugisiega, Yaaga n mani ki yabi ki go pa, Ki faligi mi ñincianma nni bonfuodibiado, Yaa wa n tiini, wani yaa wa yaa tagu n goli yeni. O baa kpa mi ñincianma bonfuodibiado yeni.

Esayi 40:11

O kpaa o yangoli nani o yankpaalo yeni. O gobidi ki taani a pebila leni o buagu, Ki taa ba ki ŋmabi. O gobidi yaa peñoe n da ŋaandi.

Esayi 9:6

O bali baa yaa pugidi, Mi yanduanma mo baa yaa ye Yaa yogunu kuli. O baa kali Davidi bali kalikaanu, Ki diedi o diema. O baa pugini mi paalu Ki kubi ma leni mi teginma Leni yaa bujiali n tiegi, Moala leni yaa yogunu kuli. Li Miali Diedo U Paaciamu Kuli Daano n baa Tieni yeni o buacianma po.

Jeremi 47:6

Ŋain! O Diedo jugisiega, a kan ji fuodi! Guani ki kua a tuagu nni, ki yaa tie suo, Ki da go yedi liba.

Esekieli 21:28

Bani yaaba n poli yeni baabuuli tie fanme. Ama wani, o tiadi ba bi tagili, ke laa pia kuli tama ke bi baa cuo ba ti yonbidi.

Esekieli 21:3

Ŋan yedi nuganu fuali po yaaba: ‹Cengi mani o Diedo maama! Mini o Diedo U Tienu yedi: Mini n ba cuoni u mu yi siiga, u baa buoni i tisoangidi leni i tikuondi kuli. U mu yeni kan gbindi, yaala n ye u mu yeni niinni kuli baa juu, ki cili nuganu ki yaa caa hali nujienu.

Esekieli 37:24

N naacemo Davidi n baa tua bi bado, bikuli baa yaa pia yankpaayende. Bi baa yaa ŋua n bali maama ki kubi, ki go tiendi n mabilikaama.

Esekieli 7:6

Mi juodima cua ki gbeni, O falajuodika cua ki gbeni, O cua ki baa baa yi.

Mise 5:2

Lani yaa po, U Tienu baa ŋaa O niba bi yibalinba nuu nni, Hali yaa pua n baa maa ki bonjaga yeni, Yaa mali ka yaa yogunu. Lanwani, ki biga yeni kpiiba yaaba n sieni, Ki ye foagima baa guani ki kpeni, Bi kpiiba Isidayeli yaaba diema nni.

Mise 5:4

Wani n baa cuani mi yanduanma. Asiiri yaaba yaa cua ti diema nni, Ki kua hali ti dieŋama nni, Ti baa teni yudanba boncianla n fii ki sedi bi po.

Sakari 11:11

Ku ŋantaado yeni den biidi lanyogu lanyogu. A yankpenda, yaaba n den kpaagi nni den bandi ke n bontienkaala kuli tie o Diedo n yedi yaale.

Sakari 11:4

O Diedo, n Tienu den yedi nni: «Yaa kpaa ban caani yaa pe u yankodikaanu po.

Sakari 11:7

Lanwani, n den kpaa ban den caani yaa pe u yankodikaanu po. N den baa yankpaagbiamilie. U gbayendu den yi “Danligu,” u gbalielu mo “Taanyenma.” N den kpaa i pe yeni.

Matie 1:23

«Diidi, li puowandiali baa punbi ki maa bonjaga. Bi baa yini o Emanueli.» Laa yeli bundima n tie “U Tienu ye leni ti.”

Matie 10:42

N waani yi i moamoani, n ŋoadikaaba na siiga, ba yua yaa jigidi n wa ki cie, yua n puni o mi ñinsoangima ke o ñuni kelima o tie n ŋoadika kuli, kan luo o panpaani.»

Matie 11:27

N Baa puni nni li bonla kuli bali. Oba kuli ki bani Bijua, li yàá tie Baa yaa ka, oba kuli mo ki bani Baa, li yàá tie Bijua leni wani Bijua n bua ki doagidi o yua yaa po yaa ka.

Matie 18:10

Fangi mani yi yula ki da fali a bonwaala na siiga ba yendo, kelima n yedi yi ke tanpoli po, bi malekinba ye Baa yua n ye tanpoli nintuali yogunu kuli. [

Matie 18:14

Li tie yeni leni yi Baa yua n ye tanpoli, waa bua ke a bonwaala na siiga, ba yendo n yaadi.

Matie 26:31

Lani, Jesu den yedi ba: «Dinla ñiagu, n baa tua yikuli po li tingbali bonla. Li diani: ‹N baa pua o yankpaalo, o pekulu mo n yadi.›

Matie 26:56

Line kuli tieni ke bi saawalipuaba n den diani yaala n tieni ki dudi.» Lani, bi ŋoadikaaba kuli den ŋaa o ki sani.

Marki 14:27

Jesu den yedi ba: «Yikuli baa ŋaa nni, kelima li diani: ‹N baa pua o yankpaalo, i pe mo n yadi.›

Marki 14:50

Lani, bi ŋoadikaaba kuli den ŋaa o ki sani.

Luki 12:32

Da jie liba, fini yaa yankulu n ki yabi, kelima yi Baa sua ke li dagidi o po, wan pa yi mi diema.

Luki 17:2

Bi yaa lani o li naacianli ki luni o mi ñincianma nni ke o bodi, lani n cie wan teni yaa bonwaamu n tie ne siiga, ba yendo n tieni ti tuonbiadi.

Jan n diani U Tienu Laabaaliŋamo maama 1:29

Lan den fii ki faa, Jan den laa Jesu ke o kpendi o kani, ki yedi: «Diidi mani U Tienu Pebiga, yua n ñandi ŋanduna tuonbiadi.

Jan n diani U Tienu Laabaaliŋamo maama 10:30

Mini leni Baa tie yendo.»

Jan n diani U Tienu Laabaaliŋamo maama 10:38

Ama n yaa tuuni o tuona, ba ke yii daani n maama, daani mani kelima min tuuni yaa tuona po, ke yin bandi bonŋanla ke Baa ye n niinni, ke nmo ye Baa niinni.»

Jan n diani U Tienu Laabaaliŋamo maama 14:1

Yin da yagi mani yi yama. Daani mani U Tienu, daani mani mini moko.

Jan n diani U Tienu Laabaaliŋamo maama 14:23

Jesu den guani ki yedi o: «O nilo yaa bua nni moamoani, o baa kubi n maama. Lani, n Baa baa bua o. Ti baa cua o kani ki yaa ye o deni.

Jan n diani U Tienu Laabaaliŋamo maama 16:15

N Baa n pia yaala kuli tie n yaa yaale. Lani yaa po, ke n yedi ke o Fuoma baa yaa taani min pia yaala nni, ki yaa wangi yi.

Jan n diani U Tienu Laabaaliŋamo maama 16:32

U yogunu kpendi, u pundi moko, ke yi baa yadi ki gedi yuakuli o denpo, ki ŋaa nni nbebe. Ama mii ye nbebe, kelima Baa ye leni nni.

Jan n diani U Tienu Laabaaliŋamo maama 5:23

Lani, ke bi niba kuli n yaa jigindi Bijua nani ban jigindi Baa maama yeni. Yua n kaa jigindi Bijua kuli, waa jigindi Baa yua n den soani o.

Jan n diani U Tienu Laabaaliŋamo maama 8:58

Jesu den yedi ba: «N yedi yi i moamoani, hali ke Abalahama daa den ye, “N Ye.”»

Jesu Tondiba Tuona 2:23

Bi den taa laa joa ki teni o yi, ke yi kpa o, ki teni ke yaaba n kaa fangi U Tienu den joani o li dapoanpoanli po, nani U Tienu n den jagi ki bili maama, ke li ŋua leni wan den tuodi ki bani bonla kuli maama.

LOMA YAABA 4:25

Bi den cuo o kelima ti yaa tagili po, ke o go fii bi tinkpiba siiga ke tin baa li moamoansaali.

LOMA YAABA 8:32

Wani U Tienu, yua n kaa den yie ke o Bijua n le fala, den teni ke bi kpani o tikuli po. Lani, o Bijua yeni po, li baa gaa lede ke o kan pa ti li bonla kuli leni ti bulicindi?

2 Korenti 5:21

Wani Kilisiti yua n ki den bani tuonbiadi, U Tienu den teni ke o tua ti tuonbiadi tinba po, ke timo n baa ki tua o yaa niinni U Tienu niteginkaaba.

Galati 3:13

Kilisiti den daa ki faabi ti leni li bali maama yaa solindi, ki den tua ti solindi ti yaa po, kelima li diani: «Ban joani yua ku daagu po kuli tie ti solindi yua.»

Filipi 2:6

O den tie U Tienu n tie maama. Ba ke o den tie yenma leni U Tienu, Waa den sua ke li tie wan baa fie yaala leni u paalu.

Hebilunba 13:20

Mi yanduanma Tienu, yua n den fiini ti Diedo Jesu bi tinkpiba siiga, wani i pe yankpaaciamo, kelima o soama yaama n kuani yaa ŋantaado n baa yaa ye hali yaa yogunu kuli po.

1 Pieri 3:18

Kilisiti moko den laa fala yenma ti tuonbiadi po, ke li dagidi u yogunu kuli po. Wani yua n tiegi den kpe yaaba n ki tiegi po, ke wan gobidi ki gedini yi U Tienu kani. O den kpe ti gbanandi po, ama o den guani ki baa li miali, kelima mi Fuoma po.

1 Pieri 5:4

Lanwani, o yankpaaciamo yaa doagidi o yuli yaa yogunu, yi baa baa yaa kpiagidi n kan yindi yaa badifogiliga.

1 Jan 2:2

Wani n tie i candanbaani padili ti tuonbiadi po. Laa tie ti yaa tuonbiadi bebe po ka, ama ŋanduna yaaba kuli yaa tuonbiadi po.

Mi Doagidima 1:11

U den tua: «Ŋan baa le yaala, ŋan diani la li tili nni ki soani Kilisiti Nitaanleleeda ya n ye Efesi, Simirini, Perigami, Tiatiri, Saridi, Filadelifi leni Laodise dogi nni kuli po.»

Mi Doagidima 1:17

Min den laa o yaa yogunu, n den baa o taana kani nani n kpe yeni. O den maani n po o jienu ki yedi: «Ŋan da jie liba. Mini n tie o kpialo leni o juodika,

Mi Doagidima 1:8

Li Miali Diedo U Tienu U Paaciamu Kuli Daano, yua n den kpa ye, ki ye moala ki go baa ti cua, wani n yedi: «N tie Alifa leni Omega. Lani n tie mi cilima leni mi juodima.»

Mi Doagidima 13:8

Ki tinga nni yaaba kuli baa gbaani ki kpiagi ki fuayanga, bani yaaba yaa yela n kaa diani ki pebiga miali tili nni, lani n tie ban den kodi yaaga hali ke ŋanduna daa tagi.

Mi Doagidima 2:23

N go baa kpa o bila moko. Lanwani, Kilisiti Nitaana kuli baa bandi ke n tie yua n nua bi niba yantiana leni bi pala kuli, ki go baa pa yi siiga yuakuli o panpaani, nani wan tieni maama.

Mi Doagidima 21:6

O go den yedi nni: «Li gbeni! N tie Alifa leni Omega, mi cilima leni mi juodima. U ñuñuunu n pia yua kuli, n baa pa o wan ño li miali ñinbunli kani, ki kan pa liba kuli.