Sakari 13:2 - U TIENU MAAMA TILI 2013

² Landaali, n baa bolini i buli mi diema nni, ke oba kuli kan go tiadi ba bi yela. N baa bolini yaaba n pua mi faama ke bi tie saawalipuaba leni bi yantiajoagindi.

Gourmanchéma Bible

² Laa daali, N baa bolini i *buli mi diema nni, Ke oba kuli kan go tiadi ba bi yela. N baa bolini yaaba n pua mi faama Ke bi tie sawalipuaba, leni bi yantiajoagindi.

Sakari 13:2 ပူးပေါင်းရင်းမြစ်များ

1 Bi Badiba 22:22

O den guani ki yedi o: ‹N baa tua i boandi ciciliga bi saawalipuaba kuli ñoana nni.› O Diedo den yedi: ‹A baa boandi o, a baa fidi mo. Gedi ki ban tieni yeni.› »

Pisomi 16:4

I buli yabidi hali boncianla, Yuakuli jaligi ki baa gedi butoe po, N kan go pa ba mi padisoama, N kan go taa bi yela mo.

Mi Ñama 22:13

Nilo yaa ledi yanga o lielo kani ke ki poagili, bi ke ki kpe ke o bondaano ki ye likani, yua ledi ki yanga yeni baa pa ki panpaani.

Mi Ñama 23:13

Yin ŋoadi n ñoamabona kuli bonŋanla. Yin da gbaani tientoe nintuali, ban da gbadi bi maama yi ñoana nni mo.

Esayi 2:18

I buli kuli baa bodi.

Esayi 2:20

Landaali bi baa taa bi buli yii n tie ŋanjilifa leni wula, ban den tagi yii ki baa yaa pugi yi yeni, ki lu a dapola leni ti janjandi po.

Jeremi 29:23

Bi tieni ti cagindi Isidayeli diema nni, ki ban conbi leni bi lieba puoba, ki pua mi faama n yeli nni, yaa yogunu ke n naa den puogi ba liba. N bani la, mini n go tie li siedo mo. Mini o Diedo n yedi yeni.»

Esekieli 12:24

Bi kan go pua yi mi saawalifaama, ki yedi ke bi baa bonlekaaliba, bi ki boandi yi leni baaguba, Isidayeli buolu siiga.

Esekieli 13:23

Lanwani, yi kan go naani bonlekaala. Yi kan go bu baagu bi po. N baa faabi n niba yi nuu nni. Lani, yi baa bandi ke n tie Li Miali Diedo.› »

Esekieli 14:9

Li yaa tie ke saawalipualo cedi ke bi tulini o, ke o maadi o yuceli maama, mini n cedi ke o tieni yeni. N baa tandi n nuu ki cuo o, ki ñani o n niba Isidayeli yaaba siiga.

Esekieli 30:13

Mini o Diedo U Tienu n yedi: «N baa teni i buli kuli n bodi, N baa ñani Nofi dogu buli. Ejipiti diema kan go yaa pia bado, N baa teni i jeje n yaa ye Ejipiti nni.

Esekieli 36:25

N baa mii yi po yaa ñima n ŋani cain, ke yin ŋuudi ki ŋanbi. N baa ŋuudi ki ŋanbi yi leni yi joagindi leni yi buli kuli.

Esekieli 36:29

N baa faabi yi leni yi joagindi kuli. N kan go teni mi koma n baa yi, ama n baa teni ŋalikama n pudi, ki teni wan tieni hali ki kandi.

Esekieli 37:23

Bi kan go joagini bi yula leni i buli padima, a cancagintuona leni bi biadima buoli kuli. N baa faabi ba ban den ye naankani kuli, ki tiendi ti tuonbiadi, ki ŋuudi ki ŋanbi ba. Bi baa yaa tie n niba, nmo baa yaa tie bi Tienu.

Esekieli 43:7

O den yedi nni: «Nisaalo biga, nekanba n tie n bali kalikaanu leni n taana n taaŋmaakaanu. N baa yaa ye lankane, Isidayeli yaaba siiga yaa yogunu kuli po. Isidayeli yaaba leni bi badiba kan go joagini n yeli yaali n gagidi ki ŋani leni bi cancagintuona, bi kan go yaa kpendi ki piindi bi badiba yaaba n guani a juana padibinbina kani.

Esekieli 6:6

Yin ban ye naankani kuli, yi dogi baa tua diegbendi, yi padibinbina ya n ye a juana po baa mudi, yi padibinbina mo baa wudi. Yi buli baa kua kua ki pendi. Yin juugi a dugibila yaa bunbuna nni baa baa, yin tagi yaala kuli mo baa bodi.

Ose Tili 14:8

Bi baa guani ki cua, Bani yaaba n den ye o soangu nni, Bi baa ko ŋalikama, Bi baa puudi nani i duventiidi, Bi yela baa ña, Nani Liban diema duven yeni.

Ose Tili 2:17

Lanwani, n baa guani o o duventiidi, Ki teni Akori joaloangu, N tua mi suginma buliñoabu. Lankani, o baa tuo ki yaa ŋua nni, Nani o jafandi yogunu, Nani wan den ñani Ejipiti yaa yogunu.»

Ose Tili 2:19

N baa ñani o ñoabu nni Baali yela. Bi kan go tiadi ba o yela mo.

Mise 2:11

Yaa nibuolu n tie ne bua yaa nilo n tiini, Ki ŋua u faalu ki pua mi faama ki tua: ‹N baa maadi yi po duven maama Leni mi dabiadima yaa maama.›

Sofoni 2:11

O Diedo baa cie bi jigi, Kelima o baa bolini bi nisaaliba n jigini yaala kuli. Lani, ba yaa nibuoli n ye hali foagima baa gbaani Ki kpiagi o bi diema nni.

Matie 12:43

Ki cicibiadiga yaa ñani o nilo niinni, ki yen gedi ki ban yaa gaandi yaa fuali n ki pia ñima nni, ki lingi mi fuodima, ki nan kan baa.

Matie 7:15

Fangi mani yi yula leni bi saawalipua-faadanba. Bi kpendi yi kani ki dingi nani i pe yeni, ama moamoani po, bi tie nani yaa fuasangbanbiadi n bua ki bolini yi yeni.

Luki 11:20

Ama li yaa tie U Tienu n puni nni u paalu ke n deli mu cicibiadimu, lanwani U Tienu diema pundi yi kani.

Mi Tiadima 12:3

Yi baa tudi ki lu bi padibinbina, ki juu bi butana leni bi budaadi, ki mudi bi buli nannana, ki bolini bi yela laa kaani kuli nni.

Mi Tiadima 18:20

Ama yaa saawalipualo n paagi o pali ki maadi n yeli nni, min kaa puogi o wan maadi yaama, bi o yaa maadi tiento yeli nni, bi baa kpa laa saawalipualo.›

Josue 23:7

Yin da taani leni yaa nibuoli n sieni, ki ye yi siiga ne. Yin da taa bi tieni yela, yin da taa bi yela ki poli mo, yin da ŋoadi yi, yin da gbaani ki kpiagi yi.

Mi Doagidima 18:2

O den kpaani leni u nialiciamu ki tua: «U baa, u baa, u dociamu Babilonni baa. U tua mu cicibiadimu yekaanu, Muni i bilisinba buoli kuli yekaanu, Leni yaa bonyugiditi n joagini Ki gundi mo n jiidi naankani.

Mi Doagidima 19:20

O den cuo ki fuayanga, wani leni o saawalipua-faadaano, yua n den tiendi mi bancianma o nintuali, ki boandi yaaba n gaa ki fuayanga maalima, ki go gbaani ki kpiagi o nannanli. O den luni bani bonbilie kuli ku fantanbuogu nni ke bi fo, li cidibili n co naani.