Sakari 12:8 - U TIENU MAAMA TILI 2013

⁸ Lanyogunu n baa kubi Jerusalemi yaaba, ba bi siiga yua n tadi ki cie baa yaa pia u fidu nani Davidi yeni. Davidi puoliŋuani baa yaa tie nani U Tienu yeni, nani o Diedo maleki yua n ye bi liiga yeni.

Gourmanchéma Bible

⁸ Laa yogunu n baa kubi Jelusalema yaaba, Baa bi siiga yua n tadi ki cie Baa yaa pia u fidu nani Dafidi yeni. Dafidi puoliŋuani baa yaa tie nani U Tienu yeni, Nani Li Miali Diedo maleki yua n ye bi liiga yeni.

Sakari 12:8 ပူးပေါင်းရင်းမြစ်များ

Pisomi 8:5

N yen yedi: O nisaalo tie be ke a tiani o po? O nisaalo n mali yua n tie be ke a kubi o, Ki lani o ti kpiagidi leni ti jigidi?

Pisomi 82:6

N yedi: «Yikuli tie tieni yo. Yi tie tanpoli Bado bijabe.

Mi Ñama 14:19

U Tienu maleki yua n yen ye Isidayeli yaaba goli liiga den lebidi ki guani bi puoli po. Ku tawaligu yaagu n den ye bi liiga moko den lebidi ki guani bi puoli po.

Mi Ñama 33:2

N baa soani n maleki wan yaa ye liiga ki cangi yi. N baa deli Kanana, Amoriti, Hititi, Perisiti, Hiviti leni Jebusi yaaba.

Esayi 30:26

U cipienu baa yaa tie nani u yienu yeni. U yienu mo baa yendi taalimilele ki pugini, Nani danalele yenma N baa taani yenma maama yeni. Li baa yaa tie o Diedo n baa buu O niba poagilima yaa daali, Ki paagi ban den pua ki poagili naani.

Esayi 31:4

O Diedo yedi nni yaa maama n tie ne: «Nani o yangbanlo bi li yangbanbili N yen duni wan cuo yaala po maama, Ki naa yagini o yama leni yaa yankpaaba N taani ki cua ki baa baa o po, Ki naa jie bi coali ke bi kuudi mo ki jiendi o yeni, Li Miali Diedo U Paaciamu Kuli Daano moko jiidi Siyon juali leni o joabiga kuli yuli po, Ki baa tieni bu toabu yene.

Esayi 33:24

Mi diema nni oba kuli ki tua: «Mii pa.» Yaa nibuoli n ye Jerusalemi baa sugili bi tagili po.

Esayi 49:7

O Diedo Isidayeli Tienu Yua n Gagidi ki ŋani, Bi daafaabika yedi: «Ban fali yua, I nibuoli kuli n nua ke yua n joagini, Ki tie bi tugutondanba yonbo, Bi badiba baa le o ki fii ki sedi, Bi badijaba mo yaa laa o, Bi baa gbaani ki pugi o, Kelima o Diedo yua n tie dugika po, Leni wani Isidayeli Tienu yua n Gagidi Ki ŋani ki gandi o po.»

Esayi 53:3

Bi niba den fali o, ki ŋaa o, Wani o falabiado nilo, yua n maani fala, O den naani leni ban den buli yua ki nunga. Ti den fali o ki nua ke waa tie puu.

Esayi 63:9

Bi paboanli kuli yaa niinni, Yaali n den tie omoko yaa paboanli. Yaa maleki n ye o nintuali n den faabi ba. Hali yogu o Diedo den daa ki faabi ba, Ki gobini ba ki tugi ba, Kelima o buama leni o ninñingbadima po.

Jeremi 27:10

Bi pua yi saawalifaama, ki bua yin foagidi leni mi diema, ke min ña yi maama nni, yin bodi.›

Ose Tili 1:7

Ama n baa faabi Juda yaaba wani. Mini o Diedo, bi Tienu n baa faabi ba. N kan faabi ba leni a dabana, mu jugisiemu, bu toabu, i taami, bi leni bi tanjagiba ka.»

Ose Tili 12:3

O Diedo baa bu leni Juda diema yaaba moko, O baa waani Jakob buolu fala, Kelima bi bontienkaala po. O baa guani ba bi panpaani, Nani bi tuona n tie maama.

Ose Tili 3:5

Li yaa puoli, bi baa lebidi ki cua ki lingi o Diedo, bi Tienu leni bi bado, Davidi puoliŋuani siiga. Bi baa faa ki guani o Diedo kani leni li fangili, ki go baa o ŋanbili.

Levi 26:8

Yi siiga nni, nibimuu baa deli niba kobiga, niba kobiga mo n deli niba tuda piiga (10 000). Ki jugisiega n baa bolini yi yibalinba yi nintuali.

Mise 5:8

Isidayeli yaaba, pua mani yi koanginkaaba, Ki bolini yi yibalinba kuli.

Mise 7:16

I nilanbuoli baa le lani i fe n cuo ba, Ba leni ban pia yaa paalu kuli. Bi baa pii bi ñoana, bi tuba mo n womi.

Mise 7:8

N yibali, da mangi a pali. Ba n yaa baa, n baa go fii. Ba n yaa ye li biigili nni, O Diedo tie n yenma.

Sakari 10:7

Isidayeli buolu baa yaa tie nani a jakoanda yeni, Bi pala baa yaa mani Nani yaaba n ñuni mi daama yeni. Bi puoliŋuani baa le o Diedo N baa pa ba yaa pamancianli yeni.

Sakari 2:5

Li bonlekaala nni, n den laa joa ke o se ki kubi u baabibiigiko.

Sakari 9:14

O Diedo baa doagidi o niba yula po, O piemu baa gedi nani mi tañigima yeni. Li Miali Diedo U Tienu, baa piebi li naatuntunli, Ki yegi leni ganu po tafaaciangu ki cua.

Sakari 9:8

N baa yaa guu n diema, Ki koani ki gaa ma yaa toagola n fii mi po kani. Oba kuli kan go waani n niba fala, Kelima moala n maani n nuni bi po.»

Malaki 3:1

O Diedo U Paaciamu Kuli Daano n guani yi yaala tie line: «N baa soani n tondo, ke wan kua liiga ki ŋanbi n po u sanu. Lanyogunu, yin lingi o Diedo yua yeni baa ludi ki cua o diegu nni. Diidi, min den kuani leni yi yaa ŋantaado yeni tondo nne. Wani n kpendi yeni!» Li Miali Diedo U Paaciamu Kuli Daano n yedi yeni.

Matie 1:23

«Diidi, li puowandiali baa punbi ki maa bonjaga. Bi baa yini o Emanueli.» Laa yeli bundima n tie “U Tienu ye leni ti.”

LOMA YAABA 9:5

Bi tie ti yaajanba puoliŋuani, Kilisiti moko den mali bi yaa buolu nne ti gbanandi po, wani yua n die li bonla kuli. U Tienu n baa ti pagidi hali yaa yogunu kuli. Amina!

1 Timote 3:16

Oba kan nia ke U Tienu sanŋoadima bondoaginkaala ñua boncianla. Laa bondoaginkaala tie: O den doagidi o yuli ti gbanandi nni. U Tienu Fuoma den saa o po i moamoani, Malekinba den laa o, Bi den wangi o maama i nilanbuoli nni, Bi den daani o ŋanduna nni, O den guani ki doni ti kpiagidi kaanu kani.

Hebilunba 11:34

ki go gbindi yaa mu n co jama, ki sani ki faabi bi yula mu jugisiemu ñoana nni, ki paadi i yiani, ki tua jakoanda bu toabu nni, ki deli bi nilanba toagola.

Josue 23:10

Yi siiga niyendo yen deli niba tudili, kelima o Diedo yi Tienu den koani yi po, nani wan den yedi yi maama.

Mi Doagidima 22:13

N tie Alifa leni Omega, o kpialo leni o juodika, mi cilima leni mi juodima.

Mi Doagidima 22:16

Mini Jesu den soani n maleki, ke wan doagidi yi po laa bonla kuli n Nitaana nni. N tie Davidi benkpeli leni o puoliŋuanu, ki go tie ki tiŋaaŋmabiga yaaga n yendi ki ñuliti.»