Sakari 12:10 - U TIENU MAAMA TILI 2013

¹⁰ U Tienu go yedi: «N baa gbieni Davidi puoliŋuani leni Jerusalemi yaaba, yaaba n sieni, mi ninñima leni bu miabu yaa yantiali. Bi baa pegidi ki diidi mini, ban den muu mini yua yeni. Li paboanli baa cuo ba, nani bonjayenyenga kuuma yaa paboanli yeni. Bi baa mua boncianla, bi baa mua hali boncianla nani o nilo bijakpelo kuuma yeni.

Gourmanchéma Bible

¹⁰ U Tienu go yedi: «N baa gbieni Dafidi puoliŋuani leni Jelusalema yaaba yaaba n sieni, Leni mi niñima yantiali leni bu miabu yaa yantiali. Bi baa pegidi ki diidi mini, Ban den muu mini yua yeni. Li paboanli baa cuo ba, Nani bijayenyendo kuuma yaa paboanli yeni. Bi baa mua boncianla, Bi baa mua hali boncianla nani o nilo bijakpelo N yen kpe lan tua maama yeni.

Sakari 12:10 ပူးပေါင်းရင်းမြစ်များ

Mi cilima 45:1

Josefi naa go den fidi ki kubi o yuli yaaba n den lindi o kuli nintuali. O den kpaani ki yedi: «Teni mani bi niba kuli n ña.» Oba kuli n ki go den ye leni Josefi yaa yogunu, o den teni ke o kpeliba leni o waalo bandi wan tie yua.

Mi cilima 45:2

O den kpaani ki buudi. Ejipiti yaaba den gbadi, ba Faraon diegu yaaba den gbadi ke o buudi.

Pisomi 51:12

Ŋain U Tienu, pa nni yaa pali n pieni, Pandi mi tuoma yantiali n niinni.

Mi Kpanjama 1:23

Pegidi mani ki cengi n tundi. N baa yadi yi po n yanfuoma, Ki teni yin gaa n maama.

Mi Kpanjama 4:3

N den tie n baa po bimoanga. N naa mo den bua nni nani n tie o bonjayenyenga yeni.

Esayi 32:15

Dayenli o Diedo baa jiini o Fuoma ti po. Lani, mi fanpienma baa kpandi ki tua tikuanu, U tikuanu yeni mo baa kpandi ki tua fuajali.

Esayi 45:22

Yinba yaaba n ye hali i tinbiani kuli, Jigidi mani ki nuali nni Ki baa mi faabima, Kelima mini n tie U Tienu, Tientoa ki ye.

Jeremi 31:19

Ti den yaadi, ama ti biidi ti pala ki mia sugili. A teni ke ti bandi ti tagili ki pua ti bena, I fe pia ti kelima tin den tieni yaala ti panma nni po.›

Jeremi 31:9

Bi kpendi ki mua yo. N cangi ba leni i baagi Ki gobidi ba yaa ñima n puubi po. Bi ŋua sanyendu, Ban kan tuudi naankani. N tie Isidayeli yaaba po nani bibaa yeni. N bijakpelo mo n tie Efrayimi.»

Jeremi 50:4

Laa dana nni, o Diedo yedi Ke Isidayeli leni Juda yaaba Baa taani ki yegi ki lebidi ki guani. Bi baa yaa cuoni ki mua ki lingi O Diedo bi Tienu.

Jeremi 6:26

N niba, yie mani li paboanli tiadi, Bili ki lebidi mani mi fantanpienma nni, Mua mani boncianla, Nani bonjayenyenga kuuma yeni, Kelima yua n cua ki baa bolini yeni, ludi ti.

Esekieli 20:43

Lankane yi baa yaa tiadi yi tagu po leni yin den joagini yi yula leni yaa tuona kuli po. I fe baa cuo yi leni yin den soani yaa tuonbiada kuli po.

Esekieli 37:14

N baa kuani n Fuoma yi niinni, yin go guani ki faadi. N baa guani ki kaani yi yi diema nni. Yeni, yi baa bandi ke mini Li Miali Diedo n maadi, n go baa tieni la mo. Li Miali Diedo U Tienu n yedi yeni.› »

Esekieli 39:29

N kan go buli ba n nunga, kelima n baa jiini n Fuoma Isidayeli buolu po. Mini o Diedo, U Tienu n yedi yeni.»

Amosi 8:10

N baa lebidi yi badi dana, ŋan tua paboanli dana, Ki lebidi yi yani kuli mo, yin tua kumoe. N baa teni bi niba kuli n la li paboanli tiadi, Ki doagidi bi paboanli. N baa kuo ba yubima, Ki teni li paboanli n cuo mi diema yaaba kuli, Nani bonjayenga kuuma yeni. Landaali cilima hali li juodima baa yaa tie paboanli daali.»

Sakari 13:9

N baa ŋaani bani yaaba n sieni ki fo yeni, Nani ban yen puli ŋanjilifa leni wula U mu nni maama, Ki ñani ti joagindi yeni. Bi baa yaa jaandi ki miadi nni, N baa yaa gaani bi miabu. N baa yedi: ‹Bine n tie n niba.› Bimo n yedi: ‹Li Miali Diedo tie ti Tienu.› »

Mi Coadima 21:9

Musa den duadi ti kumoandi wa, ki joani o ku dafoagidigu po. Wa n den ñidi yua kuli, ke o yaadi ki diidi ti kumoandi wa yeni, o yen ciadi.

Matie 24:30

Lani, o Joa Bijua sinankeene baa doagidi tanpoli, ŋanduna nibuoli kuli baa mua. Bi baa le ke o Joa Bijua ye ti tawadi nni, ki kpendi leni u paalu leni ti kpiagiciandi.

Matie 26:75

Pieli ji den tiadi Jesu n bi yedi o yaala: «Hali ke ku kootongu daa mua, a baa nia taalimitaa ke ŋaa bani nni.» O den ñani ki ban mua leni li paboanli.

Jan n diani U Tienu Laabaaliŋamo maama 1:29

Lan den fii ki faa, Jan den laa Jesu ke o kpendi o kani, ki yedi: «Diidi mani U Tienu Pebiga, yua n ñandi ŋanduna tuonbiadi.

Jesu Tondiba Tuona 10:45

Li den paki yaaba n den daani ki tie Jufinba ki yegi leni Pieli kuli, ban laa ke U Tienu puni bi nilanba o paabu, yaabu n tie U Tienu Fuoma Yua, ke o jiidi bi po.

Jesu Tondiba Tuona 11:15

Min den cili ki maadi yaa yogunu, U Tienu Fuoma Yua den jiidi bi po, nani wan den kpa jiidi ti po maama yeni.

Jesu Tondiba Tuona 2:17

U Tienu yedi: ‹Mi juodima yogunu n baa teni n Fuoma n jiidi Ki yadi yadi bi nisaaliba kuli po, Yi bijaba leni yi bisiaba baa yaa pua saawali. Yi jawaaba baa baa li bonlekaala, Yi jakpela mo baa dangi ti dangidi.

Jesu Tondiba Tuona 2:33

U Tienu den duoni o o jienu po ki kpiagi o. O den baa wani Baa kani U Tienu Fuoma Yua nani U Tienu n den niani maama, ki yadi yadi o ti po, nani yin nua ki go gba maama.

Jesu Tondiba Tuona 2:37

Ban den gbadi laa maama, mi den cuo bi pala ke bi yedi Pieli leni o tondilieba: «Ti kpiiba, ti baa tieni lede?»

LOMA YAABA 8:15

U Tienu naa puni yi yaa Fuoma n teni ke yi tie yonbi, ki go baa ye i jeje nni ka. Ama yi baa U Tienu Fuoma yaama n puni yi mu bimoanmu yaa bali, ke ti kpaani ki tua U Tienu: «Ti Baa, ti Baa!»

LOMA YAABA 8:26

Li tie yeni, mi Fuoma moko todi ti ti tadingu nni, kelima tii bani lan pundi tin mia U Tienu yaa miabu ti jaandi nni. Ama mi Fuoma mani miba miadi U Tienu ti po, ki duni yaa dunli n ki pia maama.

Efesa 6:18

Mi Fuoma n teni yin yaa jaandi yogunu kuli, ki yaa miadi U Tienu yogunu kuli bu miabu buoli kuli. Yaa miadi mani U Tienu o nigagidiŋanba kuli po ki da yoaligi, ki da cedi.

Hebilunba 12:2

Tin yaa tiini ki nua Jesu yua n tie li dandanli cilika leni li ŋanbika. O den tuo li dapoanpoanli yaa kuuma, ki fali yaa fe n ye lienni, kelima yaa pamanli n den bili o po, ki kali U Tienu bali kalikaanu jienu po.

Jude 1:20

Ama yinba n buakaaba, yin yaa suagi liiga yi dandanli yaali n gagidi ki ŋani boncianla nni, ki yaa jaandi leni U Tienu Fuoma Yua yaa paalu.

Mi Doagidima 1:7

Diidi ki le mani, O kpendi ti tawadi nni, Nunbu kuli baa le o, Ba yaaba n den muu o baa le o. Ŋanduna nibuoli mo kuli, Baa buudi kelima o po. Yeni n yeni! Amina!

1 Samueli 7:2

Ban den gedini ku kpaku Kiriyati-Yearim, ku den waagi ki bili lipo, ke li pundi bina piilie. Isidayeli yaaba kuli den buudi ki guani ki nuali o Diedo.