Sakari 12:1 - U TIENU MAAMA TILI 2013

¹ O Diedo n yedi yaala Isidayeli yaaba po, Wani yua n tagi tanpoli, Ki go bili ki tinga tanpuuna, Wani yua n puni o nisaalo li miali yedi:

Gourmanchéma Bible

¹ Li Miali Diedo n yedi yaala Isalele yaaba po, Wani yua n tagi tanpoli, Ki go bili ki tinga tanpuuna, Wani yua n puni o nisaalo li miali yedi:

Sakari 12:1 ပူးပေါင်းရင်းမြစ်များ

Mi cilima 1:8

U Tienu den cili mi fanma yeli tanpoli. Ku yenjuagu leni ku tiŋaagu den ye, lani n den tua li dalieli.

Mi cilima 2:7

O Diedo den taa ki tinga tama ki tagi o nisaalo. O den fuo o miani nni li miali fuoma, ke o nisaalo tua yaa miali n fo.

Jobi 26:7

O teni ke nujienu ye u damu nni, Ki teni ke ki tinga mo juani ku lengu nni.

Jobi 37:18

Naani a den ye leni U Tienu, Ki baa fidi ki tandi tanpoli, Yua n juagi nani ban duadi yaa madiidiga yeni?

Pisomi 104:2

A la mi yenma, Nani li liadicianli yeni, Ki dadi ki tandi ti tawadi, Nani li gbandieli caba yeni.

Pisomi 134:3

O Diedo yua n tagi tanpoli leni ki tinga yeni, N cili Siyon kani ki yaa seligidi yi!

O Yanfuodaano 12:7

Lanyogunu o nisaalo gbanandi baa guani ti tandi nni, tin ñani naani. O naano mo baa guani U Tienu po, wani yua n den puni o ti.

Esayi 40:12

Ŋme n biigi o nupuogu nni mi ñincianma ñima? Ŋme n biigi leni o nubadiyaagu ki bandi Tanpoli pianu n da maama? Ŋme n fidi ki taani ki tinga tama kuli Ki biigi ma? Ŋme n joani a joaciama leni a joabila Ki baa biigi ki bandi a kpiagu?

Esayi 40:22

Wani n tie yua n ye ki tinga Gaanilindima tanpoli, Ki nua bi niba nani i naaci yeni. O yen ladi ti tawadi nani yaa cabili n faali yeni, Ki dadi ki tandi tanpoli mo nani li gbandieli yeni, Lan tua o yekaanu.

Esayi 42:5

Li Miali Diedo U Tienu yua n tagi tanpoli, Ki tandi tanpoli leni li fanma, Ki ladi ki tinga leni yaala n pudi ki po kuli, Ki puuni yaaba n ye ki po kuli mi fuoma, Ki go puuni yaala n cuoni ki po kuli li yaa fuoma, Maadi yaa maama n tie ne:

Esayi 44:24

O Diedo yua n daa ki faabi yi, Wani yua n den tagi yi hali ke Yi da ye yi naa tugu nni, Yedi yaa maama n tie ne: «Mini Li Miali Diedo n tagi yaala n ye kuli, Mini bebe n dadi ki tandi ti tawadi, Mini n ba n tagi ki tinga.

Esayi 45:12

Mini n tagi ki tinga, Ki go tagi o nisaalo ke o ye ki niinni. N yaa nii n dadi ki tandi ti tawadi, Ki gobidi tanpoli toagoli kuli.

Esayi 45:18

O Diedo, wani U Tienyendu Yua n tagi ki tinga, wani n tieni ka, Waa den tagi ka tinkuonga ka, Ama o den n tagi ka ke bi niba n yaa ye ki niinne. O yedi yaa maama n tie ne: «Mini n tie Li Miali Diedo, tiento ki ye.

Esayi 48:13

N nuu n bili ki tinga tanpuuli, N nujienu mo n dadi ki tandi tanpoli. N yaa yini tanpoli leni ki tinga, Bikuli yen taani ki cua yenma.

Esayi 51:13

Ki sundi o Diedo yua n den tagi a po? Ŋaa bani ke wani n dadi ki tandi ti tawadi, Ki bili ki tinga tanpuuli? Be yaa po yo ke a baa yaa ye daali kuli yaa jawaandi N ki pia gbenma nni? Be yaa po yo ke a jie yua n faligidi a pabiencianli, Nani o yaa bi baa fidi ki bolini a yeni.

Esayi 57:16

N kan yaa koani leni ba yogunu kuli ka. N kan yaa fiindi n pali bi po yogunu kuli ka, Kelima n yaa tiendi yeni, Min tagi yaala ke li pia miali kuli baa bodi.

Jeremi 10:12

O tagi ki tinga leni o paalu, Ki tagi ŋanduna leni o yanfuoma. O tandi ti tawadi leni o yanfuoma.

Jeremi 30:10

Fini n naacemo Jakob, Da jie liba, o Diedo n yedi yeni. Isidayeli, da digibi ba! Diidi n baa faabi a ki tinga nni Leni a puoliŋuani n ye ti yonbidi yaa diema nni. Jakob baa guani ki mangi o pali Mi fuodima po leni mi yanduanma po. Oba kuli kan go cua ki lengi o yama.

Jeremi 30:16

Lani n teni ke yaaba n dini a, Bi baa je ba. A yibalinba kuli baa gedi ti yonbidi. Yaaba n den su ŋa, bi baa su ba. Yaaba n kpendi ki fagi a. Bi baa fagi bimoko.

Jeremi 38:16

O bado Sedesiasi den niani o saawalipualo Jeremi ŋasiili nni u ñoanianu, ki poli ki yedi o: «O Diedo yua n fo ki puni ti li miali yeni po, n kan teni ban kpa ŋa. N kan teni a yaaba n bua ki ñani a miali yeni mo.»

Jeremi 50:34

Ama bi todika pia u paalu, Wani yua n yi Li Miali Diedo U Paaciamu Kuli Daano yeni. O baa koani ki gaa ba, U dogu n baa mi yanduanma, Ama o nan baa coagi Babilonni yaaba wani.

Jeremi 51:15

O Diedo tagi ki tinga leni o paalu, Ki diani u tinbianu leni o yanfuoma, Ki tieni ti tawadi mo leni o banma.

Jeremi Bubula 2:14

A saawalipuaba baa a po li bonlekaala, Yaa bonlekaala n ki pia ñuadiba, Kaa pia fuomiba kuli mo. Baa kadi ki waani a tagili kuli cain, Ki baa ñani a ti yonbidi nni. Bi baa a po yaa bonlekaala n kaa mani, Ki go pia i boandi.

Esekieli 18:4

Mini n die yuakuli miali, bibaa miali leni ki biga miali, mini n die laa mialieda kuli. Yua n tieni ti tuonbiadi, wani n baa kpe.

Sakari 9:1

O Diedo mayedikaama nne: O Diedo maama pundi Hadilaki diema, Mi pendi ki ban pundi hali Damasi dogu, Kelima o naa die Isidayeli buoli bebe ka, O die bi nisaaliba kule.

Malaki 1:1

O Diedo n den teni ke Malaki soagini o maama yaama Isidayeli yaaba po.

Mi Coadima 16:22

Musa leni Alono den labini bi nunmu po, ki yedi: «Fini U Tienu, U Tienu yua n puuni yaala n fo kuli li miali. Naani a baa fiini a pali li nitaanli kuli po, niyendo yaa tuonbiadi po?»

Hebilunba 12:9

Ti baanba yaaba n tie nisaaliba den tundi ti tundifala, ke ti fangi ba. Lanwani, li pundi tin miini ti yula ti Baa yua n ye tanpoli kani, ke tin yaa pia li miali.