Sakari 11:16 - U TIENU MAAMA TILI 2013

¹⁶ kelima n baa cuani mi diema po, yaa yankpaalo n kan yagi o yama yaa pe n baa bodi po. O kan gedi ki ban lingi yaa pebiga n yaadi. O kan buu yaa pia n poagili. O kan dini yaa pe n pia laafia ban guo. Ama o baa yaa ŋmani yaa pe n pia mi kpama, ki ŋmani ki ban taani leni a taawoga kuli.»

Gourmanchéma Bible

¹⁶ kelima n baa cuani mi diema po yaa yankpaalo n kan yagi o yama yaa pe n baa bodi po. O kan gedi ki ban lingi yaa pebiga n yaadi. O kan bu yaa pia n poagili. O kan ŋmandi nni yaa pe n pia laafia, ban guo. Ama o baa yaa ŋmani yaa pe n pia mi kpama, ki ŋmani ki ban taani leni a taawuoga kuli.»

Sakari 11:16 ပူးပေါင်းရင်းမြစ်များ

Mi cilima 31:38

Dunla n tie bina piilie ke n den ye a kani, a pe leni a ŋuabi naa den mii, n naa dini a yangola petonli ba yenli.

Mi cilima 33:13

Jakob den guani ki yedi o: «N daano, a bani ke a bila dingi ki daa pia fidu. N pia a peñuana leni a naañuana yaaba n ŋaandi bi bila. Ti yaa deli ba ke bi cuoni tontoni ba dayenli, li yangoli kuli baa bodi.

Esayi 40:11

O kpaa o yangoli nani o yankpaalo yeni. O gobidi ki taani a pebila leni o buagu, Ki taa ba ki ŋmabi. O gobidi yaa peñoe n da ŋaandi.

Jeremi 23:2

Lani n teni ke o Diedo Isidayeli Tienu maadi leni yaa gobidikaaba n gobidi o niba, ki yedi: «Yi pua ki yadi n niba, ki deli ba. Yii kubi ba bonŋanla. N baa fii ki sedi yi po kelima yi tuona n bia maama po. O Diedo n yedi yeni.

Jeremi 23:22

N juogu daali bi yaa den ye lienni, Bi den baa fidi ki teni n niba n gbadi n maama, Ki teni ban ŋaa bi tagibiadu leni bi tuongunda.»

Esekieli 34:10

Mini o Diedo U Tienu yedi mi naa maama: N baa fii ki sedi Isidayeli yankpaaba yeni po. N baa buali ba ban den kubi n yandi yaadi yeni po. N kan go cedi ban yaa kpaa n yandi. Lani, bi yankpaaba yeni kan go yaa nua bi yucela ŋamu bebe. N baa fie n pe, ki babidi ba bi ñoana nni, ke ban go da tua bi jiema.»

Esekieli 34:16

N baa lingi yua n bodi, ki guani yua n yaadi. N baa tieni u ñoagu ki go fini leni li cabili yua yaa taali n kua, ki paagi yua n yia mo yaa gbanu. Ama n baa bolini yaaba n pia mi kpama ki go pia u fidu yeni. N baa yaa kpaa ba leni mi teginma.»

Esekieli 34:21

kelima yi den tudi yaa pe n tadi leni yi boacaba leni yi bena, ki tuoni ba leni yi yina hali ki ban deli ki ñani ba li yandieli nni.

Danieli 11:36

Nujienu po diema bado yeni, baa yaa tiendi wan bua yaala kuli. O baa gbengi oba ki kpiagi o yuli, ki tama ke o cie U Tienu leni i buli kuli, ki go maadi U Tienu yua n cie ban ŋua yaala kuli po mi mabiadima. Wan tieni yaala kuli baa cuoni o po bonŋanla hali U Tienu pabienli n doagidi. Lani, U Tienu n den bili yaala kuli baa tieni.

Jan n diani U Tienu Laabaaliŋamo maama 10:1

N yedi yi i moamoani, yua n ki tagini bu buliñoabu kani ki kua li yanloli nni, ama ki doni kaanto yo ki kua, tie suudo leni sanjialo.