Sakari 10:9 - U TIENU MAAMA TILI 2013

⁹ N den yadi ba i nilanbuoli nni, Ama bi den tiani n po, Ba ke bi den ye foagima. Bani leni bi bila kuli baa ciadi, Ki yegi ki lebidi ki kpeni.

Gourmanchéma Bible

⁹ N den yadi ba i nilanbuoli nni, Ama bi den tiani npo, baa ke bi den ye foagima. Bani leni bi bila kuli baa ciadi, Ki yegi ki lebidi ki kpeni.

Sakari 10:9 ပူးပေါင်းရင်းမြစ်များ

Nehemi 1:9

Ama yi yaa lebidi ki guani n kani ki go kubi n bali maama, ki tiendi man yedi yaala mo, lanwani ba bi yaa gedini yi ti yonbidi hali ŋanduna bianu, n baa ñani yi lipo ki taani yi, ki guani yi min den gandi yaa kaanu nni, ki bili ke bi baa yaa kpiagidi nni likani yeni.›

Esiteri 8:17

O bado bali maama leni o ñoamabonli yeni n den pundi yaa diebiga leni yaa dociamu kuli nni, Jufinba den ye leni li pamancianli, ki tieni mi jaanma leni mi jaanjiema. Yaa nibuoli n den ye mi diema nni kuli siiga, bi niba boncianla den lebidi ki tua Jufinba, kelima bi den jie Jufinba boncianla.

Esayi 44:21

Yinba Jakob puoliŋuani Isidayeli yaaba, Tiadi mani yaa bonla n tie ne po, Kelima yi tie n naacenbe. Mini n tagi yi, ke yi tie n naacenba. Yinba Isidayeli yaaba, n kan sundi yi po.

Esayi 64:4

A tuogi ki biali yua n tiendi mi teginma leni li pamanli, Leni yaaba n ŋua a sani ki tiadi a po, Tin den ŋua yaa sani ke a den faabidi ti yogu kuli. Ama a pali den fii, kelima ti tieni ti tuonbiadi.

Esayi 65:23

Bi kan go yaa faligidi bi yula fanma fanma. Bi kan go bandi maakuuga, Kelima bi baa yaa tie o Diedo n seligi Yaa niba yaa puoliŋuani, Bi bila mo n yaa ye leni ba.

Esayi 65:9

N baa ñani Jakob puoliŋuani siiga, Yendo, yua n baa diedi n juana. N baa ñani Juda kani min gandi yaaba. Bi baa diedi n juana yeni. N naacenba mo n yaa ye a po.

Jeremi 31:27

O Diedo yedi: «A dana kpendi, ke n baa teni Isidayeli leni Juda diema nni, bi niba leni ti yandi n tua nani li bonbulikaala yeni.

Jeremi 51:50

Yaaba n ciadi ki jugisiega, sani mani, da sedi mani! Yaa tiadi mani hali foagima o Diedo po, ki nan da sundi Jerusalemi mo yaa po!

Esekieli 6:9

Lani, yi niba yaaba n ciadi yeni, baa tiadi n po, ban ban ye ti yonbidi yaa nibuolu siiga. Min baa mudi bani yaaba yaa pala, ya n yie nni ki tiendi mi conconma leni i buli yeni, baa tiadi min den faligi ba maama. Bi kan go fidi ki diidi bi lieba nunmu, kelima bi cancagituona po.

Ose Tili 2:23

O Diedo yedi: «Lanyogunu, N baa tua yaa Tienu n gaani bu miabu, N baa pa tanpoli wan bua yaala, Tanpoli mo n pa ki tinga kan bua yaala,

Amosi 9:9

Ama ba yeni, n kan bolini Jakob puoliŋuani cain. O Diedo n yedi yeni. Diidi, n baa ñani n ñoamabona, ki yedi: «Ban gbedi Isidayeli yaaba i nilanbuoli kuli siiga, Nani ban yen gbedi i di ki ñandi a fiada maama yeni. N kan tuo ba dibiyenma n baa tiipo.

Mise 5:7

Jakob puoliŋuani yaaba sieni baa yaa ye Yaa nilanbuoli n yabi siiga, Nani yaa yangbanlo n ye ti fuayandi siiga, Bi nani yaa yangbanbili n ye A pegola siiga yeni. O baa yaa cuoni bi siiga ki co ki dadi ki padi, Ke oba kuli mo kan fidi ki gaa ba o kani.

Jesu Tondiba Tuona 8:1

Landaali bi niba den cili ki wangi Kilisiti Nitaanli, yaaba n ye Jerusalemi o falabiado. Jesu tondiba yaa ka, yaaba n sieni kuli den yadi yadi Jude diema nni leni Samari diema nni.

Jesu Tondiba Tuona 8:4

Yaaba n den yadi yadi yeni, den caa i kaani boncianla ki wangi U Tienu Laabaaliŋamo.

LOMA YAABA 11:24

Li yaa tie ke fini yua n bi tie olivie tilianbu benga, den jia ki tugini yaa olivie tibu n tie tiŋuukaabu, ki naa tie a yaa buolu kani, lanwani laa pia kuli tama, ke bani moko baa fidi ki guani ki tugini, bani bi ba yaa tibu kani, nani bi buolu n tie maama.