Sakari 10:8 - U TIENU MAAMA TILI 2013

⁸ N baa teni ban kpaani ki taani n niba, Min faabi ba ki teni ban yabidi Nani ban den kpa yabi maama.

Gourmanchéma Bible

⁸ N baa teni ban kpaani ki taani n niba. Min faabi ba, Ki teni ban yabidi nani ban den kpa yabidi maama.

Sakari 10:8 ပူးပေါင်းရင်းမြစ်များ

1 Bi Badiba 4:20

Juda yaaba leni Isidayeli yaaba den yabi boncianla nani mi ñincianma kunu tanbiili yeni. Bi den di ki ñu ki mangidi bi pala.

Mi Ñama 1:7

Isidayeli yaaba den maa ki pugidi boncianla. Bi den yabidi ke bi paalu mo pugini boncianla. Bi den gbie mi diema nni.

Esayi 44:22

N bolini yi tagili nani ku tawaligu yeni, Ki bolini yi tuonbiadi mo Nani ku gbangbadigu yeni. Guani ki cua n kani, Kelima n den daa ki faabi yi.

Esayi 48:20

Ña mani Babilonni nni, Sani mani ki ña Kalide yaaba siiga. Leni li pamanli kpaani, Yin kpaani ki waani laa laabaalo, Hali yaaba n ye u tinbianu n gbadi. Yin yadi li laabaalo ki yedi: «O Diedo daa ki faabi o naacemo, Jakob puoliŋuani.»

Esayi 5:26

O yini yaa nilanbuoli yaa banli n foagi. O piebi ki yini u tinbianu yaaba kuli. Bi jaligi ki cua kaa pua biabia.

Esayi 51:11

O Diedo n faabi yaaba, Baa lebidi ki kpeni yene. Bi baa pundi Siyon leni li pamanli yani, Yaa pamanli n ki pia gbenma mo N baa yilini bi yula. Li pamanli leni li pamankandikaali N baa sani ki cua. Li paboanli leni i figindi mo baa sani ki foagidi.

Esayi 7:18

Laa daali, o Diedo baa fuoni Ki yini yaa sii n ye Ejipiti ñinsani juodima po, Ki go fuoni ki yini yaa naakpansii n ye Asiiri diema nni.

Esayi 7:19

Laa sii kuli baa cua ki yaa ye ti joaloandi Jiidima kani, A tanciama mabinma nni, Ti tugandi leni i yankpaakaani kuli nni.

Jeremi 33:22

Nani ban kan fidi ki coadi tanpoli ŋmabila maama kelima a yabinu po yeni, bi ki biigi mi ñincianma tanbiima maama yeni, n baa teni n naacemo Davidi puoliŋuani leni bani Levi buolu, yaaba n tuuni n po n pili yene.»

Mise 2:12

Jakob puoliŋuani, n go baa ti taani yikuli. N baa taani yinba Isidayeli yaaba, yaaba n sieni. N baa taani yikuli nekanba nani yanloyenli pe yeni, Bi nani yaa yangoli n taani yankpaakaanyendu yeni. Lanyogunu yi baa kpaani li pamanli kpaani.

Sakari 9:11

O Diedo yedi: «N ñani yi yonbi yaaba n ye Yaa kpaadidieli n tie nani li caakuonli yeni nni. N faabi ba kelima yaa ŋantaado n ye Mini leni yinba siiga, A pada soama n doagidi Ke yaa ŋantaado n ye moamoani yeni.

Matie 11:28

Cua mani n kani, yinba yaaba n tugi a tugikpiaga ki coagi kuli, n baa pa yi mi fuodima.

Mi Doagidima 22:17

Mi Fuoma leni o Puocaano kuli yedi: «Cua na!» Yua n gba kuli moko n yedi: «Cua na!» U ñuñuunu n pia yua kuli, n cua. Yua n bua kuli n cua, ki yaa ñu li miali ñima, ke panpaani ki ye.

Mi Doagidima 7:9

Lani n pendi, n den laa yaa niligu n yabi hali ke oba kuli kan fidi ki coadi ba, bani, yaaba n ñani ŋanduna diema, i nibuoli leni i mabuoli kuli nni. Bi den se li bali kalikaanu leni ki Pebiga nintuali, ki la a liadipienciama ki muubi ti kpakpafaadi.