Sakari 10:6 - U TIENU MAAMA TILI 2013

⁶ N baa pa Juda yaaba u paalu, Ki faabi bani Isidayeli yaaba. N baa gbadi bi po mi ninñima, Ki lebidi ki guani ba bi deni. Bi baa yaa tie n po nani mii den kpa Yie ba ba yenma yeni, Kelima n tie o Diedo, bi Tienu. N baa gaa bi miabu.

Gourmanchéma Bible

⁶ N baa pa Juda yaaba u paalu, Ki faabi bani Isalele yaaba. N baa gbadi bipo mi niñima, Ki lebidi ki guani ba bi deni. Bi baa yaa tie npo nani mii den kpa yie ba baa yenma yeni, Kelima n tie Li Miali Diedo, bi Tienu. N baa guani bi miabu.

Sakari 10:6 ပူးပေါင်းရင်းမြစ်များ

Pisomi 89:21

N den gandi Davidi ke wan tua n naacemo, Ki wuli o yuli po mi kpagagidikaama ki gandi o.

Esayi 11:12

O baa sieni mi maalima i nilanbuoli po. O baa taani Isidayeli yaaba, Yaaba n ye ti yonbidi kuli, Ki gobidi ki kpeninni Juda yaaba Ban den yadi yadi yaaba Ki tinga ñoakunnaadi nni.

Esayi 14:1

O Diedo baa gbadi mi ninñima Jakob puoliŋuani po. O go baa guani ki gandi Isidayeli yaaba. O baa guani ki kaani ba bi tinga nni. Bi canba baa sani ki taani leni ba, Bikuli n taani ki tua yenma leni Jakob buolu.

Esayi 41:10

Ŋan da jie kelima n ye leni a. Ŋan da nua leni yanbani Kelima n tie a Tienu. N baa yaa pugidi a fidu, N baa cua ki todi a, N kubi a leni n nujienu yuu paani li bonla kuli.

Esayi 54:4

Da jie liba kelima a kan go le fe. Da tiibi leni fe kelima bi kan go fiagi a. A baa sundi a jafandi yogunu. A kan go tia a kpepuodi yogunu fe,

Esayi 54:8

Li pabienkandikaali nni, N den buli a n nunga yogunuba po. Ama n baa gbadi a po mi ninñima, Ki baa a po yaa buama n kan gbeni. Mini o Diedo a daafaabika n yedi yeni.

Jeremi 23:6

O jama nni, Juda diema baa baa mi faabima, Isidayeli diema mo n yaa ye leni mi yanduanma. Diidi ban baa yini o maama: ‹O Diedo n tie ti teginma.›

Jeremi 3:18

Laa dana yaa niinni, Juda leni Isidayeli diema yaaba Baa taani ki yegi ki ña nujienu diema po, Ki kpeni min puni yi baanba Yaa diema, man tua bi faali yeni nii nni.»

Jeremi 30:18

O Diedo maadi mine: «N guani ki kpeninni Jakob puoliŋuani Yaaba n den ye ti yonbidi, Ki juogi a diedi yaaba. Bi baa guani ki maa u dogu, A diegbenbuokpela nni. Ki maa badidiegu ku kaankpelu nni.

Jeremi 30:20

O bijaba baa guani ki tua Nani kpiama yeni. O niba kuli baa yaa se n nintuali ke li pa. N baa fii ki sedi yaaba n wangi a fala kuli po.

Jeremi 31:1

O Diedo yedi: «Li daali kpendi ke n baa yaa tie Isidayeli yaaba kuli Tienu, bimo n yaa tie n niba.»

Jeremi 31:20

Efrayimi tie n bibuadiga, Wani n tie n bigbabili. N kan fidi ki kan tiadi o po, Kelima n bua o. Mi ninñima pia nni o po. N li bua o moamoane. Mini o Diedo n yedi yeni.

Jeremi 31:31

O Diedo yedi: «U yogunu kpendi, ke n baa kuani yaa ŋantaado n paani, Isidayeli leni Juda buolu.

Esekieli 36:11

N baa teni bi niba leni ti yandi n yaa pili ki pugidi, bi baa yaa pili ki go maa ki pugidi. N baa teni mi diema n yaa pia bi niba nani mi kpiama yeni. N baa ŋanbi yi po ki cie mi kpiama. Lani, yi baa bandi ke n tie Li Miali Diedo.

Esekieli 36:37

Mini o Diedo U Tienu yedi mi naa maama: «N baa teni Isidayeli yaaba n guani ki mia n todima, min go cengi ba, ki teni ban pili nani u yankulu yeni.

Esekieli 37:16

«Nisaalo biga, taa ku daagu ki diani ku po yaa maama n tie ne: “Juda leni Isidayeli yaaba, yaaba n pugidi bi po.” Ŋan go taa datoagu ki diani kuni mo yaa po, yaa maama n tie ne: “Josefi daagu leni Isidayeli buolu, yaaba n pugidi o po.”

Esekieli 39:25

Ama o Diedo U Tienu yedi: «Moala n baa guani Jakob buolu, ban den cuo yaaba ti yonbidi yeni, ki gbadi Isidayeli buolu po mi ninñima. N baa yaa pia li nunponli, n yeli yaali n gagidi ki ŋani yeni po.

Ose Tili 1:7

Ama n baa faabi Juda yaaba wani. Mini o Diedo, bi Tienu n baa faabi ba. N kan faabi ba leni a dabana, mu jugisiemu, bu toabu, i taami, bi leni bi tanjagiba ka.»

Ose Tili 14:9

Bani Efrayimi buolu kaa go pia Ŋantaadoba kuli leni i buli. U Tienu baa pa ba ban mia yaala, Ki go yaa kubi ba. N baa yaa tie bi po nani sipre tibu, Yaabu n soangi yogunu kuli yeni. Bi baa yaa baadi bi kpaandi n yaa kane.»

Ose Tili 2:23

O Diedo yedi: «Lanyogunu, N baa tua yaa Tienu n gaani bu miabu, N baa pa tanpoli wan bua yaala, Tanpoli mo n pa ki tinga kan bua yaala,

Abidiasi 1:18

N niba Jakob puoliŋuani baa yaa tie Nani u mu yeni, Josefi puoliŋuani mo baa yaa tie Nani mi mupienu yeni. Ama Esayu puoliŋuani baa tua Nani mi fenma yeni. Bi baa bolini Esayu puoliŋuani Nani u mu N yen buoni mi fenma maama yeni. Oba kuli kan cia Esayu puoliŋuani siiga. Mini o Diedo n yedi yeni.»

Mise 4:13

Siyon yaaba, Fii mani ki ŋmaa yi yibalinba, Nani yaa ne n cuoni u jalu nni, Ki ŋmaadi i di yeni. N baa teni yi yina n tua kuboandi. Yi taawoga mo n tua kumoandi. Yi baa ŋmaa ki midi yaa nilanbuoli n yabi, Ki gagidi ki bili bi piama mini ki tinga kuli Diedo po.

Mise 4:6

O Diedo yedi: «Li daali kpendi, Yaa daali ke n baa guani ki taani n pe yaaba n poagili. N baa guani ki taani ban den deli ki yadi yaaba, Min den faligi bani yaaba yeni.

Mise 5:3

O yaa cua o baa yaa kpaa ba Leni o Diedo paalu, O baa gobidi leni wani, Li Miali Diedo U Tienu kpiagidi. O niba jigi baa yaa co, Kelima yaaba n ye hali ki tinga banlu kuli, Baa yaa kpiagidi wani bi bado.

Mise 5:8

Isidayeli yaaba, pua mani yi koanginkaaba, Ki bolini yi yibalinba kuli.

Mise 7:16

I nilanbuoli baa le lani i fe n cuo ba, Ba leni ban pia yaa paalu kuli. Bi baa pii bi ñoana, bi tuba mo n womi.

Sakari 1:16

Li tie lani yaa po yo, ke Li Miali Diedo U Paalu Kuli Daano yedi yaa maama n tie ne: ‹N go baa lebidi ki cua Jerusalemi leni mi ninñingbadima. N diegu go baa guani ki maa, u dogu moko go baa guani ki maa.› »

Sakari 10:12

N baa pa n niba u fidu, Bi baa yaa kpiagidi nni, Ki tuodi ki tiendi min yedi yaala. Mini o Diedo n yedi yeni!»

Sakari 13:9

N baa ŋaani bani yaaba n sieni ki fo yeni, Nani ban yen puli ŋanjilifa leni wula U mu nni maama, Ki ñani ti joagindi yeni. Bi baa yaa jaandi ki miadi nni, N baa yaa gaani bi miabu. N baa yedi: ‹Bine n tie n niba.› Bimo n yedi: ‹Li Miali Diedo tie ti Tienu.› »

Sakari 8:11

Ama moala, n kan go tieni n niba Yaaba n ciadi yeni laa bonla, Nani min den tiendi ba maama hali yogu. Mini Li Miali Diedo U Paalu Kuli Daano n yedi yeni.

Sakari 9:16

Lanyogunu, o Diedo baa faabi ba Nani o yankpaalo n baa faabi o yankulu maama. Bi baa yaa ñuliti bi diema nni, Nani yaa tana n pia mayuli ki yen Taabi mu badifogilimu po maama yeni.