Sakari 10:5 - U TIENU MAAMA TILI 2013

⁵ Ki taani nani a jakoanda yeni, Ki ŋmaa yaaba n koani leni ba Nani i sani nni moamoadi yeni. Bi baa koani yeni, Kelima mini o Diedo ye leni ba. I fe baa cuo bi yibalinba yaaba n jagi i taami.

Gourmanchéma Bible

⁵ Nani a jakoanda yeni, Ki ŋma nani i sani nni moamoadi, yaaba n koani leni ba. Bi baa koani yeni, Kelima mini Li Miali Diedo ye leni ba. I fe baa cuo bi yibalinba yaaba n jagi i taami.

Sakari 10:5 ပူးပေါင်းရင်းမြစ်များ

2 Samueli 22:43

N pua ki lendi ba nani ku faagu n lendi yaa tangbangu yeni, N mudi ba, n ŋmaadi ba nani i sani nni moamoadi yeni.

2 Samueli 22:8

Lane ki tinga den begibi ki digibi, Tanpoli tanpuuna den begibi, Li kuli den begibi kelima U Tienu pali den beni.

2 Bi Badiba 9:33

Jehu den yedi ban tudi ki lu o tiipo. Bi den tudi Jesabeli ki ñani o li diebonli kani, ki luni o. O den baa ke o soama wuli u bilinu leni i taami po, ke Jehu doni o po leni o toateligu.

Pisomi 18:42

Bi kuudi, ama candaano naa ye. Bi kpaani ki miadi o Diedo, Waa guandi ba liba.

Pisomi 20:7

Moala wani n bani ke o Diedo Baa todi wan gandi yua. Hali wan ye naankani tanpoli po, O baa gaa o miabu. O nujienu baa tieni mi banma ki faabi o.

Pisomi 33:16

Laa tie yaa toagoli n yabi ka, Baa faabi o bado bu toabu nni. Laa tie fidiciamu mo ka baa faabi o jakoando.

Pisomi 44:5

Fini n tie n bado U Tienu, Ñani a ñoamabonli Jakob buolu baa faabi!

Pisomi 45:3

A ŋani ki cie a jalieba kuli. A maama mani hali bonŋanla, Lani n teni ke U Tienu seligi a Yaa yogunu kuli po.

Esayi 10:6

N soani ba, ban fii ki sedi yaa diema Yaa niba n ki ŋua Tienu po, Ki go fii ki sedi yaaba n biendi n pali yeni po. Bi baa fagi ba ki baa li baali, Ki ŋmaa ba bonŋanla nani U sanu nni moamoadi yeni.

Esayi 25:10

Kelima o Diedo nuu n maa li naa juali po.» Bi nugi Moabi ki bili o li buoli nni, Nani ban yen nugi ti muadi maama Ti bugidi buogu nni yeni.

Esayi 31:1

Fala baa nandi yaaba n caa Ejipiti diema nni ki ban lingi mi todima. Bi dugi i taami leni ti toateliti po, Kelima bi coali yabi boncianla. Bi jigini bi tanjagiba, Kelima bi fidu yabi boncianla. Ama bi naa yaadi ki diidi Isidayeli Tienu yua n Gagidi ki ŋani. Bi naa lingi wani o Diedo!

Esayi 41:12

Yaaba n den cidi a li koanli yeni, A baa ti lingi ba, a kan le ba. Yaaba n togidi a leni bu toabu yeni, Mo baa bodi ki tua fanma,

Esayi 41:25

N yini nujienu po joa ke o cua. O ñani puoli ki taa n yeli ki jaandi ki mia nni. O ŋmaa bi paadanba Nani ti tansoangidi yeni, Nani o maado n ŋmaadi Ku yoagu maama yeni.

Esayi 8:9

I nibuoli, kuudi mani boncianla, Kelima yi baa jie ki luodi. Yikuli n cengi bonŋanla, Yinba yaaba n ye hali foagima, Bogini mani bu toabu po. Yi baa jie ki luodi.

Esekieli 38:15

A baa ña hali nujienu po, ŋan ye naankani ki cua, fini leni i nibuoli boncianla ke bi yegi leni a, ke bikuli jagi i taami, ki tie yaa toagoli n yabi ki go pia u paalu.

Amosi 2:15

O dabantuado kan sedi ki mua jama, Yua yaa taana n yua kan sani ki cia, O tanjagilo kan fidi ki gaa o miali.

Mise 5:8

Isidayeli yaaba, pua mani yi koanginkaaba, Ki bolini yi yibalinba kuli.

Mise 7:10

N yibali baa le lani kuli i fe n cuo o, Wani yua n den tua nni, Li Miali Diedo a Tienu ye le? Bi baa ŋmaa n yibalinba nani u sanu nni moamoadi yeni. N nuni baa le lani kuli.

Age Tili 2:22

N baa guli bi badiba, ki bolini I nilanbuoli diema paalu. N baa tudi ki lu ti toateliti leni yaaba n jagi ti po, I taami n kpe, Bi tanjagiba mo n kpa biyaba leni mu jugisiemu.

Sakari 12:4

Lanyogunu, n baa teni ti jawaandi n cuo i taami kuli, i jeje mo n cuo yaaba n jagi ba. N baa yaa faami Juda yaaba po. Ama n baa juani i nilanbuoli taami. Mini o Diedo n yedi yeni.

Sakari 12:8

Lanyogunu n baa kubi Jerusalemi yaaba, ba bi siiga yua n tadi ki cie baa yaa pia u fidu nani Davidi yeni. Davidi puoliŋuani baa yaa tie nani U Tienu yeni, nani o Diedo maleki yua n ye bi liiga yeni.

Sakari 14:13

Landaali, o Diedo baa teni Ti jawaanciandi n cuo ba. Bi baa jili ki cuo biyaba bi ŋmiali nni, Yuakuli baa koani leni o lielo.

Sakari 14:3

Li yaa puoli, o Diedo baa fii I nilanbuoli yeni po, Ki pua ki paadi ba, Nani wan den kpa tieni maama Mi janjanma leni bu toabu daali yeni.

Sakari 9:13

N baa taa Juda buolu, Ban tua nani o toatielo dabanli yeni, Efrayimi buolu mo n tua nani i piemi yeni. N baa taa Siyon yaaba ban tua Nani o jakoando jugisiega, Ki koani leni Gireki diema.»

Matie 28:20

N baa yaa ye leni yi yaa yogunu kuli, hali ŋanduna juodima.»

Matie 4:3

Mi tulinma daano yeni den cua o kani ki yedi o: «A yaa tie U Tienu Bijua ŋan teni a tana na n tua jiema.»

Luki 24:19

O den buali ba: «Be n tieni?» Bi den guani ki yedi o: «Yaa bonla n tieni Jesu, Nasareti yua, yua n den tie U Tienu leni bi niba kuli nintuali, yaa saawalipualo n pia u paalu a tuona po leni mi maama po kuli.

Jesu Tondiba Tuona 18:24

Lanyogunu Jufi yendo yua n den tie Alekisandri dogu yua ke bi yi o Apolosi den cua Efesi. O den bani mi maama, ki go bani i Diani hali bonŋanla.

Jesu Tondiba Tuona 7:22

Bi den bangi Musa Ejipiti yaaba cogu leni bi yanfuobanma kuli. O den pia u paalu mi maama leni a tuona nni kuli.

2 Korenti 10:4

Tin togidi ti yibalinba leni yaa toatiadi naa tie bi nisaaliba yaadi, ti tie yaa toatiadi n pia U Tienu paalu, yuu n fidi ki bolini yibalinba kaanpaali.

Mi Tiadima 20:1

Yi yaa ñani ki baa tuogi yi yibalinba bu toabu, ki laa ke bi pia ti toateliti, i taami leni yaa niba n yabi ki cie yi, yin da jie ba mani, kelima o Diedo yi Tienu yua n den ñani yi Ejipiti diema nni yeni, ye leni yi.

2 Timote 4:17

Wani o Diedo den todi nni ki puni nni u fidu ke n fidi ki waani o Laabaaliŋamo kuli cain, ke bi nilanba kuli n gbadi. O den gaa nni o yangbanlo ñoabu nni.

2 Timote 4:7

N moani li muaŋanli ki gbeni. N sani mi nuama ki gbeni. N kubi li dandanli.

Josue 10:14

Landaali liiga leni li puoli kuli daa go baa yaa daali n naani leni li, ke o Diedo cengi o nisaalo miabu yeni: o Diedo wani o ba den todi Isidayeli yaaba bi toabu nni.

Josue 10:42

O den paadi laa diema leni mi badiba kuli fiiyenma, kelima o Diedo Isidayeli Tienu den todi ba bi toabu nni.

Mi Doagidima 19:17

N go den laa maleki ke o se u yienu nni ki kpaani ki yedi yaa bonyugiditi n yugi tanpoli kuli: «Yin taani ki cua mani U Tienu jecianma po,

1 Samueli 16:18

Bi siiga nni yendo den yedi: «Diidi ki le, n den laa Betelemi yua Isayi bijua ke o bani li gogidipuali, ki go pia u paalu leni li papaali ki tie jakoando, ki bani mi maama, ki pia mi jawaama. O Diedo moko ye leni o.»