Sakari 10:4 - U TIENU MAAMA TILI 2013

⁴ Li tanpuuli tanjigi, li gbandieli kpaali Leni bu toabu dabanli Baa ña Juda yaaba siiga, Bi yudanba buoli buoli baa ña bi siiga,

Gourmanchéma Bible

⁴ Juda yaaba siiga baa ña li tanpuuli tanjigi Leni li gbandieli kpaali, Leni bu toabu dabanli. Bi yudanba buoli buoli baa ña bi siiga ki taani,

Sakari 10:4 ပူးပေါင်းရင်းမြစ်များ

Mi cilima 49:24

Ama o dabanli den se ki pa bonŋanla. O nii den paagi kelima Jakob n ŋua yua Tie U Paalu Kuli Daano. Li tie yene ke o tua Isidayeli yaaba yankpaalo leni bi tanciangu.

Esidirasi 9:8

Ama ba yeni, a gbadi ti po mi ninñima yaa yoginjenga n tie ne po, ki teni ke ki nitianga faabi, ki go puni ti u kuakaanu a kaangagidiŋamu nni. Yeni, a yendi ti nunmu ki faabi ti ti yonbidi siiga.

Pisomi 118:22

Bi tanmaaba n den yie yaa tanli, Lini n tua li tanpuukaali.

Esayi 19:13

Tisoani badijaba gaadi. Nofa badijaba mo ye mi boanma nni, Laa nibuoli yudanba n biandi Ejipiti fanma.

Esayi 28:16

Lani n teni ke o Diedo U Tienu yedi: «N bili Siyon nni li tanpuuli tanli, Laa tanli tie yaa tanli n pia mayuli, ke li dunga pa ki tie li tanpuukaali, Yaali n buugi bonŋanla. Yua n dugi li po kuli, jawaandi kan cuo o.

Esayi 49:2

O den teni ke n ñoabu tua Nani yaa jugisiega n mani yeni. O den wuoni nni o nuu nni, Ki teni ke n tua nani yaa piemu n sondi, Ki ye o luoli nni.

Esayi 54:16

Diidi: mini n tagi o maano Ke o jugi a kuana ke u mu co, Ke o tagi ku jatiagu nani wan bua maama. Mini n didi go tagi yua n bolindi mo, Ke wan kua ku jatiagu yeni.

Jeremi 1:18

Dinla n puni a u paalu nani u kaanpaalu yeni. A baa tua kudasaali leni ti kumoandi bilinu, Ki yie Juda badiba po, bi koanbala po, Bi kopadicianba po, ki taani leni mi diema yaaba kuli po.

Jeremi 51:20

O Diedo yedi: «A den tie n po jatiagu bu toabu po. N teni ke a nugi i nibuoli boncianla, Ki teni ke a bolini yaa diema n ki wa.

Sakari 9:10

O baa bolini ti toateliti Efrayimi buolu siiga, Ki bolini i taami mo bani Jerusalemi yaaba siiga. O baa kua bi dabana, Ki teni mi yanduanma n yaa ye i nilanbuoli siiga. O baa yaa die, ki cili ñincianma kani Ki ban tuoni hali ñincianma, Ki cili Efrati kpenu ki ban tuoni hali u tinbianu.

Sakari 9:8

N baa yaa guu n diema, Ki koani ki gaa ma yaa toagola n fii mi po kani. Oba kuli kan go waani n niba fala, Kelima moala n maani n nuni bi po.»

Mi Coadima 24:17

N nua yaala n baa tieni, ama laa tie moala po, N diidi ki laa bonŋanla, ama li da foagi. Ki ŋmabiga ñani Jakob puoliŋuani siiga, Yua n kubi u badigbiamu fii bani Isidayeli yaaba siiga. O pua ki poagili Moabi yaaba, O baa bolini Seti puoliŋuani kuli.

Matie 9:38

Lanwani, yin mia mani u jetaagu Diedo, wan soani bi tuonsoanba o jetaagu po.»

Luki 20:17

Jesu den diidi ba ki yedi: «Lanwani, yaala n diani na bundi be? Bi tanmaaba n den yie yaa tanli, Lini n tua li tanpuukaali.»

Efesa 2:20

Yi tie nani a tanmaakaana yeni, ke bi ŋuani yi yaa tanpuuli n tie U Tienu tondiba leni o saawalipuaba po. Jesu Kilisiti wani o ba n tie laa tanpuuli tanjigi.

2 Timote 2:4

Yua n tie minteeli, ki bua ki mangi o toagoli yudaano pali, kan pa o yuli mi yema bonbuakaala po.

1 Pieri 2:6

I Diani nni li yedi: «Diidi, n bili Siyon dogu nni li tanpuukaali, Min gandi yaali ke li tie tanmoanli. Yua n dugi li tanli yeni po kuli, kan fiagi.»

Mi Doagidima 17:14

Bi baa tuogi bu toabu leni ki Pebiga, ama ki Pebiga baa paadi ba, kelima o tie bi diediba Diedo leni bi badiba Bado. Wan den yini ki gandi yaaba, yaaba n tie o nidugikaaba, baa taani leni o ki moko n paadi ba.»

1 Samueli 14:38

Lane Sayuli den yini ki taani bi yudanba kuli ki yedi: «Lingi mani ki bandi yaa tagili n tieni dinla.