Sakari 10:1 - U TIENU MAAMA TILI 2013

¹ A siakuana yaa pundi, Yin mia mani o Diedo ki taaga n mi. O baa teni kan yini ki mi hali boncianla. Yuakuli kuanu baa guani ki boandi.

Gourmanchéma Bible

¹ A sakuana yaa pundi, Yin mia mani Li Miali Diedo ke ki taaga n mii. O baa teni kan yini Ki mii hali boncianla. Yua kuli kuani baa goa ki boandi.

Sakari 10:1 ပူးပေါင်းရင်းမြစ်များ

1 Bi Badiba 17:1

Elia, yua n den ñani Tisibe dogu nni ki ye Galaadi diema nni, den yedi Isidayeli bado Akabi: «N tie Li Miali Diedo Isidayeli Tienu yua n ye ki fo yaa naacemo. Hali U Tienu po, taaga kan go mi, mangu mo kan go luoni yaa bina n tie ne, se n mia.»

Jobi 29:23

Bi den guu nni nani ban guu Ki taaga maama yeni. Bi yen yaa bi ñoana n maama po, Nani ki tinga ñiali n yen yaa ki guu Ki taaga maama yeni.

Pisomi 104:13

A ye hali tanpoli po, Ki teni ke ki taaga mi a juana po, Ki ñundi ki tinga mo ke ki guodi.

Pisomi 135:7

O yen teni ti tawadi n fii Hali ki tinga bianu, Ki teni i tañigi n cuani ki taaga, Ki teni u faalu mo n luodi.

Pisomi 65:9

Yaaba n kaa u tinbianu po, Ye leni i jeje kelima a sinankeeninba po. A teni ke puoli leni nintuali kuli Kpaani leni li pamanli.

Pisomi 72:6

Teni o bado n yaa tie Nani yaa taaga n mini u kuanu nni yeni! Wan yaa tie nani yaa tacianga N cua ki kpidi ki tinga yeni!

Mi Kpanjama 16:15

O bado nunbima yaa yieni li miali ye, O ŋanma mo tie nani yaa taaga n cua Ki faadi li bonbulikaala yeni.

Esayi 30:23

Lanwani, o baa ŋaa ki taaga A bonbulikaala po, Ki tinga mo baa luoni Yaa bonluonkaala n yabi ki go mani mo. Landaali a yangola baa gedi Ki ban ŋmani yaa yankpaakaani n yabi nni.

Esayi 44:3

N baa wuli mi ñima ki tinkuonga po, Ki tieni i fuani yaa tinga n kuodi nni. N baa yadi n Fuoma yi puoliŋuani po, Ki go maani n seli yi madi kuli po.

Esayi 5:6

N baa lu ki diani u kuanu yeni. Oba kan coandi coandi i tiidi yeni beni. Oba kan ko ki gaani ki lindi yi. I konkoni leni a kongoaba baa pudi lienni. N baa waani a tawala mo n da go cedi Taaga n mi u niinni.

Jeremi 10:13

O yaa li yedi mayenma, Mi ñima yen sani ki taani tanpoli. O yen teni ti tawadi n fii U tinbianu po, ki do tanpoli. O yen teni i tañigi n tieni ki taaga po. O den ñani u faalu wun wuo naani.

Jeremi 14:22

Naani i nibuoli buyuogidi siiga, Pia yaa bulo n baa fidi ki teni ki taaga n mi? Naani ti tawadi n kpendinni ki taaga? Laa tie fini o Diedo ti Tienu ka? Ti dugi a po, kelima fini n tiendi laa bonla kuli.

Jeremi 5:24

Baa tua bi pala nni: «Tin fangi mani o Diedo ti Tienu, Yua n puuni ti ki taaga ki yogunu, Ki takpiaga leni ki tayuankaaga, Ki bili a dana u jetaagu po.»

Jeremi 51:16

O yaa maadi se mi ñima n dogini ti tawadi nni. O yen teni ti tawadi n fii Ki tieni mi tañigima ki taaga po. O yen ñani u tafaalu wun ye naani.

Esekieli 34:26

N baa teni bani leni n juali lindima kuli n tua li seli bonla. N baa soani ki taaga ki yogunu kan tua seli taaga.

Esekieli 36:37

Mini o Diedo U Tienu yedi mi naa maama: «N baa teni Isidayeli yaaba n guani ki mia n todima, min go cengi ba, ki teni ban pili nani u yankulu yeni.

Ose Tili 10:12

N yedi Isidayeli yaaba: «Tieni mani mi teginma, Lani n tie yin baa yaala n ŋani, Ŋanbi mani yi pala nani yua n cuo U koapaanu ki pedi ki ŋanbi u yeni, Kelima u yogunu pundi, Ke yin lingi mini o Diedo, Hali min baa cua ki yadi yi po mi faabima.

Ose Tili 6:3

Tin moandi mani ki bandi o Diedo. Nani lan ki pia kuli tama ke u yienu baa faa Ki pudi ku tiŋaagu maama yeni, U Tienu cuama moko tie yene. O baa cua nani ki taludikaaga yeni, Ki kuugi ki tinga gbanu, Nani ki siakuantaaga n yen cua, Ki kuugi ki tinga maama yeni.»

Amosi 4:7

N den yie yi po, ki sieni ki taaga Hali ke u jetaagu da sieni ŋmaalitaa. N yen teni ke ki taaga n mi u naa dogu nni Ki lagidi ki ŋaa u naa dogu. N yen teni ki taaga n mi u naa kuanu nni, Ki cedi u naa kuanu mo n luo ka, ki kuodi.

Mise 5:7

Jakob puoliŋuani yaaba sieni baa yaa ye Yaa nilanbuoli n yabi siiga, Nani yaa yangbanlo n ye ti fuayandi siiga, Bi nani yaa yangbanbili n ye A pegola siiga yeni. O baa yaa cuoni bi siiga ki co ki dadi ki padi, Ke oba kuli mo kan fidi ki gaa ba o kani.

Jan n diani U Tienu Laabaaliŋamo maama 16:23

Landaali yaa pundi, yi kan go buali nni liba. N waani yi i moamoani, yin baa mia Baa yaala kuli n yeli nni, o baa pa yi la.

1 Korenti 3:6

Mini n den buli ke Apolosi mo den kpidi. Ama U Tienu n teni ke li kpedi.

Mi Tiadima 28:23

Tanpoli baa juagi nani ti kumoandi yeni, ki tinga, yin ŋmaadi yaaga yaa po mo, n juagi nani ti kuboandi yeni.

Jaki 5:7

N kpiiba, yin yaa pia li juunli hali o Diedo n baa cua. Diidi mani, o kpakpaalo yen guu ki tinga bonluonkaala, yaala n pia mayuli hali boncianla, ki juuni li po hali wan baa baa ki takpiaga leni ki tajuodikaaga kuli.