Sakari 1:8 - U TIENU MAAMA TILI 2013

⁸ Laa ñiagu n den laa li bonlekaala. N den laa o tanjagilo, ke o jagi tanmoano, ki se ku joaloangu nni mirti tiidi siiga. Tantoe den se o puoli po, ke bine moani, bine mo moani ki bua ki yaa boani, bine mo pieni.

Gourmanchéma Bible

⁸ Laa ñiagu n den laa li bonlekaala. N den laa o tanjagilo ke o jagi tanmoano ki se joaloangu nni, militi tiidi yaa siiga. Tantoe den se o puoli po, ke bine moani, bine mo moani ki bua ki yaa boani, bine mo pieni.

Sakari 1:8 ပူးပေါင်းရင်းမြစ်များ

Mi cilima 20:3

Lanwani, U Tienu den doagidi Abimeleki kani ti dangidi nni ku ñiagu ki yedi o: «A baa kpe, kelima ŋan taa yaa pua yeni yaa po. O pia o joa.»

Mi cilima 46:2

U Tienu den maadi leni Jakob li bonlekaala nni ku ñiagu, ki yedi o: «Jakob, Jakob.» Jakob den guani ki yedi o: «Mini nne.»

1 Bi Badiba 3:5

Gabaon yene, ke o Diedo den doagidi Salomon kani ti dangidi nni ku ñiagu ki yedi o: «Mia nni ŋan bua min pa ŋa yaala.»

Nehemi 8:15

ki go kpaani bi dogi nni kuli leni Jerusalemi nni, ki yedi: «Gedi mani a juana po ki ban baa olivie tiidi beni, ban ko yua leni li fuali nni yua, mirti tiidi beni, ti kpakpafaadi leni yaa tiidi n pia ti faadi boncianla kuli beni, ki tii a suga nani lan diani maama.»

Jobi 4:13

Li bonlekaala yen kpendi Bi niba kani ti dangidi nni, Yaa yogunu ke bi guani ki nali bi landi.

I Yani 2:16

Mini n die n buado, n buado mo n die nni. O kpaa o yangoli mi puuma siiga.

I Yani 6:2

N buado kua o salidingo nni, Yaa tibidi n pia u nuulumanu n ye naankani, Ki baa yaa kpaa o yangoli lienni, Ki go ñani mi puuma.

Esayi 41:19

N baa teni sediri tiidi, Akasia, militi Leni olivie tiidi n pudi Mi fanpienma nni, Ki go teni sipre, olima leni buisi tiidi N pudi a penpela po.

Esayi 55:13

Sipre tiidi n baa pudi ki gaa A kongoaba kaanu, Militi mo n baa pudi ki gaa I konkoni kaanu. Lani kuli baa teni o Diedo yeli n ña. Li baa yaa tie yaa bontiadikaala N kan bodi hali yaa yogunu kuli.

Esayi 57:15

Yua n ye hali tanpolijoma, Wani yua n ye hali yaa yogunu kuli, Ke o yeli mo gagidi ki ŋani yedi: «N ye mi gagidiŋanma nni Leni yaa kaanu n kpedi ki cie I kaani kuli nni. Ama n go ye leni ban mabindi yua Leni yua n ye leni li pabiidili. Yeni n baa fidi ki baagi yaaba N ye li pabiidili nni, Ki go faabi yaaba n laadi fala bi pala nni.

Danieli 2:19

Lani, li bondoaginkaala yeni den doagidi Danieli po ku ñiagu ti dangidi nni. O den jaandi ki kpiagi Tanpoli Tienu.

Danieli 7:13

N go den laa ku ñiagu bonlekaala yeni niinni, ke yua n naani leni o nisaalo ye ti tawadi po, ki kpendi ki tiegi o jakpelo yeni. Bi den ciani o ke o pundi o kani.

Danieli 7:2

O den yedi: «Ku ñiagu n den laa li bonlekaala n dangidi nni, ke yaa faalu n ñani ki tinga ñoakunnaadi kuli, den figi ki fiindi mi ñincianma.

Sakari 1:10

Wani yua n den se militi siiga den pugini ki yedi: «Bi tie o Diedo n soani yaaba ban goandi mi tinfanma.»

Sakari 1:11

Bi den maadi leni o Diedo Maleki yua n se mirti tiidi siiga yeni, ki yedi: «Ti goandi mi tinfanma ki sua ke mi yanduanma bebe n ye lienni.»

Sakari 1:7

Dariyusi bali binlieli, piiga n cilo, ban yi yaa ŋmaalo Sevati, piilie n danaali, o Diedo den maadi leni Berekia bijua, Ido yaabili o saawalipualo Sakari.

Sakari 13:7

Li Miali Diedo U Paaciamu Kuli Daano yedi: «Ki jugisiega, fii ki baa o yankpaalo, Min den taa yua ke o tie n todika yeni. Ŋan kpa o, lani i pe baa yadi i kaani kuli, Min baa ki cuo a bonbila.»

Mi Coadima 12:6

O den yedi: «Cengi mani bonŋanla min baa yedi yi yaala: Saawalipualo yaa ye yi siiga, mini o Diedo yen doagidi n yuli o kani li bonlekaala leni ti dangidi nni.

Josue 5:13

Dayenli, Josue den kuu leni Jeriko dogu. O den noanli o liiga, ki sua ke o joa se o nintuali, ki noadi ki jugisiega ki muubi. Josue den nagini o ki yedi o: «A tie ti yaa po yua bi, bi ti yibalinba yaa po yua yo?»

Mi Doagidima 2:1

Ŋan diani Kilisiti Nitaanli, yaali n ye Efesi po yaa maleki po ki yedi o: «Yua n muubi a ŋmabileleeda o jienu, ki go cuoni wula fidisantuankaanilele siiga yeni, yedi yaala n tie ne:

Mi Doagidima 6:2

N den diidi ki laa o tanpieno. Yua n jagi o den kubi li dabanli. Bi den puni o ki badifogiliga, ke o ñani likani ki tie jakoando ki baa paadi.

Mi Doagidima 6:4

Lanwani, tantoa den ñani ki moani. Bi den puni yua n jagi o u paalu ke wan teni mi yanduanma n gbeni bi niba siiga ki tinga nni, bi niba n yaa kpaani biyaba. Bi go den teni o ki jugisiecianga.