Sakari 1:6 - U TIENU MAAMA TILI 2013

⁶ Ama min den teni n naacenba, bi saawalipuaba yaa ñoamabona leni yaa mabilikaama kuli, den cuo yi yaajanba pala. Bi den lebidi bi tagi ki yedi: ‹Li Miali Diedo U Paalu Kuli Daano soani ti nani ti tagi leni ti tuona n den teni ke o jagi ke o baa soani ti maama.› »

Gourmanchéma Bible

⁶ Ama min den teni n naacenba, bi sawalipuaba yaa ñoabona leni yaa mabilikaama kuli den cuo yi yaajanba pala. Bi den lebidi bi tagi ki yedi: ‹Li Miali Diedo, U Paaciamu Kuli Daano soani ti nani ti tagi leni ti tuona n den teni ke o jagi ke o baa soani ti maama.› »

Sakari 1:6 ပူးပေါင်းရင်းမြစ်များ

2 Bi Badiba 15:12

Li den tua nani o Diedo n den maadi Jehu maama ki yedi: «N baa teni a yaabila n yaa di li bali Isidayeli nni, hali nifiiminaa.» Li den tua yeni.

Jobi 6:29

Guani ki cua mani! Da tiendi mani yaala n ki tiegi! Guani mani ki cua ne! N li baa ki se n teginma nne.

Esayi 21:17

Li baa sieni Kedari Dabantuadimoana siiga, niba waamu bebe.» O Diedo Isidayeli Tienu n yedi yeni.

Esayi 44:26

N saagi o naacemo maama po i moamoani. N tonda n pua saawali yaali yaa po mo, N tiendi la. N yedi Jerusalemi dogu po: ‹U baa guani ki baa bi niba,› Ki go yedi Juda diema dogi mo: ‹Bi baa guani ki maa bi diebuona nni.›

Esayi 55:1

U ñuñuunu n pia yinba yaaba yeni kuli, Cua mani mi ñima kani. Ba yua n ki pia ligi, Cua mani ki daa ki je. Cua mani ki daa mi daama leni mi naaŋanma Ke laa tie ligi, ki naa pia panpaani mo.

Esayi 55:11

N maama yaama n ñani n ñoabu nni moko tie yene. Mi kan lebidi ki guani n kani Kaa tieni n yanbuama, Ki naa go tieni min den soani ma Man tieni yaala kuli.

Jeremi 23:20

O Diedo pabienli kan pegidi ki teli poto kuli, Se li cua ki tieni wan jagi maama o pali nni. Li daali kpendi ke yi baa bandi lan bua ki yedi yaala.

Jeremi 26:15

Ama yin bandi ke yi yaa kpa nni, yi baa tugi yaa soama n ki pia tagili yi yula po, yinba, u naa dogu leni u niba kuli, kelima moamoani o Diedo n soani min waani yi laa maama, yin gbadi yaama ne.»

Jeremi 28:17

Laa binli cileleelo nni, o saawalipualo Anania den kpe.

Jeremi 32:24

Yibalinba gaani ki lindi, ki bua ki guli u dogu. Bani Babilonni yaaba, yaaba n fii ki sedi u dogu po yeni, baa diedi u. Bu toabu, mi koma leni u yianbiadipuodiko baa teni ban paadi u dogu yeni. Ŋan den tuodi ki waani yaala tieni, a nua la mo.

Jeremi 36:28

«Guani ki baa tigbabikatoali. Ŋan guani ki diani yaa maama n den ye Juda bado Joakimi n den juu yaa tili yeni niinni kuli.»

Jeremi 39:16

«Gedi ki ban maadi leni Ebedi-Meleki Etiopi diema yua, ki yedi o: Li Miali Diedo U Paaciamu Kuli Daano, Isidayeli Tienu yedi nanda: ‹N baa cuani u naa dogu po, min maadi yaa yebiadima maama yeni, ki tieni u yaala n bia. N kan tieni u yaala ŋani ka! Laa bonla kuli baa tieni a nunbu nni.

Jeremi 4:4

Kua mani ku koanciagu o Diedo po. Yinba Juda leni Jerusalemi yaaba, Lebidi mani yi pala. Lani n tie n pali n da be, Ki cuo nani u mu yeni, Ki cuo yaa cuoma ke bi kan fidi ki gbindi u, Kelima yi tuadibiada n gundi maama po.

Jeremi 44:2

Li Miali Diedo U Paaciamu Kuli Daano, Isidayeli Tienu yedi: «Yi laa min teni ke yaa fala n baa Jerusalemi dogu leni Juda. Dinla laa dogi kuli tie diegbendi. Niba ki ye i niinni.

Jeremi 44:28

Bi niba waamu, bu toabu n ki nandi yaaba, baa ña Ejipiti diema nni, ki guani Juda diema nni. Ama Juda niba yaaba n sieni ki den cua ki wuoni Ejipiti nni yeni kuli, baa bandi mini leni bani siiga, yua n pia moamoani.

Jeremi 44:29

Mini o Diedo, n baa fii ki sedi yi po u naa kaanu. N baa tieni yi po sinankeene. Lani n tie yin bandi ke min yedi ke yaa yebiadima n baa ŋmaa yi yeni, baa cua. Laa sinankeene n tie one:

Jeremi 44:6

N den jiini n pabienli leni n mutuoli, ki juu Juda diema dogi leni Jerusalemi sani, ke likuli kpandi diegbendi leni pabiidili kaani, nani tin nua ke li tie maama dinla yeni.»

Jeremi 5:14

Lani n teni ke o Diedo U Tienu U Paaciamu Kuli Daano yedi: «Nani ban maadi laa maama yeni, N baa teni min kuani fini Jeremi Ñoabu nni yaa maama yeni, N buoni ba nani ti daadi yeni.

Jeremi Bubula 1:18

O Diedo n tiegi, Kelima n den yie o bali maama. Cengi mani yinba i nibuoli kuli, Diidi mani n fala! Bi gedini n jafanba leni n jawaaba ti yonbidi.

Jeremi Bubula 2:17

O Diedo tieni wan bi jagi yaala. O tieni wan bi yedi yaala, Wan den maadi yaa maama hali yogu. O bolini ke ninñima ki pia o, Ki teni ke a yibalinba laa a puoli. O pugini a yibalinba paalu.

Jeremi Bubula 3:42

Tinba, ti tua niyiekaaba Leni yaaba n kaa tuo! Ama fini wani, ŋaa tieni ti po sugili!

Esekieli 20:43

Lankane yi baa yaa tiadi yi tagu po leni yin den joagini yi yula leni yaa tuona kuli po. I fe baa cuo yi leni yin den soani yaa tuonbiada kuli po.

Esekieli 37:11

O go den guani ki yedi nni: «Nisaalo biga, a nua yaa kpaba n tie ne, tie Isidayeli buoli yaaba kuli yo. Bi tua: ‹Ti kpaba kuodi, ti suginma bodi, timo bia n yeni!›

Danieli 4:28

Hali ke o bado daa maadi ki gbeni, u nialu den ñani tanpoli po ki yedi: «O bado Nebukanesa, cengi yaa maama n tie ne: Bi gaa a bali.

Ose Tili 5:9

Fala daali yaa cua, Efrayimi buolu baa bodi. Min wangi yaala yinba Isidayeli yaaba siiga na, Baa tieni ke laa pia kuli tama.

Ose Tili 9:15

Bi biadima kuli den doagidi Giligali dogu nni, Lankane ke n den cili ki yie ba. N baa deli ki ñani ba n diema nni, Kelima bi tuona n bia maama po. N kan go yaa bua ba. Bi yudanba kuli li tie niyiekaabe.

Amosi 9:10

Bu toabu baa je n niba siiga ti tuonbiadi danba kuli, Bani yaaba n tua: ‹A kan teni fala n nagini ti, A kan teni fala n baa ti.›

Sakari 1:7

Dariyusi bali binlieli, piiga n cilo, ban yi yaa ŋmaalo Sevati, piilie n danaali, o Diedo den maadi leni Berekia bijua, Ido yaabili o saawalipualo Sakari.

Malaki 3:18

Lani, yi baa le yaa paadima n ye bi niteginkaaba leni bi nibiadiba siiga. Yi baa le yaa paadima n ye yaaba n tuuni U Tienu po leni yaaba n ki tuuni o po siiga.»

Mi Coadima 23:19

U Tienu ki tie nisaalo ka, ki baa pua mi faama, Waa tie nisaalo ka, ki baa lebidi o yantiali. Waa bili bonla, ki daa tieni la! Naani o baa niani ñoanianu, kaa baa kuani o cuu?

Mi Coadima 32:23

Ama yi yàá tieni yeni, yi tieni o Diedo po ti tuonbiadi, yin bandi mo, ke yi tuonbiadi mo baa yaa ŋua yi.

Mi Coadima 33:56

Lanwani, min den jagi ke n baa tieni ba yaala yeni, n ji baa tieni yinbe la.»

Matie 24:35

Tanpoli leni ki tinga kuli baa pendi, ama n maama kan pendi abada.

Mi Tiadima 28:15

Ama yi yaa yie kaa ŋoadi o Diedo yi Tienu yedima, kaa kubi ki go tiendi min teni yi o bali maama leni o mabilikaama yaama dinla ne, diidi yaa solindi n baa jiidi yi po, ki nandi yi:

Mi Tiadima 28:2

Li yaa tie ke yi tuo ki ŋua o Diedo yi Tienu yedima, diidi yaa seli n baa jiidi yi po, ki tua yi yaali.

Mi Tiadima 28:20

O Diedo baa soani yi po ti solindi, ti yanyagidi leni mi yanlengidima yi bontienkaala kuli nni. O baa teni yin bodi tontoni, kelima yi tuonbiada po leni yin ŋaa nni maama po.

Mi Tiadima 28:45

Laa solindi kuli baa jiidi yi po, ki ŋoadi ki deli yi ki nandi yi, hali ki ban bolini yi cain, kelima yin kaa tuo o Diedo yi Tienu yedima, ki naa kubi wan teni yi yaa bali maama leni yaa mabilikaama yeni po.

1 Tesaloniki 5:4

Ama yinba ti kpiiba, yii ye li biigili nni, ke landaali baa ludi yi nani o suudo yeni.